சண்டை போட்ட கள்ளக்காதலி.. தட்டிக்கேட்ட மாமனார் கொடூர கொலை.. சிரித்துக்கொண்டே வந்த கள்ளக்காதலன்

கள்ளக்காதலர்களுக்கு இடையே ஏற்பட்ட மோதலை தடுக்க செல்லபோய் பரிதாபமாக உயிரிழந்த முதியவர்.

கொலை வழக்கில் கைது செய்யப்பட்ட நபர்

Source : abp nadu

திருப்பத்தூர்: கந்திலி அருகே கள்ளக்காதலனுக்கும் கள்ள காதலிக்கும் ஏற்பட்ட தகராறில் தட்டி கேட்ட முதியவரை இரும்புராரால் அடித்து கொன்ற லாரி ஓட்டுநர் கைது செய்யப்பட்டு சிறையில் அடைக்கப்பட்டார்.

திருப்பத்தூர் மாவட்டம் கந்திலி அடுத்த டி. வீரப்பள்ளி பகுதியைச் சேர்ந்த கரியன் மகன் நந்தியப்பன் (50) என்பவர் லாரி ஓட்டுநராக வேலை செய்து வருகிறார். இந்நிலையில், அதே பகுதியைச் சேர்ந்த ரோஜா என்கிற  பெண்ணுக்கும் நந்தியப்பனுக்கும் பழக்கம் ஏற்பட்டு அது கள்ளக்காதலாக மாறி உள்ளது. இதனைத் தொடர்ந்து ரோஜாவிற்கும் நந்தியப்பனுக்கும் இடையே கடந்த 23ஆம் தேதி தகராறு ஏற்பட்டுள்ளது.

இதனை, ரோஜாவின் சின்ன மாமனாரான அதே பகுதியைச் சேர்ந்த பொன்னுசாமி மகன் செல்வம் (60) என்பவர்
இருவருக்கும் இடையிலான தகராறை தட்டிக்கேட்டதாக தெரிகிறது. இதனால் ஆத்திரமடைந்த நந்தியப்பன் இரும்பு ராடால் முதியவர் செல்வத்தை தாக்கியுள்ளார்.

இதில் காயமடைந்த செல்வம் அருகிலுள்ள மருத்துவமனையில் சிகிச்சை பெற்று வீடு திரும்பியுள்ளார். மேலும் கடந்த 25ஆம் தேதி அவர் திடீரென உயிரிழந்துள்ளார். இதையடுத்து முதியவரின் உறவினர்கள் அவரது உடலை அடக்கம் செய்ய ஏற்பாடு செய்துள்ளனர். இதுகுறித்து அப்பகுதி மக்கள் கந்திலி போலீசாருக்கு தகவல் கொடுத்துள்ளனர்.

இந்த தகவலின் பேரில் சம்பவ இடத்திற்கு சென்ற போலீசார், உயிரிழந்த முதியவரின் செல்வத்தின் உடலை மீட்டு‌ பிரோத பரிசோதனைக்காக கிருஷ்ணகிரி அரசு மருத்துவ கல்லூரி மருத்துவமனைக்கு அனுப்பி வைத்தனர். இதுதொடர்பாக வழக்குப்பதிவு செய்த கந்திலி போலீசார் நந்தியப்பன் மீது வழக்கு பதிந்து
திருப்பத்தூர் நீதிமன்றத்தில் ஆஜர்படுத்தி சிறையில் அடைத்தனர். முன்னதாக, மருத்துவப் பரிசோதனை முடிந்து போலீசார் கொண்டு வரும்போது, கைது செய்யப்பட்ட நபர் சிரித்துக்கொண்டே நடந்து வந்தார்.