மாருதி செலிரியோ கார் வாங்க மாதச் சம்பளம் எவ்வளவு இருக்க வேண்டும்? - முழுமையான விவரம்

கார் வாங்கும்போது நிபுணர்கள் 20/4/10 என்ற விதியைப் பரிந்துரைக்கின்றனர். அதாவது, காரின் ஆன்-ரோடு விலையில் குறைந்தது 20% முன்பணம் செலுத்த வேண்டும்.

மாருதி செலரியோ

சொந்தமாக ஒரு கார் வாங்கி குடும்பத்துடன் பயணிக்க வேண்டும் என்பது பலரின் கனவு. ஆனால், வாகனங்களின் விலை கடுமையாக உயர்ந்துள்ள நிலையில், நடுத்தர வர்க்கத்தினருக்கு குறைந்த விலையில் கிடைக்கும் சிறந்த தேர்வாக மாருதி சுசுகி செலிரியோ (Maruti Celerio) உள்ளது. இதன் சிறப்பான வடிவமைப்பு மற்றும் லிட்டருக்கு 25 - 26 கி.மீ வரையிலான சிறந்த மைலேஜ் காரணமாக இது மக்களிடையே நல்ல வரவேற்பைப் பெற்றுள்ளது.

விலை விவரங்கள்

மாருதி செலிரியோவின் எக்ஸ் ஷோரூம் விலை ரூ.4.70 லட்சம் முதல் ரூ.6.75 லட்சம் வரை நிர்ணயிக்கப்பட்டுள்ளது. இதன் பேஸ் LXi மாடலின் ஆன் ரோடு விலை தோராயமாக ரூ.5.10 லட்சமாகவும், ஆட்டோமேட்டிக் மற்றும் சிஎன்ஜி  வசதி கொண்ட டாப் மாடலின் ஆன்-ரோடு விலை ரூ.7.55 லட்சமாகவும் உள்ளது.

கார் வாங்குவதற்கான 20/4/10 விதி

கார் வாங்கும்போது நிபுணர்கள் 20/4/10 என்ற விதியைப் பரிந்துரைக்கின்றனர். அதாவது, காரின் ஆன்-ரோடு விலையில் குறைந்தது 20% முன்பணம் செலுத்த வேண்டும், கடன் காலத்தை 4 அல்லது 5 ஆண்டுகளாக வைத்துக்கொள்ள வேண்டும், மற்றும் மாதத்தவணை உங்களின் கைமேல் கிடைக்கும் சம்பளத்தில் 10 முதல் 15 சதவீதத்திற்குள் மட்டுமே இருக்க வேண்டும்.

பேஸ் மாடல் (Base Model) கணக்கீடு

ரூ.5.10 லட்சம் மதிப்புள்ள பேஸ் LXi மாடலுக்கு, 20% முன்பணமாக ரூ.1.02 லட்சம் செலுத்தினால், மீதமுள்ள ரூ.4.08 லட்சத்திற்கு வங்கி மூலம் கடன் பெற வேண்டும். 9.5% வட்டி விகிதத்தில் 5 ஆண்டுகளுக்குக் கணக்கிட்டால், மாத இஎம்ஐ ரூ.8,560 வரும். எனவே, மாதச் சம்பளம் ரூ.30,000 முதல் ரூ.35,000 வரை பெறுபவர்கள் எந்தச் சிரமமுமின்றி இந்த மாடலை வாங்கலாம்.

டாப் மாடல் (Top Model) கணக்கீடு

ZXi+ AMT அல்லது சிஎன்ஜி வேரியண்டின் ஆன்-ரோடு விலை ரூ.7.54 லட்சம். இதற்கு 20% முன்பணமாக ரூ.1.50 லட்சம் செலுத்தினால், ரூ.6.03 லட்சம் கடனாகப் பெற வேண்டும். இதற்கு 5 ஆண்டுகளுக்கு 9.5% வட்டி விகிதத்தில் மாத இஎம்ஐ ரூ.12,660 வரும். இந்தத் தவணையைச் செலுத்த உங்களின் மாதச் சம்பளம் ரூ.45,000 முதல் ரூ.50,000 வரை இருக்க வேண்டும்.

பராமரிப்புச் செலவுகள்

மாதம் 800 முதல் 1000 கி.மீ பயணம் செய்தால், பெட்ரோல் செலவு ரூ.3,000 - ரூ.4,000 வரை ஆகும். ஆண்டு இன்சூரன்ஸ் மற்றும் சர்வீஸ் செலவு மாதம் ரூ.1,000 என கணக்கிட்டால், இஎம்ஐ (ரூ.8,560) தொகையுடன் சேர்த்து மாதம் தோராயமாக ரூ.12,500 முதல் ரூ.13,500 வரை செலவாகும். எனவே, உங்களின் சம்பளம், சேமிப்பு மற்றும் மாதாந்திர செலவுகளைக் கணக்கிட்டு சரியான மாடலைத் தேர்வு செய்வது அவசியம்.