பட்ஜெட் கார், கிரெட்டாவுக்கு சவால்; டாடா கர்வ் சீரிஸ் எக்ஸ் அறிமுகம்: விலை, டிசைன், அம்சங்கள்!

ரூ.9.99 லட்சத்தில் ‘டாடா கர்வ் சீரிஸ் எக்ஸ்’ கார் அறிமுகம்: வடிவமைப்பு, இன்ஜின் மற்றும் சிறப்பம்சங்கள்

Written By : க.சே.ரமணி பிரபா தேவி | Updated at : 03 Sep 2026 05:49 PM (IST)

டாடா கர்வ் சீரிஸ் எக்ஸ்

டாடா மோட்டார்ஸ் இந்தியாவில் தனது புகழ்பெற்ற கூபே எஸ்யூவி மாடலான டாடா கர்வ்-இன் புதிய பதிப்பான டாடா கர்வ் சீரிஸ் எக்ஸ்(Tata Curvv Series X) காரை அதிகாரப்பூர்வமாக அறிமுகப்படுத்தியுள்ளது. பட்ஜெட் பிரிவில் ஹூண்டாய் க்ரெட்டா, கியா செல்டோஸ் ஆகிய கார்களுக்கு இது நேரடிப் போட்டியாக அமையும்.

வேரியண்ட்கள் மற்றும் விலை

இந்த கார் Smart X, Pure X, Pure X+, Creative X+, Accomplished X மற்றும் Accomplished X+ என 6 பிரதான வேரியண்ட்களில் கிடைக்கிறது. இதன் பேஸ் வேரியண்ட்டான ஸ்மார்ட் எக்ஸ் ஆரம்ப விலை ரூ.9.99 லட்சமாகவும், டாப்-எண்ட் மாடலான அக்கம்பிளிஷ்டு எக்ஸ்+ டார்க் எடிஷன் விலை ரூ.18.99 லட்சமாகவும் நிர்ணயிக்கப்பட்டுள்ளது. ஸ்போர்ட்டியான தோற்றத்தை விரும்பும் வாடிக்கையாளர்களுக்காகப் பிரத்யேக கருப்பு நிறத்திலான டார்க் எடிஷனும் சில வேரியண்ட்களில் வழங்கப்படுகிறது.

வடிவமைப்பு மற்றும் உட்புற வசதிகள்

காரின் உட்புறம் புதிய கலர் தீம் மற்றும் பிரீமியம் பொருட்களுடன் வடிவமைக்கப்பட்டுள்ளது. முன்பக்க இருக்கைகளின் பின்புறம் சற்று மெல்லியதாக மாற்றப்பட்டும், பின்பக்க இருக்கைகளின் அமைப்பு திருத்தியமைக்கப்பட்டும் உள்ளதால், பயணிகளுக்குக் கூடுதல் லெக் ரூம் மற்றும் Knee ரூம் கிடைக்கிறது. மேலும், ஆய்ஸ்டர் ஒயிட் லெதரெட் சீட்டுகள், காற்றோட்ட வசதி கொண்ட இருக்கைகள் வழங்கப்பட்டுள்ளன.

தொழில்நுட்பம் மற்றும் பாதுகாப்பு

ஆரம்ப மற்றும் நடுத்தர வேரியண்ட்களில் 10.25 இன்ச் ஹர்மன் டச்ஸ்கிரீன், வயர்லெஸ் ஆப்பிள் கார்பிளே/ஆண்ட்ராய்டு ஆட்டோ, க்ரூஸ் கண்ட்ரோல், புஷ்-பட்டன் ஸ்டார்ட்-ஸ்டாப் ஆகியவை உள்ளன. டாப் வேரியண்ட்களில் 12.3 இன்ச் டச்ஸ்கிரீன், 10.25 இன்ச் டிஜிட்டல் டிரைவர் டிஸ்பிளே, பனோரமிக் சன்ரூஃப், 360 டிகிரி கேமரா, JBL சரவுண்ட் சிஸ்டம், ஆம்பியண்ட் லைட்டிங், சைகை மூலம் திறக்கும் பவர்டு டெயில்கேட் மற்றும் லெவல்-2 ஏடிஏஎஸ் ஆகிய நவீன வசதிகள் உள்ளன. அனைத்து மாடல்களிலும் 6 ஏர்பேக்குகள், 4 வீல்களுக்கும் டிஸ்க் பிரேக்குகள் மற்றும் ESP பாதுகாப்பிற்காக வழங்கப்பட்டுள்ளன.

இன்ஜின் விவரங்கள்

இதில் 1.2 லிட்டர் டர்போ பெட்ரோல், 1.2 லிட்டர் ஹைபரியன் டைரக்ட் இன்ஜெக்ஷன் டர்போ பெட்ரோல் மற்றும் 1.5 லிட்டர் கிரையோஜெட் டீசல் என 3 இன்ஜின் தேர்வுகள் உள்ளன. இவை 6 ஸ்பீடு மேனுவல் மற்றும் 7 ஸ்பீடு DCA (டூயல் கிளட்ச் ஆட்டோமேட்டிக்) கியர்பாக்ஸ் ஆப்ஷன்களுடன் வருகின்றன. இந்த செக்மெண்ட்டிலேயே முதல்முறையாக டீசல் இன்ஜினுடன் DCA ஆட்டோமேட்டிக் கியர்பாக்ஸ் வசதியையும் டாடா வழங்குகிறது.

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.