Honda City Facelift: மக்களின் ப்ரியமான கார்; புதுப் பொலிவுடன் வரும் ஹோண்டா சிட்டி ஃபேஸ்லிஃப்ட்; எப்போ அறிமுகம்.?

Honda City Facelift 2026: ஹோண்டா தனது மக்களின் மனம் கவர்ந்த செடான் காரான ஹோண்டா சிட்டியின் ஃபேஸ்லிஃப்ட்டை அறிமுகப்படுத்தும் பணிகளில் ஈடுபட்டுள்ளது. அதற்கான டெஸ்டிங் தொடங்கியுள்ளது.

படத்தில் உள்ளது தற்போது உள்ள 5-ம் தலைமுறை ஹோண்டா சிட்டி

Source : twitter

ஹோண்டா நிறுவனம், மக்களிடையே நன்கு அறியப்பட்ட தனது செடான் காரான சிட்டியின் மேம்படுத்தப்பட்ட பதிப்பை அறிமுகப்படுத்த தயாராகி வருகிறது. சமீபத்தில் அதன் ஃபேஸ்லிஃப்ட் செய்யப்பட்ட ஹோண்டா சிட்டியின் உருமறைக்கப்பட்ட சோதனை மாதிரிகள், பிரேசிலில் காணப்பட்டதாக கூறப்படுகிறது. இது, அதன் அறிமுகத்தை உறுதி செய்கிறது.

ஹோண்டா சிட்டி ஃபேஸ்லிஃப்ட் எப்போது வெளியாகும்.?

ஹோண்டா நிறுவனம், 2028-ம் ஆண்டு வாக்கில், அடுத்த தலைமுறை சிட்டியை அறிமுகப்படுத்தும் என எதிர்பார்க்கப்படுகிறது. அதனால், இந்த ஃபேஸ்லிஃப்ட்-ஐ இந்த ஆண்டின் பிற்பகுதியில் அறிமுகப்படுத்தலாம் என்று அறிக்கைகள் தெரிவிக்கின்றன. இந்த காலக்கெடு, வரவிருக்கும் மேம்படுத்தல் ஒரு முழுமையான மாற்றத்தை விட, நுட்பமான செம்மைப்படுத்துதலில் அதிக கவனம் செலுத்தும் என்பதைக் குறிக்கிறது.

புதிய சிட்டியின் அளவு

அளவைப் பொறுத்தவரை, இந்த செடான் பெரும்பாலும் மாற்றமின்றியே இருக்கும் என எதிர்பார்க்கப்படுகிறது. மேம்படுத்தப்பட்ட பம்பர்கள் காரணமாக சில சிறிய மாற்றங்கள் மட்டுமே செய்யப்பட்டிருக்கலாம். காரின் உட்புறத் தோற்றத்தை மேம்படுத்தும் வகையில், ஹோண்டா நிறுவனம் புதுப்பிக்கப்பட்ட இருக்கை உறைகளை அறிமுகப்படுத்தக்கூடும்.

ஃபேஸ்லிஃப்ட்டில் எதிர்பார்க்கப்படும் மாற்றங்கள் என்ன.?

உளவுப் படங்களை பார்க்கும்போது, புதுப்பிக்கப்பட்ட சிட்டி பெரிய மாற்றங்களை விட, நுட்பமான வடிவமைப்பு மாற்றங்களை பெறும் என்று தெரிகிறது. அவற்றில், மறுவடிவமைப்பு செய்யப்பட்ட கிரில், மேலும் எடுப்பான முன்பக்க பம்பர் மற்றும் கூர்மையான, ஸ்போர்ட்டியான தோற்றத்தை வழங்கும் மேம்படுத்தப்பட்ட ஹெட்லேம்ப்கள் ஆகியவை அடங்கும்.

சில அறிக்கைகள் இதன் ஸ்டைலிங் அம்சங்கள் சமீபத்திய ஹோண்டா சிவிக்கிலிருந்து ஈர்க்கப்பட்டிருக்கலாம் என்று கூறுகின்றன. பக்கவாட்டு தோற்றத்தில், புதிய அலாய் வீல்கள் இடம்பெறலாம், அதே நேரத்தில் பின்பக்கத்தில் திருத்தப்பட்ட பம்பர் விவரங்கள் இடம்பெறக்கூடும்.

எதிர்பார்க்கப்படும் அம்சங்கள்

அம்சங்களைப் பொறுத்தவரை, இந்த அப்டேட்டில் தற்போதைய பெரும்பாலான உபகரணங்கள்  அப்படியே தக்கவைக்கப்படும் என எதிர்பார்க்கப்படுகிறது. தற்போதுள்ள இந்திய மாடலில், 8-இன்ச் தொடுதிரை இன்ஃபோடெயின்மென்ட் சிஸ்டம், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே, 8-ஸ்பீக்கர் ஆடியோ அமைப்பு ஆகியவை அடங்கும். இவைகளுடன், ஆம்பியன்ட் லைட்டிங், ஆட்டோமேட்டிக் கிளைமேட் கண்ட்ரோல், PM 2.5 ஏர் ஃபில்டர், மற்றும் லெதர் சுற்றப்பட்ட கியர் நாப் ஆகியவை அடங்கும். லெவல் 2 ADAS அம்சங்களுடன், பாதுகாப்பு ஒரு வலுவான அம்சமாக தொடர்கிறது.

இந்திய சந்தையில், 2026 ஹோண்டா சிட்டி ஃபேஸ்லிஃப்ட் மாடலில், 360-டிகிரி கேமரா மற்றும் காற்றோட்ட வசதியுள்ள இருக்கைகள் போன்ற கூடுதல் அம்சங்கள் இடம்பெறலாம். இருப்பினும், பிரேசிலிய சோதனை மாடலில் காணப்பட்ட சில மாற்றங்கள், அந்த சந்தைக்கு மட்டுமே பிரத்யேகமானவையாக இருக்கலாம். இருப்பினும், 2023 ஃபேஸ்லிஃப்ட் மாடலில் காணப்பட்டதைப் போலவே, இந்தியா மற்றும் பிரேசில் ஆகிய இரு மாடல்களிலும், பல மேம்படுத்தல்கள் இடம்பெற வலுவான வாய்ப்புள்ளதாக கூறப்படுகிறது.

எஞ்சின்.?

எஞ்சின் ரீதியாக, இந்த ஃபேஸ்லிஃப்ட் இரண்டு சந்தைகளிலும் தற்போதுள்ள என்ஜின் தேர்வுகளையே தக்க வைத்துக் கொள்ள வாய்ப்பு இருக்கிறது. இந்தியாவில், 2026 சிட்டி மாடலில், 121 PS மற்றும் 145 Nm ஆற்றலை உற்பத்தி செய்யும் அதே 1.5-லிட்டர் நேச்சுரலி ஆஸ்பிரேட்டட் பெட்ரோல் என்ஜின், 6-ஸ்பீடு மேனுவல் அல்லது CVT கியர்பாக்ஸுடன் இணைக்கப்பட்டு வரும் என எதிர்பார்க்கப்படுகிறது. இந்த மாடல் E20 எரிபொருள் பயன்பாட்டிற்கு இணக்கமானதாக இருக்கவும் வாய்ப்புள்ளது.

இந்த தகவல்கள், ஹோண்டா சிட்டி பிரியர்களுக்கு ஒரு மகிழ்ச்சி தரும் செய்தியாக உள்ளன. புதிய செடானிற்கு திட்டமிடுபவர்கள், சிறிது காலம் காத்திருந்தால், உங்கள் ஃபேரரைட்டான ஹோண்டா சிட்டி காரையே வாங்கலாம்.