CSK vs PBKS LIVE Score: 999வது போட்டி: திக்..திக் நிமிடங்கள்.. கடைசி பந்தில் பஞ்சாப் த்ரில் வெற்றி
ஐபிஎல் தொடரில் இன்று நடைபெறும் முதல் லீக் போட்டியில் சென்னை மற்றும் பஞ்சாப் அணிகள் மோதுகின்றன.
அதிரடியாக விளையாடிய ஜிதேஷ் சர்மா அவுட்
பஞ்சாப் அணி வெற்றி பெற கடைசி இரண்டு ஓவர்களில் 22 ரன்கள் தேவை
பதிரனா பந்துவீச்சில் சாம் கரண் ஆட்டமிழந்தார்
பஞ்சாப் அணி அதிரடியாக விளையாடி வருதால் வெற்றி யாருக்கு என்பதில் இழுபறி நீடிக்கிறது
தேஷ்பாண்டே வீசிய போட்டியின் 16வது ஓவரில் பஞ்சாப் அணி 24 ரன்களை குவித்தது
அதிரடியாக விளையாடி வந்த லிவிங்ஸ்டோன் 40 ரன்களில் ஆட்டமிழந்தார்
15.4 ஓவர்கள் முடிவில் பஞ்சாப் அணி 150 ரன்களை கடந்தது
16வது ஓவரில் இரண்டு சிக்சர்கள் உட்பட 3 பந்துகளில் 16 ரன்களை குவித்தார் லிவிங்ஸ்டோன்
15 ஓவர்கள் முடிவில் பஞ்சாப் அணி 3 விக்கெட்டுகள் இழப்பிற்கு 129 ரன்களை சேர்த்துள்ளது.
பவுண்டரிகளை அடிக்க முடியாமல் பஞ்சாப் அணி திணறி வருகிறது
பஞ்சாப் அணி வெற்றி பெற 41 பந்துகளில் 87 ரன்கள் அவசியம்
அடுத்தடுத்து 2 விக்கெட்டுகளை இழந்த பஞ்சாப் அணி நிதானமாக விளையாடி வருகிறது
அதர்வா தைடே சென்னை வீரர் ஜடேஜா பந்து வீச்சில் காட் & போல்ட் முறையில் ஆட்டமிழந்தார்
10 ஓவர்கள் முடிவில் பஞ்சாப் அணி 94 ரன்களை சேர்த்துள்ளது
அதிரடியாக விளையாடி வந்த ப்ரப்சிம்ரன், ஜடேஜா பந்துவீச்சில் ஸ்டம்பிங் முறையில் ஆட்டமிழந்தார்
8 ஓவர்கள் முடிவில் பஞ்சாப் அணி 80 ரன்களை சேர்த்துள்ளது
ப்ரப்சிம்ரன் சிங் சென்னை அணியின் பந்துவீச்சை நாலாபுறமும் சிதறடித்து வருகிறார்.
பவர்-பிளேயின் 6 ஓவர்கள் முடிவில் பஞ்சாப் அணி ஒரு விக்கெட் இழப்பிற்கு 62 ரன்களை சேர்த்துள்ளது
5 ஓவர்கள் முடிவில் பஞ்சாப் அணி ஒரு விக்கெட் இழப்பிற்கு 54 ரன்களை சேர்த்துள்ளது
அதிரடியாக விளையாடி வந்த தவான் 28 ரன்களில் அவுட்
4.1 ஓவர்கள் முடிவில் பஞ்சாப் அணி அரைசதம் கடந்துள்ளது
பஞ்சாப் அணி 4 ஓவர்கள் முடிவில் விக்கெட் இழப்பின்றி 46 ரன்களை சேர்த்துள்ளது
ஐபிஎல் தொடரில் 6,500 ரன்களை கடந்தார் தவான்
பஞ்சாப் அணியின் தொடக்க ஆட்டக்காரர்களான தவான் - ப்ரப்சிம்ரன் இருவரும் அதிரடியாக ஆடி ரன் குவித்து வருகின்றனர்.
