வீட்டிலேயே சார்ஜ் செய்யலாம்.. 140 கிமீ வரை பயணிக்கலாம்!" அசத்தல் அம்சங்களுடன் பட்ஜெட் எலக்ட்ரிக் ஸ்கூட்டர்கள்

இந்திய ஆட்டோ சந்தையில் எலக்ட்ரிக் ஸ்கூட்டர்கள் வெறும் 45,000 ரூபாய் முதல் கிடைக்கின்றன. அதிகபட்சமாக ஒரு லட்சம் ரூபாய்க்கு மேல் பல எலக்ட்ரிக் ஸ்கூட்டர்கள் விற்பனைக்கு உள்ளன.

எல்க்ட்ரிக் ஸ்கூட்டர்

மேற்கு ஆசியாவில் ஈரான் மற்றும் அமெரிக்கா இடையே போர் நடந்து வருகிறது. இது கச்சா எண்ணெய் இறக்குமதியில் கடுமையான பாதிப்பை ஏற்படுத்தியுள்ளது. மறுபுறம், சுற்றுச்சூழல் காரணங்களுக்காகவும் எரிபொருள் விலையை குறைக்கவும் மின்சார வாகனங்கள் மீது அதிக கவனம் செலுத்தப்படுகிறது.

இதனால்தான் கடந்த சில மாதமாக  எலக்ட்ரிக் ஸ்கூட்டர்களின் விற்பனை கணிசமாக அதிகரித்து வருகிறது. நல்ல ரேஞ்ச், குறைந்த விலை மற்றும் எளிதான பராமரிப்புடன் கூடிய பட்ஜெட் எலக்ட்ரிக் ஸ்கூட்டர்கள் ஆட்டோ சந்தையில் கிடைக்கின்றன. அதனால்தான் பட்ஜெட் பிரிவு எலக்ட்ரிக் ஸ்கூட்டர்கள் நகரப் பயணங்களிலும் இரண்டாம் நிலை நகரங்களிலும் அதிகளவில் பயன்படுத்தப்படுகின்றன.

தற்போது இந்திய ஆட்டோ சந்தையில் எலக்ட்ரிக் ஸ்கூட்டர்கள் வெறும் 45,000 ரூபாய் முதல் கிடைக்கின்றன. அதிகபட்சமாக ஒரு லட்சம் ரூபாய்க்கு மேல் பல எலக்ட்ரிக் ஸ்கூட்டர்கள் விற்பனைக்கு உள்ளன. பட்ஜெட் விலையில் கிடைக்கும் சில எலக்ட்ரிக் ஸ்கூட்டர்களின் விவரங்களை இங்கே தெரிந்து கொள்ளுங்கள்.

ஹீரோ விடா விஎக்ஸ்2

ஹீரோ மோட்டோகார்ப் நிறுவனத்திடம் கிடைக்கும் பட்ஜெட் ஈவி ஸ்கூட்டர்களின் பட்டியலில் ஹீரோ விடா விஎக்ஸ்2 (Hero Vida VX2) இடம் பெற்றுள்ளது. இது மிகவும் சிக்கனமான ஒரு தேர்வாகும். இதன் விலையை குறைக்க 'பேட்டரி-அஸ்-ஏ-சர்வீஸ்' (BaaS) போன்ற வசதியை நிறுவனம் வாடிக்கையாளர்களுக்கு வழங்குகிறது. இந்த வசதியின் மூலம் நீங்கள் குறைந்த விலையில் ஈவி ஸ்கூட்டரை வாங்க முடியும். பேட்டரிக்கு மட்டும் நீங்கள் தனியாக சந்தா (Subscription) எடுக்க வேண்டும். இதில் கழற்றி மாற்றக்கூடிய பேட்டரி வசதி உள்ளது.

அதாவது நீங்கள் பேட்டரியை வீட்டிற்கு எடுத்துச் சென்று சார்ஜ் செய்யலாம் அல்லது வெளியே உள்ள சார்ஜிங் நிலையங்களிலும் சார்ஜ் செய்து கொள்ளலாம். இந்த ஈவி சுமார் 140 கிலோமீட்டர் ரேஞ்ச் வழங்குகிறது. எனவே தினசரி பயணம் மேற்கொள்பவர்களுக்கு இது மிகவும் பொருத்தமானது. இந்த எலக்ட்ரிக் ஸ்கூட்டரின் விலை 44,990 ரூபாய் ஆகும்.

