பஜாஜின் அப்டேட் Pulsar N250 SS பைக்! அப்படி இதுல என்ன ஸ்பெஷல் இருக்குது?
பஜாஜ் நிறுவனம் அறிமுகப்படுத்தியுள்ள N250 SS பைக்கின் புதிய சிறப்பம்சங்கள் என்னென்ன? என்பதை காணலாம்.
பஜாஜ் நிறுவனத்தின் இரு சக்கர வாகனங்களுக்கு என்று இந்தியாவில் மிகப்பெரிய வரவேற்பு உள்ளது. பஜாஜின் இரு சக்கர வாகனங்களிலே இந்தியாவில் மிகப்பெரிய வரவேற்பை பெற்ற இரு சக்கர வாகனம் Pulsar N250 SS.
இந்த Pulsar N250 SS பைக்கின் 2026ம் ஆண்டுக்கான அப்டேட் செய்யப்பட்ட பைக் அறிமுகப்படுத்தப்பட்டுள்ளது. இதில் உள்ள சிறப்பம்சங்கள், வசதிகள் என்னென்ன? என்பதை கீழே விரிவாக காணலாம்.
1. Six-Speed Gearbox:
பொதுவாக Pulsar N250 SS பைக்கில் 5 கியர்களே காணப்படும். ஆனால், இந்த புதிய Pulsar N250 SS பைக்கில் 6 கியர்கள் பொருத்தப்பட்டுள்ளது. இது நெடுஞ்சாலையில் எஞ்ஜினின் செயல்பாட்டையும், பைக்கும் சுமூகமாக செயல்பட பக்கபலமாக உள்ளது.
2. 4 Valve Engine:
ஏற்கனவே சந்தையில் இருந்த இந்த பைக்கில் எஞ்ஜின் 24.5 பிஎஸ் ஆற்றலும், 21.5 என்எம் டார்க் இழுதிறனும் கொண்டது. ஆனால், தற்போது அறிமுகப்படுத்தப்பட்டுள்ள 4 வால்வு எஞ்ஜின் 25 பிஎஸ் குதிரை ஆற்றலும், 22 என்எம் டார்க் இழுதிறனும் கொண்டது. இது எஞ்ஜின் ஆற்றலை மேலும் மெருகேற்றும்.
3. Quickshifter:
இதில் உள்ள 6 கியர்கள் எஞ்ஜின் சுமூகமாக செயல்பட உதவியாக உள்ளது. மேலும், கியர்கள் எந்தவித தடங்கலும் இல்லாமல் சிரமமில்லாமல் மாறுவதற்கு பக்கபலமாக உள்ளது.
4. New 5-Inch TFT:
இந்த பைக்கில் புதிய 5 இன்ச் டிஎஃப்டி டிஸ்ப்ளே பொருத்தப்பட்டுள்ள. ஏற்கனவே இருந்த பைக்குகளில் எல்சிடி இன்ஸ்ட்ரூமென்ட் டிஸ்ப்ளே இருந்தது. தற்போதைய இந்த புதிய இன்ஸ்ட்ரூமென்ட் கன்சோலால் கூகுள் மேப் வசதியும் கிடைத்துள்ளது.
5. ETB Ride Modes:
இந்த புதிய N250 SS பைக்கில் எலக்ட்ரானிக் த்ரோட்டில் பாடி வசதி உள்ளது. இந்த தொழில்நுட்ப மாற்றம் பைக்கிற்கு மிகப்பெரிய பலமாக அமைந்துள்ளது. வழக்கமான N250 SS பைக்கில் இருப்பதைக் காட்டிலும் இந்த தொழில்நுட்பத்தால் இந்த பைக்கின் செயல்பாடு மிகவும் செளகரியமாக மாற்றப்பட்டுள்ளது.
இது மட்டுமின்றி அட்ஜஸ்டெபிள் லெவர்ஸ், பேனிக் ப்ரேக் அலர்ட், யுஎஸ்பி டைப் சி சார்ஜர் வசதி, ஹசார்ட் சுவிட்ச் வசதியும் இந்த புதிய பைக்கில் பொருத்தப்பட்டுள்ளது. இது வாடிக்கையாளர்களுக்கு செளகரியமாக அமைந்துள்ளது.
விலை எவ்ளோ?
இந்திய சந்தையில் நேற்று புதியதாக அறிமுகப்படுத்தப்பட்ட இந்த அப்டேட் N250 SS பைக்கின் ஆன்ரோட் விலை ரூபாய் 1 லட்சத்து 91 ஆயிரத்து 354 ஆகும். இதில் 249 சிசி எஞ்ஜின் பொருத்தப்பட்டுள்ளது. கருப்பு, நீலம், சிவப்பு மற்றும் வெள்ளை நிறங்களில் இந்த பைக் உள்ளது. 1 கியர் கீழேவும், 5 கியர் மேலேவும் இயக்க வேண்டும். முன்பக்கமும், பின்பக்கமும் டிஸ்க் ப்ரேக் பொருத்தப்பட்டுள்ளது.
அலாய் சக்கரங்கள் பொருத்தப்பட்டுள்ளது. அப்சைட் டவுன் ஃபோர்க்ஸ் முன்பக்க சஸ்பென்சன் பொருத்தப்பட்டுள்ளது. மோனோஷாக் சஸ்பென்சன் பொருத்தப்பட்டுள்ளது. ட்ராக்ஷன் கன்ட்ரோல் வசதி உள்ளது. செல்ஃப் ஸ்டார்ட் வசதி உள்ளது.
தலைப்பு செய்திகள்
ட்ரெண்டிங் செய்திகள்
