10 லட்சம்தான் பட்ஜெட்! வரப்போது இந்திய சாலையை ஆளப்போகும் Hyundai Stargazer

ஹுண்டாய் நிறுவனம் விரைவில் இந்தியாவில் அறிமுகப்படுத்த உள்ள Stargazer காரைப் பற்றி கீழே விரிவாக காணலாம்.

HYUNDAI STARGAZER கார்

Source : twitter

இந்தியாவின் பிரபலமான கார் நிறுவனமாக திகழ்வது ஹுண்டாய். இந்திய சாலையில் அதிகமாக ஹுண்டாய் நிறுவனத்தின் கார்கள் ஓடுகிறது. பட்ஜெட் விலை முதல் ஆடம்பரமான கார்கள் வரை பல கார்களைத் தயாரித்து வருகின்றனர். 

Stargazer:

இந்தியாவில் விரைவில் ஹுண்டாய் நிறுவனம் அறிமுகப்படுத்த உள்ள கார் Stargazer. ஹுண்டாயின் வெனுயூ, கிரெட்டா ஆகிய கார்களுக்கு போட்டியாக இந்த கார் அமைந்துள்ளது. பெட்ரோலில் ஓடும் இந்த கார் மேனுவல் மற்றும் ஆட்டோமெட்டிக் வேரியண்ட்களில் அறிமுகமாக உள்ளது. தாய்லாந்தில் நடந்த எக்ஸ்போ-வில் இந்த கார் காட்சிக்காக அறிமுகப்படுத்தப்பட்டது. 

விலை எவ்ளோ?

இந்த கார் இந்தியாவில் அறிமுகப்படுத்தப்பட்டால் ரூபாய் 9.60 லட்சம் முதல் ரூபாய் 17 லட்சம் வரை இருக்கும் என்று கருதப்படுகிறது. இந்த கார் 6 சீட்டர் மற்றும் 7 சீட்டரில் விற்பனைக்கு வர உள்ளது. இந்த கார் ஒரு எம்பிவி ரக கார் ஆகும்.

எஞ்ஜின் திறன்:

1.5 லிட்டர் பெட்ரோல் எஞ்ஜின் பொருத்தப்பட்டுள்ளது. இது 113 பிஎச்பி குதிரைத் திறன் கொண்டது. 144 என்எம் டார்க் இழுதிறன் கொண்டது  இந்த கார் 6 கியர்கள் கொண்டது. வயர்லஸ் சார்ஜர் வசதி இதன் அடிப்படை வேரியண்டில் கிடையாது. டாப் வேரியண்டில் உள்ளது. டைப் சி வசதி உள்ளது. ட்ராக்ஷன், மோட் வசதி உள்ளது.1498 சிசி திறன் கொண்ட எஞ்ஜின் பொருத்தப்பட்டுள்ளது. 

கேபின் சிறப்பான வசதியுடன் உருவாக்கப்பட்டுள்ளது. ஸ்மார்ட்போன் கனெக்ஷன் வசதி, டிஜிட்டல் இன்ஸ்ட்ரூமென்ட் கிளஸ்டர், ஆட்டோமெட்டிக் கிளைமேட் கன்ட்ரோல், ஆம்பியன்ட் லைட்டிங் வசதி, ஸ்டீயரிங் மவுண்டட் கன்ட்ரோல்ஸ், அடாஸ் வசதி உள்ளது.

எதிர்பார்ப்பில் மக்கள்:

இந்த கார் அடுத்தாண்டு அறிமுகமாகும் என்று எதிர்பார்க்கப்படுகிறது. இந்த கார் சந்தையில் அறிமுகமானால் கியா காரென்ஸ், மாருதி சுசுகி எக்ஸ்எல்6, மஹிந்திரா பொலிரோ நியோ ப்ளஸ், மாருதி சுசுகி எர்டிகா ஆகிய கார்களுக்கு இந்த கார் மிகப்பெரிய போட்டியாக திகழும் என்று எதிர்பார்க்கப்படுகிறது. இந்த காரின் இடவசதி மிகவும் செளகரியமாக இருப்பதால் நடுத்தர மற்றும் பெரிய குடும்பத்தினருக்கு இந்த கார் உகந்ததாக இருக்கும் என்று கருதப்படுகிறது. இந்த காரின் விலை பட்ஜெட் விலைக்குள் இருப்பதால் இந்திய சந்தையில் அறிமுகமானால் மிகப்பெரிய வரவேற்பை பெறும் என்று எதிர்பார்க்கப்படுகிறது.

ரிவர்ஸ் கேமரா, பார்க்கிங் சென்சார் என ஒரு ஆடம்பர காருக்குத் தேவையான அனைத்து வசதிகளும் உள்ளது. அடிப்படை வேரியண்டில் ஹேண்ட்ப்ரேக் அளிக்கப்பட்டுள்ளது. டாப் வேரியண்டில் ஹேண்ட்ப்ரேக் இல்லாமல் பார்க்கிங் தனி கியராக அளிக்கப்படுகிறது. 

இதன் மைலேஜ் திறன் பற்றி எந்த தகவலும் வெளியாகவில்லை. நெடுஞ்சாலையில் செல்வதற்கு இந்த கார் மிகவும் உகந்ததாக இருக்கும் என்று எதிர்பார்க்கப்படுகிறது.