New Burgman Street Review: காண்போர் கவனத்தை ஈர்க்கிறதா சுசூகியின் புதிய பர்க்மேன் ஸ்ட்ரீட் 2026; முதல் பார்வை, ரிவ்யூவ் இதோ...
சுசூகியின் பர்க்மேன் ஸ்ட்ரீட் ஏற்கனவே அதற்கென தனி வாடிக்கையாளர்களை கொண்டுள்ளது. இப்போது, இந்த ஆண்டிற்கான புதிய பதிப்பை நிறுவனம் அறிமுகப்படுத்தியுள்ளது. அது எப்படி இருக்கிறது.? வாருங்கள் பார்க்கலாம்.
சுசூகியின் மேம்படுத்தப்பட்ட பர்க்மேன் ஸ்ட்ரீட் வந்துவிட்டது. இதில் நிச்சயமாக சில குறிப்பிடத்தக்க மாற்றங்கள் உள்ளன. மேக்ஸி ஸ்கூட்டர் தீம் அப்படியே இருந்தாலும், புதிய LED ஹெட்லைட், டெயில் லேம்ப் மற்றும் புதிய தோற்றமுடைய முன்பக்கத்துடன், இதன் தோற்றம் புதிதாக உள்ளது. விண்ட்சீல்டில் அடர் நிற எஃபெக்ட் கொடுக்கப்பட்டுள்ளது. மேலும், டாப்-எண்டில் உள்ள காப்பர் ஹைலைட்கள் ஒரு ப்ரீமியம் தோற்றத்தை அளிக்கின்றன.
இதன் வடிவமைப்பு அபாரமாகவும் தனித்துவமாகவும் இருப்பதுடன், சற்று ப்ரீமியம் தோற்றத்தையும் அளிக்கிறது. மேலும், இதன் அளவு காரணமாக, மற்ற ப்ரீமியம் ஸ்கூட்டர்களை விட, இது சாலையில் அதிக கவனத்தை ஈர்க்கிறது.
அம்சங்கள் மற்றும் எஞ்சின் மேம்படுத்தல்கள்
மற்றபடி, புதிய பர்க்மேன் ஸ்ட்ரீட் மாடலில் கூடுதல் அம்சங்களும் தொழில்நுட்பமும் இடம்பெற்றுள்ளன. இதில், படிப்படியான வழிசெலுத்தல் வசதியுடன் கூடிய புதிய 4.2-அங்குல TFT டிஸ்ப்ளே மற்றும் டாப்-எண்ட் வேரியன்ட்களுக்கு இப்போது கீலெஸ் இக்னிஷன் ஆகியவையும் அடங்கும். இருக்கை மற்றும் எரிபொருள் மூடிக்கும் கீலெஸ் ரிமோட் கண்ட்ரோல் வசதி உள்ளது.
எரிபொருள் கொள்ளளவு அப்படியே இருந்தாலும், சேமிப்பு அளவு 21.5 லிட்டரிலிருந்து 24.6 லிட்டராக மேம்படுத்தப்பட்டுள்ளது. இயந்திர ரீதியாக, 500 கிராம் எடையை குறைத்து, முறுக்கு விசையின் கடினத்தன்மையை அதிகரிக்கும் ஒரு புதிய பிளாட்ஃபார்ம் இதில் உள்ளது. தரை இடைவெளி(Ground Clearance) 160 மிமீ ஆகும்.
8.3 bhp திறன் கொண்ட 124cc சிங்கிள்-சிலிண்டர் என்ஜின் தொடர்கிறது. அதே சமயம், CVT மேம்படுத்தப்பட்டுள்ளது. 1.13 லட்சம் ரூபாய் என்ற விலையில், விலை அதிகமாக இருந்தாலும், புதிய பர்க்மேன் ஏராளமான அம்சங்களுடன் கூடிய ஒரு அழகான ப்ரீமியம் ஸ்கூட்டராக இருப்பதுடன், தற்போது சற்றே சிறந்த மதிப்பையும் வழங்குகிறது.
2018-ல் இந்த பர்க்மேன் ஸ்ட்ரீட் அறிமுகமானதிலிருந்து, இதுவரை 1.1 மில்லியனுக்கும், அதாவது 11 லட்சத்திற்கும் அதிகமான யூனிட்கள் விற்பனையாகி வெற்றி பெற்று வரும் இந்த ஸ்கூட்டரின் தற்போதைய அப்டேட், சில முக்கியமான மாற்றங்களைக் கொண்டுவந்திருக்கிறது. அதனால், இது ஸ்கூட்டர் பிரியர்களையும், அதே சமயம் சாலைகளில் செல்லும்போது காண்போரையும் கவரும் என்பதில் எந்த சந்தேகமும் இல்லை.
தலைப்பு செய்திகள்
ட்ரெண்டிங் செய்திகள்
