திண்டுக்கல் மாவட்டத்திற்குட்பட்ட சின்னாளப்பட்டி பகுதியை சேர்ந்தவர் லட்சுமி. இவருடைய செல்போனுக்கு கடந்த சில மாதங்களுக்கு முன்பு ஒரு குறுந்தகவல் வந்தது. அதில் ஆன்லைனில் கடன் பெறுவதற்கு தொடர்பு கொள்ளலாம் என்று இருந்தது. அப்போது அவருக்கு அவசரமாக பணம் தேவைப்பட்டாதால், குறுந்தகவல் வந்த செல்போன் எண்ணுக்கு தொடர்பு கொண்டார்.
Pugazh: Zee டிவிக்கு வந்த விஜய் டிவி புகழ்!! ஷாக்கில் உறைந்துபோன ரசிகர்கள்.. காரணம் இதுதானாம்..!!
இதையடுத்து எதிர்முனையில் பேசிய நபர் 3 லட்சம் ரூபாய் வரை கடன் தருவதாக தெரிவித்தார். மேலும் கடன் தருவதற்கு ஆவண செலவு, வரி, முன்தொகை என ஒவ்வொரு முறையும் வெவ்வேறு காரணங்களை கூறி பணம் அனுப்பும்படி கூறி உள்ளார். அடுத்தடுத்து பணம் கேட்டதால், லட்சுமி தயங்கினார். ஆனால் கடன் தொகையுடன் சேர்த்து முன்தொகை உள்ளிட்டவற்றை வழங்குவதாக உறுதி அளித்ததால், அவர் பணம் செலுத்தினார். அவ்வாறு மொத்தம் 4 லட்சத்து 20 ஆயிரம் வரை செலுத்தியும் கடன் கிடைக்கவில்லை. அதன்பின்னரும் பணம் கேட்டதால் உஷாரான லட்சுமி தான் ஏமாற்றப்பட்டதை அறிந்தார். இதுகுறித்து திண்டுக்கல் சைபர் கிரைம் போலீசில் அவர் புகார் கொடுத்தார். அதுகுறித்து போலீசார் வழக்குப்பதிவு செய்து விசாரித்து வருகின்றனர்.
Beast Review: ‛பெஸ்ட் ஆர் ஒஸ்ட்...’ பீஸ்ட் என்ன மாதிரி படம்? சமரசம் இல்லாத சத்தியமான விமர்சனம் இதோ!
அதேபோல் திண்டுக்கல்லை சேர்ந்தவர் வங்கி ஊழியர் சைலேந்திரபாபு. இவர் சமூக வலைத்தளத்தில், ஆன்லைனில் பணத்தை இரட்டிப்பாக பெறலாம் என்ற ஒரு விளம்பரத்தை பார்த்துள்ளார். இதையடுத்து அதில் இருந்த இணையதள இணைப்பில் சென்று சிறிய தொகையை செலுத்தினார். அப்போது அந்த இணைப்பில் உள்ள அவருடைய கணக்கில் இருமடங்கு பணத்தை காண்பித்தது. இதனால் அவ்வப்போது அவர் பணத்தை செலுத்தினார். அதன்படி அவர் மொத்தம் ரூ.50 ஆயிரம் செலுத்திய நிலையில், அவருடைய கணக்கில்1 லட்சத்துக்கும் மேல் இருப்பு உள்ளதாக காண்பித்தது. எனவே அதில் இருந்து பணத்தை எடுக்க முயன்றார். ஆனால் பணத்தை எடுக்க முடியவில்லை. இதனால் ஏமாற்றப்பட்டதை அறிந்த அவர், சைபர் கிரைம் போலீசில் புகார் கொடுத்தார். அதுகுறித்து சைபர் கிரைம் போலீசார் வழக்குப்பதிவு செய்து விசாரித்து வருகின்றனர்.
மேலும் செய்திகளை தெரிந்து கொள்ள இந்த லிங்கை க்ளிக் செய்யவும்:- Vijay Beast Release LIVE: பீஸ்ட் பார்த்தவர்களுக்கு ஒரு லிட்டர் பெட்ரோல்... தாம்பரத்தில் ரசிகர்கள் அதிரடி
ABP நாடு செய்திகளை சமூக வலைத்தள பக்கங்களிலும் பின் தொடரலாம்