அயோத்தி தலைப்பு செய்திகள்

1528: இந்துக்களால் கடவுள் ராமரின் பிறந்த இடமாக நம்பப்படும் இடத்தில், மொகலாய வம்சத்தின் நிறுவனரான பாபர் மசூதியைக் கட்டினார்.

1853: இடத்துக்கு சொந்தம் கொண்டாடி முதன்முதலில் இந்து- முஸ்லிம் பிரிவினர் இடையே மோதல் வெடித்தது.

1855-1859: சர்ச்சைக்குரிய இடம் யாருக்கு சொந்தம் என்று சட்டப்பூர்வமாக பிரச்சினை எழுந்த நிலையில், இந்து முஸ்லிம் என இரு தரப்பும் செல்லலாம் என்று சமரசம் செய்யப்பட்டது.

1885: மசூதிக்கு வெளியே பூஜை செய்ய தனி இடம் உருவாக்கப்பட்ட நிலையில், அங்கு நிழற்குடை அமைக்கவேண்டும் என்று ஃபைசாபாத் மாவட்ட நீதிமன்றத்தில் மனு தாக்கல் செய்யப்பட்டது. எனினும் மனு நிராகரிக்கப்பட்டது.

1949: ராமர், சீதையின் சிலைகள் மீண்டும் மசூதிக்குள் மர்மமான முறையான நிலையில் வைக்கப்பட்டதை அடுத்து, அப்பகுதியில் பதற்றம் வெடித்தது.

1950-1959: சம்பந்தப்பட்ட இடத்தில் வழிபட வேண்டும் என்று உரிமை கோரி இந்து அமைப்புகள், நீதிமன்றத்தில் பல்வேறு வழக்குகளைத் தொடர்ந்தன.

1962: உத்தரப் பிரதேசத்தைச் சேர்ந்த சன்னி வக்ஃபு வாரியம், மசூதி தங்களுடையது என்று சொந்தம் கொண்டாடியது.

1984: அப்போதைய பிரதமர் ராஜீவ் காந்தி, சம்பந்தப்பட்ட இடத்தில் இந்துக்கள் வழிபடலாம் என்று அனுமதி கொடுத்தார். அது மேலும் பதற்றத்தை அதிகரித்தது.

1985-86: அயோத்தியில் சர்ச்சைக்குரிய இடத்தில், ராமர் கோயிலைக் கட்ட வேண்டும் என்று விஷ்வ இந்து பரிஷத் மாபெரும் போராட்டத்தைத் தொடங்கியது.

1990: பாஜக தலைவர் எல்.கே.அத்வானி அகில இந்திய அளவில் ரத யாத்திரையைத் தொடங்கினார். ஆனாலும் பிஹாரில் தடுத்து நிறுத்தப்பட்டு கைது செய்யப்பட்டார்.

1992: இந்து கர சேவகர்கள் அடங்கிய கும்பலால், பாபர் மசூதி இடித்துத் தரைமட்டம் ஆக்கப்பட்டது. இது இந்தியா முழுவதும் மத வன்முறைகளைத் தூண்டியது.

1994: சர்ச்சைக்குரிய பகுதி இடிப்பு குறித்து விசாரிக்க நீதிபதி லிபரான் தலைமையில் ஆணையம் அமைக்கப்பட்டது.

2002: குஜராத்தில் நடந்த மதக்கலவரம் ஆயிரக்கணக்கான இந்துக்கள் மற்றும் இஸ்லாமியர்களின் உயிரை பலி வாங்கியது.

2002: சர்ச்சைக்குரிய இடம் குறித்த பல்வேறு வழக்குகளை அலகாபாத் உயர் நீதிமன்றம் விசாரிக்க ஆரம்பித்தது.

2003: இந்தியத் தொல்லியல் ஆராய்ச்சி அமைப்பு, மசூதிக்கு அடியில் இந்துக் கட்டமைப்புகள் இருந்ததற்கான ஆதாரங்களைக் கண்டறிந்தது.

2010: அலகாபாத் உயர் நீதிமன்றம், அயோத்தியில் சர்ச்சைக்குரிய நிலத்தை வக்ஃபு வாரியம், நிர்மோஹி அகாரா, ராம் லல்லா (குழந்தை ராமர்) ஆகிய அமைப்புகளுக்கு மூன்றாகப் பிரித்து அளிக்கவேண்டும் என்று தீர்ப்பளித்தது.

2011-2019: அலகாபாத் உயர் நீதிமன்றத்தின் தீர்ப்பை எதிர்த்து, அனைத்து அமைப்புகளுமே உச்ச நீதிமன்றத்தில் மேல் முறையீடு செய்தனர்.

2019: சர்ச்சைக்குரிய நிலத்தில் ராமர் கோயில் கட்டலாம் என உச்ச நீதிமன்றம் தீர்ப்பு வழங்கியது. அதேபோல முஸ்லிம்கள் மசூதி கட்டிக்கொள்ள தனியாக நிலத்தை, சன்னி வக்ஃபு வாரியத்துக்கு வழங்க வேண்டும் என்றும் மத்திய அரசுக்கு நீதிபதிகள் உத்தரவிட்டனர்.

2020: ராமர் கோயில் கட்டுவதற்கான பூமி பூஜை நடத்தப்பட்டது.

2024: ராமர் கோயில் ஜனவரி 22ஆம் தேதி அன்று திறக்கப்பட உள்ளது.