2 ஓவர்கள் முடிவில் பஞ்சாப் அணி 20 ரன்களை சேர்த்துள்ளது
முதல் ஓவர் முடிவில் பஞ்சாப் அணி 11 ரன்களை சேர்த்துள்ளது
தவான் எதிர்கொண்ட முதல் பந்தையே பவுண்டரிக்கு விரட்டினார்
201 ரன்கள் என்ற இலக்கை நோக்கி பஞ்சாபின் தவான் - ப்ரப்சிம்ரன் ஜோடி இறங்கியுள்ளது
இறுதிவரை ஆட்டமிழக்காமல் இருந்த கான்வே, 52 பந்துகளில் 92 ரன்களை குவித்தார்.
20வது ஓவரின் கடைசி இரண்டு பந்துகளையும் தோனி சிக்சர்களாக விளாச, சென்னை அணி 200 ரன்களை எட்டியது
12 ரன்களுக்கு ஆட்டமிழந்தார் ஜடேஜா
19 ஓவர்கள் முடிவில் சென்னை அணி 185 ரன்களை குவித்துள்ளது
18 ஓவர்கள் முடிவில் சென்னை அணி 177 ரன்களை சேர்த்துள்ளது
அதிரடியாக விளையாடி வரும் கான்வே 84 ரன்களை குவித்துள்ளார்.
பஞ்சாப் பந்துவீச்சாளர்களின் அனைத்து வியூகங்களையும் தகர்த்து கான்வே 74 ரன்களை குவித்து தொடர்ந்து விளையாடி வருகிறார்
15.2வது பந்தில் மொயீன் அலி அடித்த பவுண்டரி மூலம் சென்னை அணி 150 ரன்களை எட்டியது
15 ஓவர்கள் முடிவில் சென்னை அணி 146 ரன்களை சேர்த்துள்ளது.
அதிரடியாக விளையாடி வந்த ஷிவம் துபே 28 ரன்களில் ஆட்டமிழந்தார்
பஞ்சாப் அணி பந்துவீச்சாளர்கள் 13.3 ஓவர்கள் முடிவு வரையில் ஒரு விக்கெட் மட்டுமே எடுத்துள்ளனர்
13 ஓவர்கள் முடிவில் சென்னை அணி ஒரு விக்கெட் இழப்பிற்கு 121 ரன்களை சேர்த்துள்ளது
அதிரடியாக விளையாடி வரும் கான்வே 30 பந்துகளில் அரைசதம் கடந்தார்
11.1 ஓவர்கள் முடிவில் சென்னை அணி 100 ரன்களை எட்டியது
10 ஓவர்கள் முடிவில் சென்னை அணி ஒரு விக்கெட் இழப்பிற்கு 90 ரன்களை சேர்த்துள்ளது.
அதிரடியாக விளையாடி வந்த கெய்க்வாட், சிகந்தர் ராஜா பந்துவீச்சில் ஆட்டமிழந்தார்.
விக்கெட் இழப்பின்றி சென்னை அணி 9.2 ஓவர் முடிவில் 85 ரன்களை சேர்த்துள்ளது
கான்வே மற்றும் ருத்ராஜ் ஆகிய இருவரும் சிறப்பாக விளையாடி வருவதால் முதலில் யார் அரைசதம் அடிப்பார்கள் என்ற எதிர்பார்ப்பு எழுந்துள்ளது
சென்னை மற்றும் பஞ்சாப் அணிகளுக்கு இடையே நடைபெறும் போட்டி ஐபிஎல் வரலாற்றில் 999வது போட்டி ஆகும்.
பவர்பிளேயின் 6 ஓவர்கள் முடிவில் சென்னை அணி விக்கெட் இழப்பின்றி 57 ரன்களை சேர்த்துள்ளது.
