Crime: அதீத மதுபோதையில் மனைவி..! கதவை திறந்த கணவனுக்கு காத்திருந்த அதிர்ச்சி..! நடந்தது என்ன..?

வேளச்சேரி அருகே அளவுக்கு அதிகமாக மது குடித்து 32 வயதான பெண் ஒருவர் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.

மதுபோதை (மாதிரிப்படம்)

வேளச்சேரி அருகே அளவுக்கு அதிகமாக மது குடித்து 32 வயதான பெண் ஒருவர் உயிரிழந்த சம்பவம் அதிர்ச்சியை ஏற்படுத்தியுள்ளது.

வேளச்சேரி அடுத்த பெரும்பாக்கம் எழில்நகர் அடுக்குமாடி குடியிருப்பை சேர்ந்தவர் பார்த்திபன். இவரது மனைவி சுபத்ரா. இவருக்கு வயது 32. ஏற்கனவே திருமணமான சுபத்ரா, கருத்து வேறுபாடு காரணமாக, முதல் கணவரை பிரிந்துவிட்டு தற்போது பார்த்திபனை திருமணம் செய்து கொண்டு வாழ்ந்து வருகிறார். சுபத்ராவிற்கு ஏழு வயதில் மகன் உள்ளார். இந்த நிலையில், இவருக்கு மது அருந்தும் பழக்கம் ஏற்பட்டுள்ளது. பின்னர், நாளடைவில் மது பழக்கத்திற்கு சுபத்ரா அடிமையாக மாறியுள்ளார் என கூறப்படுகிறது. 

இந்த நிலையில், நேற்று முன்தினம் வீட்டில் தனியாக இருந்த சுபத்ரா, அளவுக்கு அதிகமாக மது குடித்து, போதையில் மயங்கி கிடந்துள்ளார். வேலைக்கு சென்ற பார்த்திபன் மாலை வீட்டுக்கு வந்தார். அப்போது, மனைவி போதையில் பேச்சு மூச்சு இல்லாமல் மயங்கி கிடப்பதை பார்த்து அதிர்ச்சியடைந்தார்.

பின்னர், அக்கம் பக்கத்தினர் உதவியுடன் அவரை ஆட்டோவில் ஏற்றிக்கொண்டு, செம்மஞ்சேரி அரசு ஆரம்ப சுகாதார நிலையத்திற்கு சென்றார். அங்கு அவரை பரிசோதித்த மருத்துவர்கள், சுபத்ரா வரும் வழியிலேயே இறந்து விட்டதாக தெரிவித்தனர். இதைகேட்டு அவரது பார்த்திபன் அதிர்ச்சியடைந்துள்ளார்.

இதுகுறித்து, பெரும்பாக்கம் காவல் நிலையத்திற்கு தகவல் தெரிவிக்கப்பட்டது. சம்பவ இடத்திற்கு விரைந்து வந்த காவல்துறையினர் சுபத்ரா சடலத்தை கைப்பற்றி பிரேத பரிசோதனைக்காக குரோம்பேட்டை அரசு மருத்துவமனைக்கு அனுப்பி வைத்தனர். மேலும், இதுதொடர்பாக வழக்கு பதிவு செய்து, அளவுக்கு அதிகமாக மது அருந்தியதால் சுபத்ரா இறந்தாரா? அல்லது குடும்ப பிரச்சினை காரணமாக மதுவில் விஷம் கலந்து குடித்து தற்கொலை செய்தாரா? என இரண்டு விதமான கோணத்தில் விசாரணை நடத்தி வருகின்றனர்.