Hyundai Verna Facelift: வெர்னா இன்டீரியர்.. வரப்போகும் மாற்றங்கள் என்ன? விர்டஸ், ஸ்லாவியாவை சமாளிக்குமா புது எடிஷன்?

Hyundai Verna Facelift 2026: இந்திய ஆட்டோமொபைல் சந்தையில் ஹுண்டாய் வெர்னா ஃபேஸ்லிஃப்ட்டின் உட்புறத்தில் வரப்போகும், புதிய மாற்றங்கள் குறித்து இந்த தொகுப்பில் அறியலாம்.

ஹுண்டாய் வெர்னா ஃபேஸ்லிஃப்ட்

Source : Hyundai

Hyundai Verna Facelift: ஹுண்டாய் வெர்னா ஃபேஸ்லிஃப்ட் உள்ளூர் சந்தையில் ஸ்லாவியா மற்றும் விர்டஸ் கார் மாடல்களை சமாளிக்குமா? என கீழே விவரிக்கப்பட்டுள்ளது.

ஹுண்டாய் வெர்னா ஃபேஸ்லிஃப்ட்

இந்திய ஆட்டோமொபைல் சந்தையில் ஹுண்டாய் வெர்னா கார் மாடலின், ஃபேஸ்லிஃப்ட் எடிஷன் விரைவில் சந்தைப்படுத்தப்பட உள்ளது. தற்போது விற்பனையில் உள்ள நான்காவது தலைமுறை செடானானது, 2023ம் ஆண்டு மார்ச் மாதம் அறிமுகப்பட்டுத்தப்பட்டது. அதைதொடர்ந்து தற்போது வழங்கப்படும் ஃபேஸ்லிஃப்டில் மறுவடிவமைப்பு செய்யப்பட்ட முன்பகுதி, சில குறிப்பிடத்தக்க உட்புற அப்டேட்கள் எதிர்பார்க்கப்படுகின்றன. அதன் அடிப்படை சில்-அவுட் தோற்றம் எந்தவித மாற்றமும் இன்றி தொடர்ந்தாலும், ஸ்டைலிங் அடிப்படையில் பெரிய அளவிலான மேம்படுத்தல்களை பெற உள்ளது. அடுத்த ஓரிரு மாதங்களில் இது சந்தைப்படுத்தப்படும் என கூறப்படுகிறது.

வெர்னா ஃபேஸ்லிஃப்ட் - புதிய அலாய் வீல்கள்,கலர்

காரின் முன்பகுதியில் சிறிய திருத்தங்கள் மேற்கொள்ளப்பட்டு, புதிய பம்பர் வழங்கப்பட உள்ளது. லைட்பார் அப்படியே தொடர்ந்தாலும், முகப்பு விளக்கு யூனிட் புதியதாக இணைக்கப்பட உள்ளது. புதிய அலாய் வீல்களுடன், கூடுதல் வண்ண விருப்பங்களும் வழங்கப்பட உள்ளன. பின்புறத்தில் புதிய டெயில் லேம்ப்களுடன், விளக்கு அமைப்புகள் மாற்றி அமைக்கப்பட உள்ளன. வெளிப்புறத்துடன் ஒப்பிடுகையில் உட்புறத்தில் அதிகப்படியான அப்டேட்கள் வழங்கப்படும் என எதிர்பார்க்கப்படுகிறது.

