விவசாயிகளுக்கு ஜாக்பாட்.. அசத்த வரும் பதஞ்சலி தொழிற்சாலை!
நாக்பூரில் தொடங்கப்பட உள்ள ஆலையால் விவசாயிகளின் வருமானம் அதிகரிக்கப்பட உள்ளது. இதுவரை, இந்த ஆலையில் சுமார் ரூ.700 கோடி முதலீடு செய்யப்பட்டுள்ளது. மேலும், ரூ. 1500 கோடி முதலீடு செய்ய திட்டமிடப்பட்டுள்ளது.
மகாராஷ்டிராவின் நாக்பூரில் உள்ள மிஹான் (நாக்பூரில் உள்ள மல்டி-மாடல் சர்வதேச சரக்கு மையம் மற்றும் விமான நிலையம்) பகுதியில் பதஞ்சலியின் 'மெகா உணவு மற்றும் மூலிகை பூங்கா' தொடங்கப்பட உள்ளது. வரும் மார்ச் மாதம் 9ஆம் தேதி முதல் இந்த ஆலை செயல்பாட்டுக்கு வர உள்ளது. இதற்கான அடிக்கல் நாட்டு விழா, கடந்த 2016ஆம் ஆண்டு, செப்டம்பர் மாதம் நடைபெற்றது.
விவசாயிகளின் வருமானம் அதிகரிப்பு:
Just In
இதில், முக்கியமான விஷயம் என்னவென்றால் நாக்பூரில் தொடங்கப்பட உள்ள ஆலையால் விவசாயிகளின் வருமானம் அதிகரிக்க உள்ளது. இதுவரை, இந்த ஆலையில் சுமார் ரூ.700 கோடி முதலீடு செய்யப்பட்டுள்ளது. மேலும், ரூ. 1500 கோடி முதலீடு செய்ய திட்டமிடப்பட்டுள்ளது.
உணவு பதப்படுத்தும் ஆலையை தவிர, மிஹானில் மாவு ஆலையும் அமைக்கப்பட்டுள்ளது. ஒவ்வொரு நாளும் 100 டன் கோதுமை பதப்படுத்தப்பட்டு, ஜல்னா, ஆந்திரா மற்றும் தெலங்கானா போன்ற இடங்களில் உள்ள பதஞ்சலியின் பிஸ்கட் ஆலைகளுக்கு வழங்கப்படுகிறது.
பதஞ்சலி நிறுவனம் தனது மாவு தயாரிக்கும் ஆலைக்காக விவசாயிகளிடமிருந்து நேரடியாக கோதுமையை வாங்குகிறது. தேவை அதிகமாக இருக்கும்போது வர்த்தகர்கள் அல்லது இந்திய உணவுக் கழகம் தொடர்பு கொள்ளப்படும்.
ஒழித்துக்கட்டப்படும் இடைத்தரகர்கள்:
முதல் கட்டத்தில், சிட்ரஸ் பழங்கள் மற்றும் டெட்ரா பாக்கெட்டுகளுக்கான வணிக உற்பத்தி ஆலை இங்கு தொடங்கப்படும். இதுவரை 1000 டன் சர்க்கரைவள்ளிக்கிழங்கு பதப்படுத்தப்பட்டுள்ளது. ஆரஞ்சு பதப்படுத்தும் பணிகளும் தொடங்கப்பட்டுள்ளன. இதனுடன், வெப்பமண்டல பழங்களுக்கான அனைத்து இயந்திரங்களும் நிறுவப்பட்டுள்ளன.
இந்த தொழிற்சாலை மூலம் இடைத்தரகர்கள் ஒழிக்கப்பட்டு, பழங்கள் மற்றும் காய்கறிகள் கிடைப்பதை பதஞ்சலி நிறுவனம் உறுதி செய்கிறது. விவசாயிகளிடமிருந்து நேரடியாக பயிர்களை வாங்குகிறது. இதன் மூலம் விவசாயிகளின் வருமானம் அதிகரிக்கிறது. விவசாயிகளிடமிருந்து நேரடி இழப்பீடு பெற முடியாவிட்டால் மட்டுமே பதஞ்சலி வர்த்தகர்களை நாடுகிறது.
இதை தவிர, பதஞ்சலி நிறுவனத்தால் தயாரிக்கப்படும் ரசாயனம் இல்லாத கரிம உரங்கள் விவசாயிகளுக்கு வழங்கப்படுகின்றன. அவ்வப்போது பண்ணையை ஆய்வு செய்வதைத் தவிர, பயிர் தயாரான பிறகு, விவசாயிகளின் விளைபொருட்களை அவர்கள் கவனித்துக்கொள்வார்கள் என்றும் பதஞ்சலி உத்தரவாதம் அளிக்கிறது. நாக்பூர் ஆலை சுமார் ரூ.1000 கோடி வருவாய் ஈட்டும் என எதிர்பார்க்கப்படுகிறது.
இதுவரை, இந்த ஆலையில் சுமார் ரூ.700 கோடி முதலீடு செய்யப்பட்டுள்ளது. இந்த முழு வேலைத் திட்டத்திலும் சுமார் ரூ.1500 கோடி முதலீடு செய்ய திட்டமிடப்பட்டுள்ளது. இந்த ஆலை நிறுவப்படுவதன் மூலம், இங்கு உள்கட்டமைப்பும் மேம்படும்.