“குடிமகனின்” தரமான செயல்... குடிநீர் பித்தளை பைப்புகள் திருடிச் சென்றார்
காலையில் பார்த்த பித்தளை பைப்புகள் மதியத்திற்குள் காணாமல் போனால் எப்படி இருக்கும். இதுதான் பண்டாரவாடை வடக்கு தெருவில் உள்ள மக்களுக்கு ஏற்பட்டு இருக்கு.
தஞ்சாவூர்: காணோங்க... குடிநீர் குழாயில் இருந்த பித்தளை பைப்பை காணோங்க என்று கும்பகோணம் மக்கள் பரிதவிச்சா... கூலாக ஒரு நபர் அந்த பைப்புகளை லாவகமாக திருடிச் செல்லும் சிசிடிவி காட்சிகள் வெளியாகி அதிர்ச்சியை ஏற்படுத்தி உள்ளது.
தஞ்சாவூர் மாவட்டம், பாபநாசம் ஒன்றியம், பண்டாரவாடை ஊராட்சியில் பிரதம மந்திரியின் ஜல்ஜீவன் திட்டத்தின் கீழ் கிராம மக்களின் பயன்பாட்டிற்காக 717 குடிநீர் குழாய்கள் அமைக்கப்பட்டுள்ளன. இதில் பித்தளையால் ஆன திருகு பைப்புகள் பொருத்தப்பட்டு உள்ளது. வடிவேலு கிணற்றை காணோம் என்று சொல்வார் இல்லையா.. .அதுபோல் காலையில் பார்த்த பித்தளை பைப்புகள் மதியத்திற்குள் காணாமல் போனால் எப்படி இருக்கும். இதுதான் பண்டாரவாடை வடக்கு தெருவில் உள்ள மக்களுக்கு ஏற்பட்டு இருக்கு.
இந்த தெருவில் 200க்கும் மேற்பட்ட கிராம மக்கள் வசித்து வருகின்றனர். இந்நிலையில் சுமார் 20க்கும் மேற்பட்ட குடிநீர் குழாய் பித்தளை பைப்புகள் மாயமான மறைந்து விட்டன. காலையில தண்ணீர் பிடிக்கும் போது இருந்துச்சு... இப்ப இல்லை. உன் வீட்டு வாசல்ல இருக்கா பாரு என்று அடுத்தடுத்த வீடுகளில் பைப்புகளை பார்த்த மக்களுக்கு அதிர்ச்சிதான். காரணம் 20க்கும் அதிகமான பித்தளை பைப்புகள் காற்றில் கரைந்தது போல் மாயமாக மறைந்து விட்டன.
இதில் குடிநீர் குழாய் பொருத்தப்பட்டுள்ள வீடு ஒன்றில் வைக்கப்பட்டு இருந்த சிசிடிவியில் ஆண் ஒருவர் லாவகமாக பித்தளை பைப்பை திருடி செல்லும் காட்சிகள் பதிவாகி இருந்தது. இதை பார்த்தவர்களுக்கு, அதிர்ச்சிதான். தற்போது அந்த பகுதி முழுவதும் வீடியோ வைரலாக பரவி வருகிறது. பித்தளை பைப்புகள் நல்ல விலைக்கு செல்லும் என்பதால் யாரோ “குடிமகன்” திருடிச் சென்றுள்ளது தெரிய வந்துள்ளது.
ஆனால் மக்களுக்குதான் திண்டாட்டம் ஆகியுள்ளது. திருடப்பட்ட பைப்புகளில் இருந்து குடிநீர் வீணாக வெளியே சென்று கொண்டிருக்கிறது. எனவே சம்பந்தப்பட்ட அதிகாரிகள் உடன் நடவடிக்கை எடுத்து மீண்டும் வேறு பைப்புகள் பொருத்த வேண்டும் என்பது அப்பகுதி மக்களின் எதிர்பார்ப்பாக உள்ளது. இந்த சம்பவம் குறித்து பாபநாசம் போலீசார் வழக்குப்பதிவு செய்து விசாரணை மேற்கொண்டுள்ளனர்.
Before You Go
Guduvanchery Pocso Case : 10 வயது சிறுமியிடம் அத்துமீறல்.. வடமாநில நபர் போக்சோவில் கைது
தலைப்பு செய்திகள்
ட்ரெண்டிங் செய்திகள்
