"ஒரே இன்ஜின்... ஆனா விலையில இவ்வளவு வித்தியாசமா?" – பஜாஜ் vs KTM: எது பெஸ்ட்? உங்க சாய்ஸ் எது?

பஜாஜ் NS400Z மற்றும் KTM 390 Duke பைக்குகளை வாங்க நினைத்தால் இரண்டுக்கு இடையே உள்ள வேறுபாடு மற்றும் எது சிறந்த பெஸ்ட் என்று பார்ப்போம்.

பஜாஜ் என்எஸ்400இசட்

Source : social media

பஜாஜ் NS400Z மற்றும் KTM 390 Duke: இந்திய மோட்டார் சைக்கிள் சந்தையில் தற்போது 350 சிசி-க்கும் குறைவான திறன் கொண்ட பைக்குகளுக்கு நல்ல தேவை உள்ளது. 350 சிசி-க்கும் குறைவான இன்ஜின் திறன் கொண்ட வாகனங்களுக்கான ஜிஎஸ்டி வரியை அரசாங்கம் 18 சதவீதமாகக் குறைத்ததே இதற்கு முக்கியக் காரணம். இந்த வாய்ப்பைப் பயன்படுத்திக்கொள்ள, பஜாஜ் ஆட்டோ நிறுவனம் தனது பிரபலமான மாடல்களின் இன்ஜின் அளவை மாற்றி வருகிறது. பஜாஜ் சமீபத்தில் தனது புதிய 'NS400Z' பைக்கை சந்தையில் அறிமுகப்படுத்தியது, அதே நேரத்தில் KTM நிறுவனமும் தனது 390 Duke பைக்கின் 350 சிசி பதிப்பை அறிமுகப்படுத்தியுள்ளது. இந்த இரண்டு பைக்குகளில் ஏதேனும் ஒன்றை வாங்க நீங்கள் நினைத்தால், அவற்றுக்கிடையேயான முக்கிய வேறுபாடுகளைத் தெரிந்துகொள்வது மிகவும் அவசியம்.

இன்ஜின் - செயல்திறன்

பஜாஜ் NS400Z இப்போது 349.13 சிசி லிக்விட்-கூல்டு, சிங்கிள்-சிலிண்டர் இன்ஜினுடன் வருகிறது. இது முந்தைய 373 சிசி யூனிட்டிற்கு மாற்றாக வந்துள்ளது. இந்த இன்ஜின் 9,000 ஆர்பிஎம்மில் 40 ஹெச்பி பவரையும், 7,500 ஆர்பிஎம்மில் 33.2 என்எம் டார்க்கையும் உற்பத்தி செய்கிறது. மறுபுறம், புதிய 350 சிசி இன்ஜினுடன் வரும் கேடிஎம் 390 டியூக், அதிகபட்சமாக 41.5 ஹெச்பி பவரையும் 33.5 என்எம் டார்க்கையும் வழங்குகிறது. பவரைப் பொறுத்தவரை கேடிஎம் சற்று முன்னிலையில் இருப்பது தெளிவாகத் தெரிகிறது.

அதிநவீன அம்சங்கள்

அம்சங்களைப் பொறுத்தவரை, பஜாஜ் NS 400Z-ல் ரோடு, ரெயின், ஸ்போர்ட் மற்றும் ஆஃப்-ரோடு என நான்கு ABS ரைடு மோட்கள் உள்ளன. இதில் டிராக்‌ஷன் கண்ட்ரோல், ப்ளூடூத் இணைப்பு மற்றும் ஸ்மார்ட் ஃபோர்-வே செலக்சன் ஸ்விட்ச் போன்ற அம்சங்கள் உள்ளன. KTM 390 Duke-ஐப் பொறுத்தவரை, அதில் 5-இன்ச் TFT டேஷ் டிஸ்ப்ளே உள்ளது. இதில் மோட்டார்சைக்கிள் டிராக்‌ஷன் கண்ட்ரோல் (MTC), லான்ச் கண்ட்ரோல், கார்னரிங் ABS, ரைடு-பை-வயர், குயிக்ஷிஃப்டர்+ மற்றும் சூப்பர்மோட்டோ ABS போன்ற உயர்நிலை அம்சங்கள் உள்ளன. அம்சங்களைப் பொறுத்தவரை, KTM சற்று மேம்பட்டதாக உள்ளது.

பைக்கின் பாடி ஸ்ட்ரக்சர்

பஜாஜ் பைக்கில் 43 மிமீ யுஎஸ்டி முன்பக்க சஸ்பென்ஷனும், 6 விதமான சரிசெய்தல் வசதிகளுடன் கூடிய பின்பக்க மோனோஷாக்கும் உள்ளன. இதன் எடை 174 கிலோ மற்றும் இருக்கையின் உயரம் 807 மிமீ ஆகும். 12 லிட்டர் பெட்ரோ டேங்க் ஒரு கூடுதல் பலமாகும். கேடிஎம் 390 டியூக் பைக்கில் 320 மிமீ முன்பக்க டிஸ்க் மற்றும் 240 மிமீ பின்பக்க டிஸ்க் பிரேக்கிங் சிஸ்டம் உள்ளது. இதன் கிரவுண்ட் கிளியரன்ஸ் 183 மிமீ என்பதால், குண்டும் குழியுமான சாலைகளில் கூட இதை எளிதாக ஓட்ட முடியும். இதன் எடை வெறும் 168.3 கிலோ என்பதால், ஓட்டுவது மிகவும் வேகமாக இருக்கும். இதன் 15 லிட்டர் டேங்க் கெப்பாசிட்டி காரணமாக, இது நீண்ட தூரப் பயணங்களுக்கு ஏற்றதாக உள்ளது.

விலை வேறுபாடு

இந்த இரண்டு பைக்குகளுக்கும் இடையிலான உண்மையான வித்தியாசம் விலையில் காணப்படுகிறது. பஜாஜ் NS 400Z-ன் ஆரம்ப விலை ரூ.1.94 லட்சம் (எக்ஸ்-ஷோரூம்). அதே நேரத்தில், KTM 390 Duke 350 சிசி வேரியண்ட்டின் விலையை அந்நிறுவனம் ரூ. 2.77 லட்சமாக நிர்ணயித்துள்ளது. இதன் பொருள், KTM பைக்கை விட பஜாஜ் பைக் சுமார் ரூ. 83,000 குறைவான விலையில் கிடைக்கிறது. KTM தனது 399 சிசி மாடலுடன் ஒப்பிடும்போது, ​​இந்த புதிய மாடலின் விலையை ரூ. 62,000 வரை குறைத்துள்ளது என்பது குறிப்பிடத்தக்கது. குறைந்த பட்ஜெட்டில் அதிக சக்தி விரும்புபவர்களுக்கு பஜாஜ் NS400Z சிறந்த தேர்வாக இருக்கும் அதே வேளையில், பிரீமியம் அம்சங்களையும் பிராண்ட் மதிப்பையும் விரும்புபவர்களுக்கு KTM 390 Duke சரியான தேர்வாகும் என்று ஆய்வாளர்கள் கூறுகின்றனர்.

இதையும் படிக்க

6 கியர்கள்.. அதிகபட்ச வேகம் 154 கி.மீட்டர்..! இளைஞர்களை திரும்பி பார்க்க வைத்த Triumph Tracker 400!