ருத்ராஜ் கெய்க்வாட் - கன்வேயின் அதிரடியால் சென்னை அணி 5.3 ஓவர்கள் முடிவில் 50 ரன்களை எட்டியது
5 ஓவர்கள் முடிவில் பஞ்சாப் அணி விக்கெட் இழப்பின்றி 41 ரன்களை சேர்த்துள்ளது.
3 ஓவர்கள் முடிவில் சென்னை அணி 29 ரன்களை குவித்துள்ளது
கான்வேவை தொடர்ந்து கெய்க்வாடும் அடுத்தடுத்து பவுண்டரிகளை விளாசினார்
ரபாடா பந்துவீச்சில் கான்வே அடுத்தடுத்து 2 பவுண்டரிகளை விளாசினார்
முதல் ஓவர் முடிவில் சென்னை அணி 7 ரன்களை சேர்த்துள்ளது
போட்டியின் முதல் பவுண்டரியை அடித்தார் ருத்ராஜ் கெய்க்வாட்
அதர்வா டெய்டே, ஷிகர் தவான் (கேப்டன்), பிரப்சிம்ரன் சிங், சிக்கந்தர் ராசா, லியாம் லிவிங்ஸ்டோன், சாம் குர்ரான், ஜிதேஷ் சர்மா (விக்கெட் கீப்பர்), ஷாருக் கான், ககிசோ ரபாடா, ராகுல் சாஹர், அர்ஷ்தீப் சிங், ஹர்ப்ரீட் பிரார்
இம்பேக்ட் பிளேயர்ஸ்:
ப்ரப்சிம்ரன் சிங், ஷர்ட், ரிஷி தவான், மோஹித் ரதி, சிவம் சிங்
ருதுராஜ் கெய்க்வாட், டெவோன் கான்வே, அஜிங்க்யா ரஹானே, மொயீன் அலி, சிவம் துபே, அம்பத்தி ராயுடு, ரவீந்திர ஜடேஜா, எம்எஸ் தோனி (கேப்டன் & விக்கெட் கீப்பர்), மதீஷா பத்திரனா, துஷார் தேஷ்பாண்டே, ஆகாஷ் சிங், மஹீஷ் தீக்ஷனா
இம்பேக்ட் பிளேயர்ஸ்:
ஆகாஷ் சிங், த்வெயின் ப்ரெடோரியஸ்,சேனாபதி, ரஷீத், ஹங்கர்கேகர்
பஞ்சாப் அணிக்கு எதிரான போட்டியில் டாஸ் வென்ற சென்னை அணி முதலில் பேட்டிங் செய்ய முடிவு
Background
ஐபிஎல் தொடரில் இன்று நடைபெறும் முதல் லீக் போட்டியில் சென்னை மற்றும் பஞ்சாப் அணிகள் மோதுகின்றன.
சென்னை - பஞ்சாப் மோதல்:
ஐபிஎல் தொடரின் 16வது சீசனின் 41வது போட்டியில் சென்னை சூப்பர் கிங்ஸ் அணியும், பஞ்சாப் கிங்ஸ் அணியும் மோத இருக்கின்றன. இந்த போட்டியானது மாலை 4 மணிக்கு சென்னை சேப்பாக்கம் மைதானத்தில் தொடங்குகிறது.
இரு அணிகளும் தாங்கள் கடைசியாக விளையாடிய லீக் போட்டியில் தோல்வியை சந்தித்தன. சென்னை அணியை 32 ரன்கள் வித்தியாசத்தில் ராஜஸ்தான் ராயல்ஸ் அணியும்,பஞ்சாப் கிங்ஸ் அணியை 56 ரன்கள் வித்தியாசத்தில் லக்னோ சூப்பர் ஜெயண்ட்ஸ் அணியும் வீழ்த்தியது. சென்னை சூப்பர் கிங்ஸ் அணி தற்போது ஐபிஎல் புள்ளிகள் அட்டவணையில் நான்காவது இடத்திலும், பஞ்சாப் கிங்ஸ் அணி ஆறாவது இடத்திலும் உள்ளது.
