Honda Activa e Vs QC1: ஹோண்டாவுக்கும் ஹோண்டாவுக்கும் போட்டி; ஆக்டிவா இ, க்யூசி1; விலை, ரேஞ்ச், அம்சங்களில் எது சிறந்தது.?

ஹோண்டா ஆக்டிவா இ மற்றும் க்யூசி1 எலக்ட்ரிக் ஸ்கூட்டர்களின் விலைகள், பயண வரம்பு, பேட்டரி, சிறப்பம்சங்களை ஒப்பிட்டு, இரண்டிற்கும் உள்ள வித்தியாசத்தை இங்கே தெரிந்துகொள்வோம்.

Honda Activa e Vs QC1

Source : honda2wheelersindia.com

ஹோண்டா, மின்சார வாகன சந்தையில் ஒரு பெரிய நுழைவை நிகழ்த்தியுள்ளது. இது ஆக்டிவா இ (102 கி.மீ. தூரம் செல்லும் திறன்) மற்றும் QC1 (ரூ. 90,000 முதல்) மூலம் பட்ஜெட் முதல் ப்ரீமியம் வரையிலான தேர்வுகளை வழங்குகிறது. விலைகள், ரேஞ்ச், அம்சங்கள், நிஜ உலக செயல்திறன் ஆகியவற்றின் முழுமையான ஒப்பீட்டை இப்போது பார்க்கலாம்.

பல தசாப்தங்களாக இந்திய சாலைகளில் ஒரு நம்பகமான பெயராக விளங்கி வரும் ஹோண்டா, தற்போது சுற்றுச்சூழலுக்கு உகந்த மின்சார வாகனப் பிரிவில் தனது முத்திரையை பதித்து வருகிறது. பெட்ரோல் விலை உயர்வு மற்றும் அதிகரித்து வரும் மாசுபாடு ஆகியவற்றை கருத்தில் கொண்டு, சாமானிய மக்கள் எளிதில் வாங்கும் வகையில், ஹோண்டா தனது மின்சார ஸ்கூட்டரை வடிவமைத்துள்ளது. 2026-ம் ஆண்டுக்குள் ஹோண்டா தனது இரண்டு முக்கிய மாடல்களை இந்திய சந்தையில் விற்பனை செய்ய உள்ளது.

ஹோண்டா ஆக்டிவா இ

ஹோண்டாவின் அதிகம் விற்பனையாகும் ஆக்டிவா பிராண்டின் கீழ் வரும் இந்த ஸ்கூட்டர், தற்போது சந்தையில் அமோகமாக விற்பனையாகி வருகிறது. ஆக்டிவாவின் ஆரம்ப விலை சுமார் 1,23,528 ரூபாய் ஆகும். இதில் இரண்டு முக்கிய வேரியண்ட்டுகள் உள்ளன. ஆக்டிவா E STD என்பது அடிப்படை மாடல். ஆக்டிவா E RoadSync Duo என்பது நவீன அம்சங்களை கொண்ட டாப்-எண்ட் மாடல். இதன் விலை 1,58,746 ரூபாய் வரை உள்ளது. 

இந்த ஸ்கூட்டர் ஒரே சார்ஜில் 102 கிலோமீட்டர் வரை பயணிக்கும். இதில் 6kW திறன் கொண்ட சக்திவாய்ந்த மோட்டார் பொருத்தப்பட்டுள்ளது. இது நகர பயணத்திற்கு மிகவும் ஏற்றது. பயனர்களுக்கு வசதியை வழங்கும் வகையில், ஹோண்டா இதில் H-ஸ்மார்ட் கீ தொழில்நுட்பத்தை அறிமுகப்படுத்தியுள்ளது. இதில் மொபைல் இணைப்பு மற்றும் நேவிகேஷன் போன்ற ஸ்மார்ட் அம்சங்கள் உள்ளன. 

ஹோண்டா QC1

குறைந்த பட்ஜெட்டில் எலக்ட்ரிக் ஸ்கூட்டரை வாங்க விரும்புவோருக்கு, ஹோண்டா QC1 ஒரு சிறந்த தேர்வாகும். இதன் ஆரம்ப விலை 97,460 ரூபாய் ஆகும். இது ஒருமுறை சார்ஜ் செய்தால் 80 கிலோமீட்டர் தூரம் வரை செல்லும். இதில் 1.8kW மோட்டார் உள்ளது. மேலும், பேட்டரியை முழுமையாக சார்ஜ் செய்ய சுமார் 6.5 மணி நேரம் ஆகும். 

மின்சார வாகனம் வாங்க விரும்புவோருக்கு இருக்கும் மிகப்பெரிய கவலை பேட்டரியின் விலைதான். இதனை தீர்க்கும் விதமாக, ஹோண்டா தனது பேட்டரி மாற்றும் திட்டத்தை அறிமுகப்படுத்தியுள்ளது. முன்பு மாதத்திற்கு 1999 ரூபாயாக இருந்த இந்த பேட்டரி சந்தாத் திட்டம், தற்போது வெறும் 678 ரூபாயாக குறைக்கப்பட்டுள்ளது. இது பெட்ரோல் வாகனங்களுடன் ஒப்பிடும்போது, ​​மாதாந்திர பராமரிப்புச் செலவை கணிசமாகக் குறைக்கும்.

போட்டியாளர்கள் யார் யார்.?

இந்திய சந்தையில், ஹோண்டா எலக்ட்ரிக் பைக்குகள் முக்கியமாக டிவிஎஸ் ஐக்யூப் மற்றும் பஜாஜ் சேத்தக் போன்ற மாடல்களுடன் போட்டியிடுகின்றன. டிவிஎஸ் ஐக்யூப் மாடலின் விலை சுமார் 1.15 லட்சம் ரூபாயாகவும், பஜாஜ் சேத்தக் மாடலின் ஆரம்ப விலை 1.10 லட்சம் ரூபாயாகவும் உள்ளது. ஹோண்டா தனது பிராண்ட் மதிப்பு மற்றும் சேவை வலையமைப்பைக் கொண்டு, இந்த போட்டியை எதிர்கொள்கிறது.

ஹோண்டா இந்த இரண்டு மாடல்களோடு நின்றுவிடவில்லை. ஆக்டிவா E மற்றும் QC1 மூலம் பெற்ற அனுபவத்தை அடிப்படையாகக் கொண்டு, முற்றிலும் உள்நாட்டில் தயாரிக்கப்பட்ட பாகங்களைக் கொண்டு ஒரு புதிய மின்சார ஸ்கூட்டரை அது உருவாக்கி வருவது குறிப்பிடத்தக்கது.