வெர்னா ஃபேஸ்லிஃப்ட் - புதிய ஸ்டியரிங் வீல், கனெக்டிவிட்டி

ஹுண்டாயின் புதிய வென்யுவில் வழங்கப்பட்டுள்ளதை போன்று திருத்தப்பட்ட ஸ்டியரிங் வீல் புதிய வெர்னாவில் இடம்பெற உள்ளது. மேலும் அதில் மார்ஸ் கோடில் ப்ராண்டின் லோகோவும் பொறிக்கப்பட்டு இருப்பதை, சோதனையின்போது எடுக்கப்பட்ட புகைப்படங்கள் உறுதி செய்துள்ளன. ஸ்க்ரீன்கள் இணைக்கப்பட்டு இருந்தாலும், இன்ஃபோடெயின்மெண்டானது முற்றிலும் புதியதாகவும், அண்மைக்கால கனெக்டிவிட்டி தொழில்நுட்பம் மூலம் மேம்படுத்தப்பட்டதாகவும் இருக்கும். ஏராளமான அம்சங்களை கொண்ட வலுவான செடான் ஆக இருந்தாலும், புதிய வெர்னாவில் மேலும் சில வசதிகள் இணைக்கப்பட உள்ளன. பெரும்பாலானவை அண்மையில் அறிமுகப்படுத்தப்பட்ட வென்யுவில் இருந்து அப்படியே பின் தொடரப்படுகிறது. இதில் சிவப்பு நிற ஸ்டிட்சிங்குடன் கூசிய டூயல் - டோன் அப்ஹோல்ஸ்ட்ரியும் அடங்கும். மற்ற கூடுதல் அம்சங்கள் தொடர்பான தகவல் விரைவில் வெளியாகும் என எதிர்பார்க்கப்படுகிறது.

வெர்னா ஃபேஸ்லிஃப்ட் - இன்ஜின் ஆப்ஷனில் மாற்றமா?

இன்ஜின் அடிப்படையில் புதிய வெர்னாவில் எந்தவித மாற்றங்களும் மேற்கொள்ளப்படவில்லை. அதாவது 1.5 லிட்டர் நேட்சுரலி ஆஸ்பிரேடட் பெட்ரோல் மற்றும் 1.5 லிட்டர் டர்போ பெட்ரோல் ஆப்ஷன்களை, மேனுவல் மற்றும் DCT வசதியுடன் பயனர்கள் தொடர்ந்து தேர்வு செய்யலாம். இதனால் எரிபொருள் செயல்திறன், நம்பகத்தன்மையில் பயனர்கள் எந்த மாற்றத்தையும் பெறப்போவதில்லை. அதேநேரம், டர்போ பெட்ரோல் ஆப்ஷனானது என் - லைன் வேரியண்டை பெறக்கூடுமென தகவல்கள் தெரிவிக்கின்றன.

வெர்னா ஃபேஸ்லிஃப்ட் - விலை, போட்டியாளர்கள்

ஒட்டுமொத்தத்தில் ஃபேஸ்லிஃப்ட் செய்யப்பட்ட புதிய வெர்னாவானது, தோற்றம் மற்றும் தொழில்நுட்ப அடிப்படையில் புதிய சொனாட்டாவை போன்றே கூடுதல் ப்ரீமியம் செடானாக இருக்கும் என கருதப்படுகிறது. தற்போதைய எடிஷனின் விலை ரூ.10.80 லட்சத்தில் தொடங்கி ரூ.17.13 லட்சம் வரை நீள்கிறது. உட்புற அம்சங்களை கருத்தில் கொண்டு வழங்கப்பட்டுள்ள அப்க்ரேட்களால், புதிய எடிஷனின் விலையானது ரூ.20 ஆயிரம் முதல் ரூ.50 ஆயிரம் வரை அதிகரிக்கலாம். இதனால் செடானின் கேபின் மதிப்பு உயர்த்தப்பட்டாலும், அதே போட்டித்தன்மை மிக்க விலை வரம்பில் பொருத்தப்படுகிறது. உள்ளூர் சந்தையில் இந்த காரானது ஹோண்டா சிட்டி, ஸ்கோடா ஸ்லாவியா, ஃபோக்ஸ்வாகன் விர்டஸ் மற்றும் மாருதி சுசுகி சியாஸ் ஆகிய கார் மாடல்களுடன் போட்டியிடுகிறது.

இதையும் படிக்க

Tata Punch EV: அட்ராசக்க..! ஒரே சார்ஜ், 590KM ரேஞ்ச்.. மிரட்டும் பஞ்ச் ஃபேஸ்லிஃப்ட், பேட்டரியில் டாடாவின் அப்க்ரேட்..