சென்னை அணியின் வியூகம் என்ன..?
இந்த சீசனில் சென்னை அணிக்காக கான்வே, ருதுராஜ் கெய்க்வார், அஜிங்க்யா ரஹானே, சிவம் துபே ஆகியோர் ரன் குவித்து வருகின்றனர். அதேபோல், அம்பத்தி ராயுடு மற்றும் ஜடேஜா இன்னும் பேட்டிங்கில் தங்களது பார்மை கொண்டு வரவில்லை. ஜடேஜா பேட்டிங்கில் சொதப்பினாலும் பந்துவீச்சு மற்றும் பீல்டிங்கில் சிறப்பாக விளையாடி வருகிறது. மேலும், இன்றைய போட்டியில் ஜடேஜா, மகிஷ் தீக்ஷ்னா மற்றும் மொயின் அலி சுழலில் தாக்குதல் நடத்தலாம். ஏனெனில் சேப்பாக்கம் மைதானம் சுழலுக்கு சாதகமான பிட்ச் என்பது மறக்க வேண்டாம்.
வேகப்பந்துவீச்சில் தீபக் சாஹர் இல்லாத நிலையில், துஷார் தேஷ்பாண்டே 14 விக்கெட்டுகளை வீழ்த்தியுள்ளார். ஆனால், அதிக ரன்களை தாரை வார்ப்பது கவலை அளிக்கிறது. இளம் வீரர்களான ஆகாஷ் சிங் மற்றும் பத்திரனா சிறப்பான பங்களிப்பை இன்று அளித்தால், சென்னை சூப்பர் கிங்ஸ் நிச்சயம் வெற்றிபெறும். இன்றைய போட்டியில் சென்னை அணியில் அதிக மாற்றங்கள் இல்லை என்றாலும், காயத்தில் இருந்து குணமடைந்த இங்கிலாந்து டெஸ்ட் கேப்டன் பென் ஸ்டோக்ஸ் அணிக்கு திரும்பலாம்.
தவான் திரும்பியது சாதகமா..?
பஞ்சாப் அணியின் பிரச்சனை நிலைத்தன்மை இல்லாததுதான். காயத்திலிருந்து மீண்ட கேப்டன் ஷிகர் தவான் அணிக்கு திரும்பியும் பயனில்லை. இன்றைய போட்டியில் தவான், பிரப்சிம்ரன் சிங், அதர்வா டெய்டே ஆகியோர் ரன் குவிக்க வேண்டும். சாம் கர்ரன் பேட்டிங் மற்றும் பந்துவீச்சில் கலக்கி வருகின்றார். அதேபோல், அர்ஷ்தீப் சிங் மற்றும் ககிசோ ரபாடா வேகத்தில் மிரட்டலாம்.
CSK vs PBKS போட்டி விவரங்கள்:
ஐபிஎல் 2023: சென்னை சூப்பர் கிங்ஸ் vs பஞ்சாப் கிங்ஸ், போட்டி: 41
இடம்: எம்.ஏ.சிதம்பரம் ஸ்டேடியம், சென்னை
தேதி & நேரம்: ஞாயிறு, ஏப்ரல் 30, பிற்பகல் 3:30 மணி
டெலிகாஸ்ட் & ஸ்ட்ரீமிங் விவரங்கள்: ஸ்டார் ஸ்போர்ட்ஸ் நெட்வொர்க் மற்றும் ஜியோசினிமா
பிட்ச் எப்படி..?
எம்.ஏ. சிதம்பரம் மைதானம் பெரும்பாலும் பேட்ஸ்மேன் மற்றும் சுழற்பந்து வீச்சாளர்களுக்கு சாதகமான பிட்சாக இருக்கும். டாஸ் வென்ற கேப்டன் முதலில் பந்துவீச்சை தேர்வு செய்யலாம்.
- - - - - - - - - Advertisement - - - - - - - - -