Just In
Watch Video | மாலை டம்டம் மங்கள டம்டம்.. வெளியான வீடியோ.. இரண்டு மணிநேரத்தில் அடித்துத்தூக்கிய 2 லட்சம் வியூஸ்..
எனிமி திரைப்படத்தில் இடம்பெற்றிருக்கும் ’டம் டம்’ பாடல் வீடியோ இன்று வெளியாகி வைரலாகியுள்ளது.
விஷால் மற்றும் ஆர்யா நடிப்பில் ஆனந்த் ஷங்கர் இயக்கியிருக்கும் படம் எனிமி. கதாநாயகியாக மிருணாளினி நடித்திருக்கும் இப்படத்திற்கு தமன் இசையமைக்க வினோத்குமார் தயாரித்திருக்கிறார். தீபாவளி அன்று அண்ணாத்த படத்துடன் திரையரங்குகளில் வெளியான எனிமி படம் ரசிகர்களிடையே நல்ல வரவேற்பை பெற்றுள்ளது.
படம் வெளியாவதற்கு முன்னதாக படத்தில் இடம்பெற்ற மாலை டம் டம் பாடல் வெளியானது. தமன் இசையமைப்பில் பாடலாசிரியர் விவேக் எழுதியிருக்கும் இப்பாடல் ரசிகர்களிடையே பெரும் வரவேற்பை பெற்றது.
படம் வெளியான பிறகு அந்தப் பாடலின் வீடியோ எப்போது வெளியாகும் என ரசிகர்கள் காத்திருந்தனர். இதற்கிடையே மாலை டம் டம் பாடலின் ப்ரோமோ நேற்று வெளியானது.
இந்நிலையில், இன்று மாலை டம் டம் பாடல் வெளியானது. பாடல் வெளியான இரண்டு மணி நேரத்தில் இதுவரை 2 லட்சத்து 80,000 பேர் பார்த்திருக்கின்றனர். இன்னும் சில மணி நேரங்களில் 5 மில்லியன் பார்வையாளர்கள் பாடலை காண்பார்கள் என எதிர்பார்க்கப்படுகிறது.
அதுமட்டுமின்றி பாடலின் வீடியோவையும் சமூக வலைதளங்களில் பலரும் பகிர்ந்துவருகின்றனர். டிக்கிலோனா திரைப்படத்தில் இடம்பெற்ற “பேர் வைச்சாலும் வைக்காம போனாலும் மல்லி வாசம்” பாடலுக்கு பிறகு இந்தப் பாடல் தற்போது சமூக வலைதளங்களில் வைரலாகியுள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: Real Life Ghazini: ஜெர்மனியில் வாழும் நிஜ கஜினி... 6 மணிநேரம்தான் லிமிட்.. இவரின் டைரி கதையை கேளுங்க..
Watch Video | நடிகை பார்வதியின் ஜாலி ரோட் ட்ரிப்.. இண்டர்நெட்டை கலக்கும் வீடியோ..