சிங்கிள் சார்ஜில் 156 கி.மீட்டர் மைலேஜ் மாமே.. Numeros இ ஸ்கூட்டர்கள் என்னென்ன? அதன் விலை என்ன?
Numeros நிறுவனத்தின் இ ஸ்கூட்டர்கள் என்னென்ன? அதன் விலை எவ்வளவு? என்பதை கீழே விரிவாக காணலாம்.
இந்தியாவில் மின்சார ஸ்கூட்டர்களின் எண்ணிக்கை நாளுக்கு நாள் அதிகரித்துக் கொண்டே இருக்கிறது. இந்திய சந்தையில் கால்தடம் பதிக்க பல்வேறு மின்சார வாகன தயாரிப்பு நிறுவனங்கள் ஆர்வம் காட்டி வருகின்றனர்.
அவற்றில் வளர்ந்து வரும் நிறுவனமாக திகழ்வது Numeros. இவர்களின் இ ஸ்கூட்டர்கள் என்னென்ன? அதன் மைலேஜ் என்னென்ன? என்பது குறித்து கீழே விரிவாக காணலாம்.
1. Numeros Diplos:
இந்த இ ஸ்கூட்டரில் மொத்தம் 2 வேரியண்ட் உள்ளது. முதல் வேரியண்ட் ப்ரோ ப்ளஸ். அதன் விலை ரூபாய் 1 லட்சத்து 49 ஆயிரத்து 588. அதில் 4.04 கிலோவாட் பேட்டரி பொருத்தப்பட்டுள்ளது. ஒரு முறை சார்ஜ் செய்தால் 156 கிலோமீட்டர் வரை மைலேஜ் அளிக்கிறது.
இரண்டாவது வேரியண்ட் மேக்ஸ் ப்ளஸ். அதன் விலை ரூபாய் 1 லட்சத்து 55 ஆயிரத்து 135. இதில் 4 கிலோவாட் பேட்டரி பொருத்தப்பட்டுள்ளது. இதுவும் ஒரு முறை சார்ஜ் செய்தால் 156 கி.மீட்டர் வரை மைலேஜ் அளிக்கிறது. இரண்டிலும் போர்ட்டபிள் பேட்டரி இரண்டு பொருத்தப்பட்டுள்ளது. அதிகபட்சமாக 70 கி.மீட்டர் வேகத்தில் செல்லலாம். இதன் எடை 140 கிலோ ஆகும். ஃபாஸ்ட் சார்ஜிங் வசதி உள்ளது. சிபிஎஸ் ப்ரேக்கிங் சிஸ்டம் உள்ளது. முன்பக்கமும், பின்பக்கமும் டிஸ்க் ப்ரேக் உள்ளது. அலாய் சக்கரங்கள் பொருத்தப்பட்டுள்ளது. டிஜிட்டல் டிஸ்ப்ளே வசதி உள்ளது.
2. Numeros n-First:
இந்த நிறுவனத்தின் மற்றொரு இ ஸ்கூட்டர் இந்த Numeros n-First. இதில் 3 வேரியண்ட் உள்ளது. முதல் வேரியண்ட் மற்றும் கடைசி வேரியண்டில் 3 கிலோவாட் பேட்டரி பொருத்தப்பட்டுள்ளது. இரண்டாவது வேரியண்டில் 2.5 கிலோவாட் பேட்டரி பொருத்தப்பட்டுள்ளது. 3 கிலோவாட் பேட்டரி பொருத்தப்பட்ட வேரியண்ட் ஒரு முறை சார்ஜ் செய்தால் 109 கிலோமீட்டர் வரை மைலேஜ் அளிக்கும். முதல் வேரியண்ட் ரூபாய் 1 லட்சத்து 26 ஆயிரத்து 219ம், 2வது வேரியண்ட் ரூபாய் 1 லட்சத்து 30 ஆயிரத்து 241க்கும் கடைசி வேரியண்ட் ரூபாய் 1 லட்சத்து 32 ஆயிரத்து 256க்கும் விற்கப்படுகிறது.
அதிகபட்சமாக 70 கிலோமீட்டர் வேகத்தில் செல்லும். 2.5 கிலோவாட் பேட்டரி பொருத்தப்பட்ட வேரியண்ட் 91 கிலோமீட்டர் வரை மைலேஜ் அளிக்கும். முதல் மற்றும் கடைசி வேரியண்டில் நார்மல்,எகோ மற்றும் ஸ்போர்ட் மோட் உள்ளது. இரண்டாவது வேரியண்டில் ஸ்போர்ட் மட்டும் கிடையாது. சிபிஎஸ் ப்ரேக்கிங் சிஸ்டம் உள்ளது. முன்பக்கமும், பின்பக்கமும் ட்ரம் ப்ரேக் பொருத்தப்பட்டுள்ளது.
எல்சிடி டிஸ்ப்ளே, ப்ளூடூத் வசதி, ஓடோமீட்டர், ஸ்பீடோமீட்டர் டிஜிட்டலில் உள்ளது. ஸ்டாண்ட் அலார்ம், லோ பேட்டரி இண்டிகேட்டர் வசதியும் உள்ளது.
வீட்டில் உள்ள முதியவர்கள், பெண்கள் என அனைவரும் ஓட்டுவதற்கு எளிதான வகையில் வடிவமைக்கப்பட்டுள்ள இந்த இ ஸ்கூட்டர்கள் விற்பனை இந்தியாவில் ஓரளவு நல்ல வகையில் உள்ளது.
தலைப்பு செய்திகள்
ட்ரெண்டிங் செய்திகள்
