ஒரே சார்ஜில் 515 கி.மீட்டர் மைலேஜ்.. மாஸ் காட்டப்போகும் மாருதி சுசுகி.. வரப்போது புதிய மின்சார MPV கார்!
மாருதி சுசுகி நிறுவனம் இந்திய சந்தையில் இந்தாண்டு இறுதியில் புதிய மின்சார எம்பிவி காரை அறிமுகப்படுத்தும் என்று எதிர்பார்க்கப்படுகிறது.

இந்தியாவில் மிகவும் பிரபலமான கார் நிறுவனங்களில் ஒன்று மாருதி சுசுகி. இவர்களின் கார்களுக்கு என்று இந்தியாவில் மிகப்பெரிய வரவேற்பு இருந்து வருகிறது. இந்தியாவில் சமீபகாலமாக மின்சார கார்களின் எண்ணிக்கை மிகப்பெரிய அளவில் அதிகரித்து வருகிறது.
விரைவில் மின்சார எம்பிவி:
மாருதி சுசுகி நிறுவனம் இந்தாண்டு இறுதியில் விரைவில் மின்சார MPV காரை அறிமுகப்படுத்த உள்ளது. இந்த மின்சார MPV காரை ஏற்கனவே பரிசோதனை ஓட்டம் செய்துள்ளனர். இந்த கார் மாருதி விதாரா கார் போன்று வலுவாக இருக்கும் என்று கருதப்படுகிறது. இதில் 18 இன்ச் அலாய் சக்கரங்கள், பக்கவாட்டு விளக்குகள், ஏ பில்லர் போன்றவை விதாரா காரில் இருப்பது போலேவ இடம்பெறும் என்று கருதப்படுகிறது.
இதில் எர்டிகா காரில் இருப்பது போல எல் வடிவ டெயில் விளக்குகள் இருக்கும் என்று கருதப்படுகிறது. இந்த காரின் தோற்றமும், உட்கட்டமைப்பும் வாடிக்கையாளர்களை கவரும் வகையில் மிகவும் கவர்ச்சியாக இருக்கும் என்று எதிர்பார்க்கப்படுகிறது. இந்த காரின் டேஷ்போர்ட், சென்ட்ர் கன்சோல், கதவுகள் ஆகியவை மிகவும் வசதியாகவும் செளகரியமாகவும் வடிவமைக்கப்பட்டுள்ளது.
சிறப்புகள்:
இந்த புதிய மின்சார எம்பிவி கார் 6 அல்லது 7 இருக்கைகள் கொண்டதாக அறிமுகமாகும் என்று கருதப்புடகிறது. இந்த காரில் ஓட்டுநர் இருக்கை 10 வே பவர் அட்ஜஸ்ட்மென்ட்டாக அமைக்கப்பட்டுள்ளது. 10.25 இன்ச் டிஜிட்டல் இன்ஸ்ட்ரூமென்ட் கிளஸ்டர், 10.1 இன்ச் டிஜிட்டல் இன்ஸ்ட்ரூமென்ட் கிளஸ்டர் மற்றும் வயர்லஸ் ஸ்மார்ட்போன் சார்ஜர் வசதிகள் உள்ளது.
லேன் கீப் அசிஸ்ட், லேன் டிபார்ச்சர் ப்ரெவன்சன், அடேப்டிவ் க்ரூஸ் கன்ட்ரோல், ரியர் கிராஸ் ட்ராஃபிக் அலர்ட் வசதி உள்ளது. ஏழு ஏர்பேக்குகள் உள்ளது மற்றும் 360 டிகிரி கேமரா வசதி இருப்பதாகவும் தகவல்கள் வெளியாகியுள்ளது. இந்த காரில் 2 வேரியண்ட் அறிமுகமாக உள்ளதாகவும் கூறப்படுகிறது.
மைலேஜ்:
49 கிலோவாட் பேட்டரி பொருத்தப்பட்ட ஒரு வேரியண்ட் மற்றும் 61 கிலோவாட் பேட்டரி பொருத்தப்பட்ட ஒரு வேரியண்ட் பொருத்தப்பட உள்ளதாகவும் கூறப்படுகிறது. 49 கிலோவாட் பேட்டரி பொருத்தப்பட்ட வேரியண்ட் 142 எச்பி மற்றும் 193 என்எம் டார்க் இழுதிறன் கொண்டது. இதை ஒரு முறை சார்ஜ் செய்தால் 415 கிலோமீட்டர் வரை மைலேஜ் அளிக்கும் என்று கருதப்படுகிறது.
அதேபோல, மற்றொரு வேரியண்டான 61 கிலோவாட் பேட்டரி பொருத்தப்பட்ட வேரியண்டில் 172 எச்பி குதிரை ஆற்றல் மற்றும் 193 என்எம் டார்க் இழுதிறன் கொண்டதாகவும் உள்ளது. இந்த வேரியண்டை ஒரு முறை சார்ஜ் செய்தால் 515 கிலோமீட்டர் வரை மைலேஜ் அளிக்கிறது. இந்த கார் இந்தாண்டு இறுதியில் அறிமுகமாகும் என்று எதிர்பார்க்கப்படுகிறது.
இந்த கார் இந்திய சந்தையில் அறிமுகமானால் மற்ற நிறுவனங்களின் மின்சார கார்களுக்கு மிகப்பெரிய போட்டியாக அமையும் என்று எதிர்பார்க்கப்படுகிறது.
ட்ரெண்டிங் செய்திகள்





















