சீர்காழி காவல் நிலையத்தில் மும்மத முறைப்படி கொண்டாடப்பட்ட சமத்துவ பொங்கல் விழா..

சீர்காழி காவல்நிலையத்தில் மும்மத முறைப்படி சமத்துவ பொங்கலை காவல்துறையினர் பாரம்பரிய உடையணிந்து கொண்டாடினர்.

சீர்காழி காவல் நிலையத்தில் உள்ள முனீஸ்வரர் ஆலயத்தில் இந்து, முஸ்லிம், கிறிஸ்தவர்கள் கலந்து கொண்ட சமத்துவ பொங்கல் விழாவில் பாரம்பரியமான உடையான வேட்டி சட்டையை அணிந்து, பொங்கலோ பொங்கல் எற முழக்கமிட்டு உற்சாகமாக காவல்துறையினர் பொங்கல் கொண்டாடினர். நாடு முழுவதும் தமிழர்களின் முக்கிய திருவிழாவான பொங்கல் திருவிழா, சூரிய பகவானுக்கு நன்றி தெரிவிக்கும் விதமாகவும், விவசாயம் செழிப்பதற்கும் தமிழர்களின் திருநாளாக பொங்கல் திருநாள் கொண்டாடப்பட்டு வருகிறது.

பழையன கழிதலும் புதியன புகுதல் என பொங்கல் பண்டிகையின் முதல் நாளாக  போகி பண்டிகையும் மறுநாள் சூரியனுக்கு நன்றி தெரிவிக்கும் பொங்கல் வைத்து பொங்கல் பண்டிகையும், அதனைத் தொடர்ந்து உழவுக்கு உறுதுணையாக இருந்த கால்நடைகளுக்கு நன்றி செலுத்தும் விதமாக மாட்டு பொங்கலும் அதற்கு அடுத்த நாள் காணும் பொங்கல் என நான்கு நாட்களுக்கு இந்த தமிழர் திருநாளாம் பொங்கல் வெகு விமரிசையாக கொண்டாடப்படுகிறது.

இந்நிலையில் மயிலாடுதுறை மாவட்டம் சீர்காழி காவல் நிலையத்தில் உள்ள காவல் முனீஸ்வரன் கோயில் வளாகத்தில் காவல் ஆய்வாளர் சிவக்குமார் தலைமையில் சமத்துவ பொங்கல் விழா சிறப்பாக நடைபெற்றது. இந்த விழாவில் சாதி, மத வேறுபாடு இன்றி இந்து, கிறிஸ்தவர், முஸ்லிம் ஆகியோர் கலந்துகொண்டு தங்களின் முறைப்படி பிராத்தனை செய்து, சமத்துவ பொங்கல் பண்டிகையை கொண்டாடி பொங்கல் வாழ்த்துகளை தெரிவித்தனர். 

இதனை தொடர்ந்து காவல் நிலையம் முன்பு சிறப்பு சமத்துவ பொங்கல் விழா சிறப்பாக நடைபெற்றது. இந்நிகழ்ச்சியின் போது சீர்காழி காவல் நிலையத்திற்கு உட்பட்ட காவலர்கள் அனைவரும் தமிழர்களின் பாரம்பரியமான உடையான வேட்டி சட்டையை ஒரேவிதமாக அணிந்து, பொங்களோ பொங்கள் முழக்கமிட்டு உற்சாகமாக கொண்டாடினர். இதில்  சீர்காழி காவல் துறையினரும் அவர்களது குடும்பத்தினரும் மற்றும் பொதுமக்கள் சமத்துவ பொங்கல் விழாவில் கலந்து கொண்டனர்.