பேருந்தில் சினிமா ஸ்டைல் திருட்டு... Fevi kwik ஒட்டி ₹5.20 லட்சம் திருட்டு...
ஃபெவிக்விக் வைத்து ஜிப் ஒட்டி நூதனத் திருட்டு: கோவையில் பேருந்து பயணியின் ₹5.20 லட்சம் பறிப்பு
கோவை நகரில் பேருந்து பயணத்தின் போது கூலித் தொழிலாளி ஒருவரிடம் இருந்து ₹5.20 லட்சம் பணத்தை ‘ஃபெவிக்விக்’ பசை பயன்படுத்தி நூதன முறையில் திருடிச் சென்ற சம்பவம் அதிர்ச்சியை ஏற்படுத்தியுள்ளது.
நல்லாம்பாளையத்தைச் சேர்ந்த ரவி (50) தனது சொந்த ஊரான கீழநிலைக்கோட்டை பகுதியில் உள்ள Indian Bank கிளையில் இருந்து சேமிப்புத் தொகை மற்றும் நகை அடகு பணம் சேர்த்து மொத்தம் ₹5.20 லட்சம் எடுத்துள்ளார். பின்னர் கடந்த பிப்ரவரி 18ஆம் தேதி இரவு தனியார் பேருந்தில் கோவைக்கு புறப்பட்டார். பணத்தை தனது பயணப் பையில் மறைத்து வைத்திருந்தார். பேருந்து பல்லடம் பகுதியில் நின்றபோதும் பணம் பாதுகாப்பாக இருப்பதை அவர் உறுதி செய்ததாக கூறப்படுகிறது.
₹5.20 லட்சம் இழந்த தொழிலாளி
பிப்ரவரி 19ஆம் தேதி அதிகாலை சுமார் 4.45 மணியளவில் காந்திபுரம் பேருந்து நிலையம் வந்தடைந்த ரவி, தனது பையை திறக்க முயன்றபோது ஜிப் பகுதி வலுவான பசையால் ஒட்டப்பட்டிருந்தது தெரியவந்தது. அருகிலிருந்த கடையில் இருந்து கத்தி வாங்கி பையை கிழித்து பார்த்தபோது, உள்ளே வைத்திருந்த ₹5.20 லட்சம் காணாமல் போனது தெரியவந்தது.
இதையடுத்து ரவி காட்டூர் காவல் நிலையம்-த்தில் புகார் அளித்தார். விசாரணையில், ரவியின் பின்னால் அமர்ந்து பயணம் செய்த இரண்டு நபர்கள் சந்தேக நபர்களாக அடையாளம் காணப்பட்டுள்ளனர். அவர்கள் பயன்படுத்திய கைப்பேசி எண்கள் அணைக்கப்பட்டிருந்ததாக கூறப்படுகிறது.
பேருந்தில் இருந்து இறங்கும் வரை பையை திறக்க முடியாதபடி ‘ஃபெவிக்விக்’ பசை பயன்படுத்தி ஜிப்பை ஒட்டி, திட்டமிட்ட முறையில் திருட்டு நடைபெற்றிருக்கலாம் என போலீசார் சந்தேகிக்கின்றனர். சம்பவம் தொடர்பாக காவல்துறையினர் தொடர்ந்து விசாரணை மேற்கொண்டு வருகின்றனர்.
பேருந்து பயணியின் பணத்தை இவ்வாறு நூதன முறையில் திருடிச் சென்ற சம்பவம் கோவையில் பரபரப்பை ஏற்படுத்தியுள்ளது.
தலைப்பு செய்திகள்
ட்ரெண்டிங் செய்திகள்
