ஒரே சார்ஜில் 187 கி.மீட்டர் மைலேஜ்... வாங்கலாமா VIDA VX2 Plus இ ஸ்கூட்டர்! என்ன வசதி இருக்குது?

VIDA VX2 Plus இ ஸ்கூட்டரின் விலை, தரம் மற்றும் மைலேஜ் ஆகியவை குறித்து கீழே விரிவாக காணலாம்.

விடா விஎக்ஸ்2 ப்ளஸ் இ ஸ்கூட்டர்

Source : TWITTER

இந்தியாவின் நாளுக்கு நாள் இரு சக்கர வாகனங்களின் எண்ணிக்கை தொடர்ந்து அதிகரித்து வருகிறது. குறிப்பாக, மின்சார இரு சக்கர வாகனங்களின் எண்ணிக்கை தொடர்ந்து அதிகரித்து வருகிறது. 

ஹீரோ நிறுவனத்தின் புகழ்பெற்ற இ ஸ்கூட்டர்கள் Vida. இந்த ஸ்கூட்டருக்கு இந்தியாவில் நல்ல வரவேற்பு இருந்து வரும் சூழலில், விடா நிறுவனத்தின் புதிய படைப்பாக இந்தியாவில் அறிமுகமாகியிருப்பது VIDA VX2 Go மற்றும்  VIDA VX2 Plus. VIDA VX2 Go இ ஸ்கூட்டரில் 3 வேரியண்டும், VIDA VX2 Plus இ ஸ்கூட்டரில் 2 வேரியண்டும் அறிமுகமாகியுள்ளது.

வேரியண்ட்:

VIDA VX2 Go   - 2.2 கிலோவாட் - 93 கிலோமீட்டர் மைலேஜ்

VIDA VX2 Go FB - 3.1 கிலோவாட் - 128 கிலோமீட்டர் மைலேஜ்

VIDA VX2 Go - 3.4 கிலோவாட் - 146 கிலோமீட்டர் மைலேஜ்

VIDA VX2 Plus  - 3.4 கிலோவாட் - 146 கிலோமீட்டர் மைலேஜ்

VIDA VX2 Plus - 4.4 கிலோவாட் - 187 கிலோமீட்டர் மைலேஜ்

விலை:

இதன் எக்ஸ் ஷோ ரூம் விலை ரூபாய் 1.13 லட்சம் ஆகும். இந்த புதிய VIDA VX2 Plus இ ஸ்கூட்டர் ஒரே சார்ஜில் 187 கிலோமீட்டர் வரை மைலேஜ் அளிப்பது வாடிக்கையாளர்கள் மத்தியில் மகிழ்ச்சியை உண்டாக்கியுள்ளது. டிசி ஃபாஸ்ட் சார்ஜிங்கில் சார்ஜ் செய்வதற்கு 80 சதவீதத்தை எட்டுவதற்கு 65 நிமிடங்கள் ஆகும்.

இதில் டிக்கி வசதி 27.2 லிட்டர் ஆகும். 4.3 இன்ச் எல்சிடி இன்ஸ்ட்ரூமென்ட் கிளஸ்டர் பொருத்தப்பட்டுள்ளது. ஸ்மார்ட்போன் கனெக்டிவிட்டி வசதி உள்ளது. அதிகபட்சமாக  90 கிலோமீட்டர் வேகத்தில் செல்லலாம். வாடிக்கையாளர்களின் வசதி கருதி பேட்டரி அஸ் எ சர்வீஸ் வசதியும் உள்ளது. 

சிறப்புகள்:

இதில் 12 இ்ன்ச் சக்கரங்கள் பொருத்தப்பட்டுள்ளது. இதன் முகப்பு விளக்குகள், ப்ரேக் விளக்குகள் எல்இடி விளக்குகளாக பொருத்தப்பட்டுள்ளது. இந்த இ ஸ்கூட்டர் ஆரஞ்சு, மஞ்சள், சாம்பல், நீலம், கருப்பு மற்றும் சிவப்பு வண்ணங்களில் உள்ளது. இது 26 என்எம் டார்க் இழுதிறன் கொண்டது. 3.1 நொடிகளில் 40 கிலோமீட்டர் வேகத்தை எட்டும் ஆற்றல் கொண்டது.

ப்ளூடூத், கால்/எஸ்எம்எஸ் அலர்ட் வசதி உள்ளது. எகோ, ரைட் மற்றும் ஸ்போர்ட் மோட் உள்ளது. சிபிஎஸ் ப்ரேக்கிங் சிஸ்டம் வசதி உள்ளது. ரிவர்ஸ் மோட் பார்க்கிங் வசதியுடன் உள்ளது. 777 மி.மீட்டர் இருக்கை உயரம் கொண்டது. 155 மி.மீட்டர் கிரவுண்ட் கிளியரன்ஸ் வசதி உள்ளது. முன்பக்கம் டிஸ்க் மற்றும் பின்பக்கம் ட்ரம் ப்ரேக் உள்ளது.