KKR vs RCB Live Updates: தோல்வியுடன் விடைபெற்றார் விராட்கோலி : கொல்கத்தா அணி குவாலிபயருக்கு முன்னேறியது
IPL 2021, Match 58, CSK vs RCB: ஷார்ஜாவில் இன்று நடைபெறும் எலிமினேட்டர் போட்டியில் கொல்கத்தா அணிக்கு எதிராக பெங்களூர் ராயல் சேலஞ்சர்ஸ் அணி டாஸ் வென்று பேட்டிங்கை தேர்வு செய்துள்ளது.
எலிமினேட்டர் ஆட்டத்தில் கொல்கத்தா அணி 4 விக்கெட் வித்தியாசத்தில் பெங்களூர் அணியை தோற்கடித்தது. இதனால், பெங்களூர் அணிக்கான தனது கடைசி போட்டியில் விராட் கோலி தோல்வியுடன் வெளியேறினார்.
முகமது சிராஜ் வீசிய18வது ஓவரில் சுனில் நரைன் ஆட்டமிழந்த சிறிது நேரத்தில் தினேஷ் கார்த்திக்கும் ஆட்டமிழந்தார். இதனால், ஆட்டத்தில் பரபரப்பு ஏற்பட்டுள்ளது.
கொல்கத்தா அணிக்காக அதிரடியாக ஆடிய சுனில் நரைன் 26 ரன்னில் முகமது சிராஜ் பந்தில் போல்டாகி வெளியேறினார்.
ஆட்டத்தின் போக்கை மாற்றிய சுனில் நரைன் அளித்த எளிய கேட்ச்சை தேவ்தத் படிக்கல் கோட்டைவிட்டார்.
கொல்கத்தா அணியின் முக்கிய வீரர் நிதிஷ் ராணா 23 ரன்கள் எடுத்த நிலையில் சாஹல் பந்தில் டிவிலியர்சிடம் கேட்ச் கொடுத்து வெளியேறினார்.
பெங்களூர் பந்துவீச்சாளர் டேன் கிறிஸ்டியன் வீசிய 12வது ஓவரில் சுனில் நரைன் 3 பந்தில் 3 சிக்ஸர் அடித்து ஆட்டத்தை கொல்கத்தா பக்கம் திருப்பினார்.
ஹர்ஷல் படேல் இந்த போட்டியில் 2வது விக்கெட்டை கைப்பற்றியதன் மூலமாக ஐ.பி.எல். போட்டிகளில் ஒரு தொடரில் அதிக விக்கெட்டுகளை கைபற்றிய பிராவோவின் சாதனையை சமன் செய்தார்.
கொல்கத்தா அணியின் முக்கிய வீரர் வெங்கடேஷ் கொடுத்த எளிதான கேட்ச்சை பெங்களூர் வீரர் தவறவிட்டார்.
பெங்களூர் அணி வீரர்களின் சிறப்பான பந்துவீச்சினால் சுப்மான் கில் 29 ரன்களிலும், ராகுல் திரிபாதி 6 ரன்களிலும் ஆட்டமிழந்தார்.
139 ரன்கள் இலக்குடன் ஆடி வரும் கொல்கத்தா அணி 4 ஓவர்கள் முடிவில் கொல்கத்தா அணி விக்கெட் இழப்பின்றி 34 ரன்கள் எடுத்துள்ளது.
பெங்களூர் அணி 20 ஓவர்கள் முடிவில் 7 விக்கெட் இழப்பிற்கு 138 ரன்கள் மட்டுமே எடுத்தது. இதனால், கொல்கத்தா அணியின் வெற்றிக்கு 139 ரன்கள் இலக்காக நிர்ணயிக்கப்பட்டுள்ளது.
பெங்களூர் அணியின் கடைசி நம்பிக்கையாக இருந்த கிளன் மேக்ஸ்வெலும் சுனில் நரைன் பந்தில் பெர்குசனிடம் கேட்ச் கொடுத்து ஆட்டமிழந்தார்.
பெங்களூ;ர் அணி ரன்களை குவிக்க முடியாமல் தடுமாறி வரும் நிலையில் கடைசி 4 ஓவர்களில் அதிரடியாக ரன்களை குவிக்குமா? என்று எதிர்பார்க்கப்படுகிறது.
பெங்களூர் அணியின் நம்பிக்கைக்குரிய வீரர் ஏபி டிவிலியர்ஸ் சுனில் நரைன் பந்தில் போல்டாகி வெளியேறினார்.
பெங்களூர் கேப்டன் விராட் கோலி சுனில் நரைன் பந்தில் 39 ரன்களில் போல்டாகி ஆட்டமிழந்தார்.
கொல்கத்தா அணியின் பந்துவீச்சாளர் பெர்குசன் பந்தில் மேக்ஸ்வேலுக்கு எல்.பி.டபுள்யூ அப்பீல் செய்தனர். ஆனால், கள நடுவர் அவுட் தரவில்லை. கொல்கத்தா அணியும் அப்பீல் செய்யவில்லை. ஆனால், டிவி ரிப்ளேயில் அது அவுட் என்று தெரியவந்தது.
பெங்களூர் அணிக்காக கடந்த போட்டியில் அரைசதம் அடித்து வெற்றி பெற வைத்த கே.எஸ்.பரத் சுனில் நரைன் பந்தில் கேட்ச் கொடுத்து ஆட்டமிழந்தார். அவர் 16 பந்தில் 9 ரன்களில் ஆட்டமிழந்தார்.
கொல்கத்தா அணியின் விக்கெட் கீப்பர் தினேஷ் கார்த்திக் பெங்களூர் அணியின் முக்கிய வீரர் கே.எஸ்.பரத் அளித்த ஸ்டம்பிங் வாய்ப்பை தவறவிட்டார்.
பெங்களூர் அணி பவர்ப்ளேவான 6 ஓவர்களின் முடிவில் ஒரு விக்கெட் இழப்பிற்கு 53 ரன்களை எடுத்துள்ளது.
கொல்கத்தா அணிக்கு எதிராக ஆடி வரும் பெங்களூர் ராயல் சேலஞ்சர்ஸ் அணி முதல் விக்கெட்டாக தேவ்தத் படிக்கல்லை பெர்குசன் பந்தில் ஸ்டம்பை பறிகொடுத்து வெளியேறினார்.
பெங்களூர் ராயல் சேலஞ்சர்ஸ் அணிக்கு எதிராக எலிமினேட்டர் போட்டியில் ஆடும் கொல்கத்தா அணிக்காக முதல் ஓவரை சுழற்பந்து வீச்சாளர் ஷகிப் அல் ஹசன் வீசுகிறார்.
பெங்களூர் ராயல் சேலஞ்சர்ஸ் அணி வெற்றி பெற்றால் விராட் கோலி தலைமையில் பெங்களூர் அணி பெறும் 100வது வெற்றி இதுவாகும்.
Background
ஐ.பி.எல். தொடரில் இன்று எலிமினேட்டர் போட்டியில் கொல்கத்தா நைட் ரைடர்ஸ் அணியும், பெங்களூர் ராயல் சேலஞ்சர்ஸ் அணியும் நேருக்கு நேர் மோதுகின்றனர். இந்த போட்டியில் தோல்வியடையும் அணி போட்டியை விட்டு வெளியேறும்.
- - - - - - - - - Advertisement - - - - - - - - -