Accident: மதுரவாயல்: லாரி மோதியதில் சாப்ட்வேர் பெண் ஊழியர் பலி; தம்பி கண் எதிரே அக்கா பலியான சோகம்..!
மதுரவாயல் அருகே லாரி மோதியதில் 22 வயதே ஆன சாஃப்ட்வேர் இஞ்சினியர் ஷோபனா அவரது தம்பி கண் முன்னே பரிதாபமாக உயிரிழந்துள்ளார்.
மதுரவாயல் அருகே லாரி மோதியதில் 22 வயதே ஆன சாஃப்ட்வேர் இஞ்சினியர் ஷோபனா அவரது தம்பி கண் முன்னே பரிதாபமாக உயிரிழந்துள்ளார்.
சென்னை போரூரை சேர்ந்தவர் ஷோபனா 22 வயது கூடுவாஞ்சேரில் உள்ள தனியார் நிறுவனத்தில் சாப்ட்வேர் இன்ஜினியராக பணிபுரிந்து வந்தார். இவரது தம்பி திருவேற்காட்டில் உள்ள தனியார் பள்ளியில் பன்னிரண்டாம் வகுப்பு படித்து வருகிறார். மேலும் அவருக்கு அதே பள்ளியில் நீட் சம்பந்தமான பயிற்சி வகுப்புகளும் எடுக்கப்பட்டு வருவதால் நேற்று பள்ளிக்கு நேரமானதால் தனது தம்பியை ஷோபனா தனது ஸ்கூட்டரில் அழைத்துச் சென்று கொண்டிருந்தார். தாம்பரம் - மதுரவாயல் பைபாஸ் சர்வீஸ் சாலையில் இவர்கள் சென்று கொண்டு இருந்தனர். மதுரவாயல் அருகே சென்று கொண்டிருந்தபோது குண்டும், குழியுமான சாலையில் நிலை தடுமாறி கீழே விழுந்தனர். இதனால் இவர்களது ஸ்கூட்டருக்குப் பின்னால், மணல் ஏற்றி வந்த லாரி ஏறி இறங்கியதில் ஷோபனா உடல் நசுங்கி சம்பவ இடத்திலேயே பரிதாபமாக இறந்து போனார்.
Tamil Nadu | Civic authorities fill the potholes and repaired the damaged portions of the road after a woman software engineer died as she was mowed down by a truck Maduravoyal in Chennai after her two-wheeler hit a pothole: Poonamallee Police pic.twitter.com/BlGm1vwPh6
— ANI (@ANI) January 4, 2023
இந்த விபத்தில் அவரது தம்பி அதிர்ஷ்டவசமாக உயிர் தப்பினார். இந்த சம்பவம் குறித்த பூந்தமல்லி போக்குவரத்து போலீசார் சம்பவ இடத்திற்க்கு விரைந்து சென்று இறந்து போன ஷோபனாவின் உடலை மீட்டு பிரேத சோதனைக்கு அனுப்பி வைத்துள்ளனர். பள்ளிக்கு தாமதமானதால் தம்பியை அழைத்துச் சென்றபோது சாலை விபத்தில் சிக்கி அக்கா பரிதாபமாக இறந்து போன சம்பவம் பெரும் சோகத்தை ஏற்படுத்தி உள்ளது. மேலும் இந்த பகுதியில் உள்ள சாலை குண்டும் குழியுமாக இருப்பதாகவும் இதனால் இந்த சாலையில்ல் அடிக்கடி விபத்து நடப்பதாகவும் பொது மக்கள் புகார் தெரிவித்துள்ளனர் என்பது குறிப்பிடத்தக்கது.
மேலும், தப்பி ஓடிய லாரி டிரைவரை தேடிப்பிடித்த காவல் துறையினர் விபத்துக்கு காரணமான வேன் டிரைவர் பார்த்திபன் மற்றும் லாரி டிரைவர் மோகன் ஆகிய இருவரையும் கைது செய்துள்ளனர்.
தலைப்பு செய்திகள்
ட்ரெண்டிங் செய்திகள்
and tablets