இதையும் படிங்க: கம்பீரத்தில் ராயல் என்ஃபீல்டிற்கு டஃப் கொடுக்கும் Yezdi Roadster! என்ன விலை? மைலேஜ் எப்படி?

டிவிஎஸ் ஐக்யூப்

இது தவிர டிவிஎஸ் நிறுவனத்தின் டிவிஎஸ் ஐக்யூப் (TVS iQube) வாடிக்கையாளர்களின் நம்பிக்கையைப் பெற்ற மற்றொரு எலக்ட்ரிக் ஸ்கூட்டராகும். இந்த ஸ்கூட்டரின் விலை சற்றே அதிகமாகத் தோன்றினாலும் இதன் தரம், சேவை நெட்வொர்க் மற்றும் மென்மையான பயணம் காரணமாக இதன் விற்பனை அதிகரித்து வருகிறது. இதில் 100 முதல் 200 கிலோமீட்டர் வரை ரேஞ்ச் கொடுக்கும் பல மாடல்கள் உள்ளன. பேட்டரி திட்டத்துடன் சேர்த்து இதன் ஆரம்ப விலை (எக்ஸ்-ஷோரூம்) 60,000 ரூபாய் ஆகும்.

ஓலா எஸ்1 இசட்

ஓலா எஸ்1 இசட் (Ola S1 Z) உட்பட ஓலா மற்றும் பிற எலக்ட்ரிக் ஸ்கூட்டர்கள் இந்த பிரிவில் பிரபலமான மாடல்களாக உள்ளன. இந்த ஈவியின் எக்ஸ்-ஷோரூம் விலை சுமார் 59,999 ரூபாய் முதல் தொடங்குகிறது. ஒருமுறை சார்ஜ் செய்தால் சுமார் 146 கிமீ ரேஞ்ச் கொடுக்கும் என்று நிறுவனம் கூறுகிறது. மேலும் டெலிவரி மற்றும் கிிக் தொழிலாளர்களுக்கான ஓலா கிக் (Ola Gig) வெறும் 49,999 ரூபாய்க்கு கிடைக்கிறது. கோமாகி எக்ஸ்ஜிடி கேஎம் மற்றும் கிரீன் ஈவி விஸ்டா போன்ற மாடல்களும் 55,000 முதல் 60,000 ரூபாய் விலையில் கிடைக்கின்றன.

ஏதர் ரிஸ்டா 

நீங்கள் சற்றே பிரீமியம் அனுபவத்தை விரும்பினால் ஏதர் எனர்ஜி நிறுவனத்தின் ஏதர் ரிஸ்டா (Ather Rizta) எலக்ட்ரிக் ஸ்கூட்டர் ஒரு சிறந்த தேர்வாகும். இந்த நிறுவனத்தின் ஸ்கூட்டர்கள் மேம்பட்ட தொழில்நுட்பம், ஸ்மார்ட் வசதிகள் மற்றும் சிறந்த செயல்திறனுக்காக அறியப்படுகின்றன. இதன் விலை (எக்ஸ்-ஷோரூம்) 76,000 ரூபாய் ஆகும். இந்த ஸ்கூட்டர் சிறந்த மென்பொருள், ஃபாஸ்ட் சார்ஜிங் மற்றும் கனெக்டட் வசதிகளுடன் வருகிறது.

பஜாஜ் சேத்தக்

பஜாஜ் ஆட்டோவின் பஜாஜ் சேத்தக் மற்றும் ஓலா ஸ்கூட்டர்களும் இந்த பிரிவில் மிகவும் பிரபலமானவை. இந்த எலக்ட்ரிக் ஸ்கூட்டர்கள் நல்ல டிசைன் மற்றும் நம்பகமான செயல்திறனுடன் வருகின்றன. சில என்ட்ரி லெவல் மாடல்கள் 70,000 ரூபாய்க்கும் குறைவான விலையில் கிடைக்கின்றன.