ஒரே சார்ஜில் 180 கி.மீட்டர் மைலேஜ்.. நாளை அறிமுகமாகிறது Simple Wave இ ஸ்கூட்டர்! விலை எவ்ளோ?

சிம்பிள் எனர்ஜி நிறுவனத்தின் புதிய இ ஸ்கூட்டரான Simple Wave நாளை அறிமுகமாகிறது.

சிம்பிள் எனர்ஜி Wave

Source : twitter

இந்தியாவில் மின்சார ஸ்கூட்டர்களின் எண்ணிக்கை நாளுக்கு நாள் அதிகரித்துக் கொண்டே வருகிறது. இந்தியாவில் வளர்ந்து வரும் இ ஸ்கூட்டர் நிறுவனங்களில் ஒன்று Simple Energy. நாட்டிலே அதிக மைலேஜ் அளிக்கும் இ ஸ்கூட்டர் தயாரித்துள்ள நிறுவனம் என்ற பெருமைக்குச் சொந்தமானது இந்த Simple Energy நிறுவனம்.

Simple Wave நாளை அறிமுகம்:

இவர்கள் இந்திய சந்தையில் புதியதாக அறிமுகப்படுத்த உள்ள நிறுவனம் Simple Wave. இவர்களின் இந்த புதிய இ ஸ்கூட்டர் அறிமுகமாகும் என்று கூறியது முதலே மிகப்பெரிய எதிர்பார்ப்பு  இருந்து வந்தது. இந்த நிலையில், இந்த Simple Wave இ ஸ்கூட்டர் நாளை இந்திய சந்தையில் அறிமுகமாகிறது. 

விலை எவ்ளோ?

இதன் விலை ரூபாய் 1.30 லட்சம் முதல் ரூபாய் 1.50 லட்சம் வரை இருக்கும் என்று எதிர்பார்க்கப்படுகிறது. இந்த இ ஸ்கூட்டர் ஒரு முறை சார்ஜ் செய்தால் 180 கி.மீட்டர் வரை மைலேஜ் அளிக்கும் ஆற்றல் கொண்டது. இந்த புதிய Simple Wave இ ஸ்கூட்டரில் ட்வின் ஷாக் அப்சார்பர் வசதி உள்ளது. சிம்பிள் ஒன் இ ஸ்கூட்டரில் மோனோஷாக் இருந்தது. அதற்கு பதிலாக தற்போது ட்வின்ஷாக் அபசார்பர் பயன்படுத்தப்படுகிறது. டிஎஃப்டி இன்ஸ்ட்ரூமென்ட் டிஸ்ப்ளே வசதி உள்ளது. 

எதிர்பார்ப்புகள்:

இதில் அதிகபட்மாக 80 கிலோமீட்டர் வேகத்தில் செல்லலாம் என்று கூறப்படுகிறது. நாளை அறிமுகமாக உள்ள இந்த Simple Wave இ ஸ்கூட்டர் பற்றி மற்ற தகவல்கள் ஏதும் பெரியளவில் வெளியாகவில்லை. இந்த இ ஸ்கூட்டர் இந்திய சந்தையில் மிகப்பெரிய அளவில் வி்ற்பனையாகும் என்று சிம்பிள் எனர்ஜி நிறுவனம் எதிர்பார்க்கிறது. 

இந்த இ ஸ்கூட்டர் ஏதர் ரிஸ்டா, டிவிஎஸ் ஐக்யூப் மற்றும் பஜாஜ் சேத்தக் ஆகிய இ ஸ்கூட்டர்களுக்கு மிகப்பெரிய போட்டியாக இருக்கும் என்று சிம்பிள் எனர்ஜி நிறுவனம் எதிர்பார்க்கிறது. அலாய் சக்கரங்கள்,  டெலிஸ்கோபிக் சஸ்பென்சன் பொருத்தப்பட்டுள்ளது. எல்இடி டூயல் முகப்பு விளக்குகள் பொருத்தப்பட்டுள்ளது. 

சிம்பிள் எனர்ஜி நிறுவனத்தின் இந்த இ ஸ்கூட்டர் மட்டுமின்றி விரைவில் சிம்பிள் எனர்ஜி அர்ரைவ் இ ஸ்கூட்டரும் அறிமுகமாக உள்ளது.