Mahindra Scorpio: என்னடா பெரியா இன்னோவா..! ரூ.13 லட்சத்துக்கே 9 சீட்டர் எஸ்யுவி - பெர்ஃபாமன்ஸ் கிங், மொத்தமா எப்படி?
Mahindra Scorpio Classic: டொயோட்டா இன்னோவா க்ரிஸ்டாவை காட்டிலும் மலிவான விலையில் கிடைக்கும், 9 சீட்டர் மஹிந்த்ரா ஸ்கார்ப்பியோ க்ளாசிக் கார் மாடல் குறித்து கீழே விவரிக்கப்பட்டுள்ளது.
Mahindra Scorpio Classic: மஹிந்த்ரா ஸ்கார்ப்பியோ க்ளாசிக் கார் மாடலின் 9 சீட்டர் எடிஷன் குறித்த விவரங்கள் கீழே பட்டியலிடப்பட்டுள்ளன.
மஹிந்த்ரா ஸ்கார்ப்பியோ க்ளாசிக் 9 சீட்டர்
இந்திய சந்தையில் குடும்பமாக பயணிக்க விரும்புவோர் அனைவருக்கும் இன்னோவா க்ரிஸ்டா என்பது முதன்மையானதாக தேர்வாக உள்ளது. இதன் விலை 18 லட்சத்து 85 ஆயிரம் ரூபாயில் தொடங்கி 25 லட்சத்து 67 ஆயிரம் ரூபாய் வரை நீடிக்கிறது. ஆனால், இதைகாட்டிலும் சுமார் 6 லட்சம் ரூபாய் வரையிலான குறைந்தவிலையிலேயே, செயல்திறன் மிக்க 9 சீட்டர் கார் மாடல் ஒன்று உள்ளூர் சந்தையில் கிடைக்கிறது. விற்பனையிலும் தொடர்ந்து அசத்தி வருகிறது என்பது உங்களுக்கு தெரியுமா? ஆம், அது மஹிந்த்ராவின் ஸ்கார்ப்பியோ கார் மாடல் தான். 9 பேர் தாராளமாக அமந்து குடும்பமாக பயணிக்க ஏற்ற தேர்வாக உள்ளது. சென்னையில் இந்த காரின் எக்ஸ் ஷோரூம் விலையானது 13 லட்சத்து 19 ஆயிரத்து 399 ரூபாய் என நிர்ணயிக்கப்பட்டுள்ளது.
ஸ்கார்ப்பியோ க்ளாசிக் 9 சீட்டர் டிசைன்
கடந்த மார்ச் மாதத்தில் உள்ளூர் சந்தையில் மஹிந்த்ரா நிறுவனம் 60 ஆயிரத்திற்கும் அதிகமான யூனிட்களை விற்பனை செய்துள்ளது. இந்த மகத்தான சாதனைக்கு ப்ராண்டின் ஸ்கார்ப்பியோ மாடல் மிக முக்கியமானதாக உள்ளது. இந்த காரானது ஸ்கார்ப்பியோ க்ளாசிக் மற்றும் ஸ்கார்ப்பியோ என் என இரண்டு எடிஷன்களில் விற்பனை செய்யப்படுகிறது. ஆனால், ஸ்கார்ப்பியோ க்ளாசிக்கில் குறிப்பாக அதன் அடிப்படை எஸ் வேரியண்டில் தான் 9 சீட்டர் லே-அவுட் கிடைக்கிறது. முதல் வரிசையில் முன்னோக்கிய படி இரண்டு பேரும், இரண்டாவது வரிசையில் மூன்று பேரும் அமரும் வகையில் வடிவமைக்கப்பட்டுள்ளது. கடைசி வரிசையில் இரண்டு முழு நீள இருக்கைகள் எதிரெதிரே பார்த்தபடியும், 4 பேர் அமரும் வகையிலும் பொருத்தப்பட்டுள்ளது. அதிகப்படியான பயணிகள் பயணிக்கும் காரை மலிவு விலையிலேயே பயணிகள் அணுகும் வகையில் இந்த காரானது வடிவமைக்கப்பட்டுள்ளது.
ஸ்கார்ப்பியோ க்ளாசிக் 9 சீட்டர் - இன்ஜின்
ஸ்கார்ப்பியோ க்ளாசிக் 9 சீட்டரில் 2.2 லிட்டர் எம்ஹாவ்க் 4 சிலிண்டர் டீசல் இன்ஜின் ஆப்ஷன் மட்டுமே உள்ளது. ரியர் வீல் ட்ரைவ் கான்ஃபிகரேஷனில் 6 ஸ்பீட் மேனுவல் ட்ரான்ஸ்மிஷன் எனும் ஒற்றை ஆப்ஷனில் மட்டுமே கிடைக்கிறது. 2184சிசி திறன் கொண்ட இந்த இன்ஜின் ஆனது 130bhp, 300Nm ஆற்றலை உற்பத்தி செய்கிறது. 60 லிட்டர் கொள்ளளவு கொண்ட எரிபொருள் டேங்கை கொண்டு, லிட்டருக்கு சுமார் 14.44 கிலோ மீட்டர் மைலேஜ் வழங்குகிறதாம். அதன்படி டேங்கை முழுமையாக நிரப்பினால் 960 கிலோ மீட்டர் தூரம் இடைநிற்றல் இன்றி பயணிக்கலாம். இது குடும்பமாக பயணிக்க விரும்புவோருக்கு, பட்ஜெட்டில் மிகப்பெரிய சேமிப்பாக இருக்கும்.
ஸ்கார்ப்பியோ க்ளாசிக் 9 சீட்டர் - முக்கிய அம்சங்கள்
வெளிப்புறத்தில் ஹாலோஜென் முகப்பு விளக்குகள், எல்இடி டெயில் லேம்ப்கள், 17 இன்ச் ஸ்டீல் வீல்கள், தனித்துவமான பான்னெட் ஸ்கூப் ஆகியவை கவனத்தை ஈர்க்கின்றன. உட்புறத்தில் ப்ளாக் தீமில் வினைல் அப்ஹோல்ஸ்ட்ரி, மேனுவல் ஏர் கண்டிஷனிங், இரண்டாவது வரிசையில் ஏசி வெண்ட்கள் ஆகியவை உள்ளன. பாதுகாப்பிற்காக இரட்டை முன்பக்க ஏர்பேக்குகள், எலெக்ட்ரானிக் ப்ரேக் ஃபோர்ஸ் டிஸ்ட்ரிபியூஷன் உடன் கூடிய ஆண்டி லாக் ப்ரேக்கிங் சிஸ்டம் மற்றும் ரியர் பார்கிங் சென்சார்கள் வழங்கப்பட்டுள்ளன. முன்புறத்தில் டிஸ்க் ப்ரேக்குகளும், பின்புறத்தில் ட்ரம் ப்ரேக்குகளும் இடம்பெற்றுள்ளன. பயணம் தொடர்பான தகவல்களை அறிய சிறிய டிஜிட்டல் ஸ்க்ரீன் உள்ளது. அதேநேரம், வேகம் உள்ளிட்ட விவரங்களுக்கு அனலாக் டயல்ஸ் பயன்படுத்தப்படுகிறது.
தலைப்பு செய்திகள்
ட்ரெண்டிங் செய்திகள்
