Maruti Brezza CNG EMI: குறைந்த விலையில் அதிக மைலேஜ் தரும் Maruti Brezza CNG வாங்க மாதம் EMI, Down payment எவ்வளவு கட்ட வேண்டும்?
Maruti Brezza CNG on EMI: மாருதி பிரெஸ்ஸா CNG காரை லோனில் வாங்கினால் மாதம் EMI மற்றும் முன்பணம் செலுத்தும் விவரங்களை இங்கே காணலாம்.
குறைந்த விலையில் நல்ல மைலேஜ் தரும் காரை வாங்க திட்டம் இருந்தால் Maruti Brezza CNG வேரியண்ட் உங்களுக்கு ஒரு நல்ல சாய்ஸ் ஆக இருக்கலாம். மாருதி பிரெஸ்ஸா சிஎன்ஜிக்கான தேவை தொடர்ந்து அதிகரித்து வருகிறது. முழு தொகையை செலுத்துவதற்குப் பதிலாக லோன் மூலம் இந்த காரை வாங்கினால், எவ்வளவு முன்பணம் கட்ட வேண்டும், எவ்வளவு EMI செலுத்த வேண்டும் என்பதை தெரிந்து கொள்ள வேண்டும்.
Maruti Brezza CNG ஆன்-ரோடு விலை என்ன?
மாருதி சுஸுகி பிரெஸ்ஸா CNG LXi CNG வகையின் ஆரம்ப எக்ஸ்-ஷோரூம் விலை சுமார் ரூ. 9.16 லட்சம். இது நகரங்களுக்கு நகரம் மாறுபடும். RTO கட்டணங்கள், இன்ஸூரன்ஸ் மற்றும் பிற கட்டணங்கள் உட்பட மாருதி சுஸுகி பிரெஸ்ஸா டெல்லியில் சுமார் ரூ. 11,11,929 (11 லட்சத்து 11 ஆயிரம்) ஆன்-ரோடு விலையில் இருக்கும்.
ஒவ்வொரு மாதமும் எவ்வளவு EMI செலுத்த வேண்டும்?
இந்த காரை வாங்கும்போது ரூ.1 லட்சம் முன்பணம் செலுத்தினால், சுமார் ரூ.10 லட்சம் கார் லோன் வாங்க வேண்டியிருக்கும். இந்த கடனை ஆண்டுக்கு 9 சதவீத வட்டி விகிதத்தில் 5 வருட காலத்திற்கு வங்கியில் பெற்றால், ஒவ்வொரு மாதமும் சுமார் ரூ.20 ஆயிரம் EMI செலுத்த வேண்டும்.
Maruti Brezza CNG பவர்டிரெய்ன்
மாருதி பிரெஸ்ஸா CNG பவர் மற்றும் எஞ்சின், 1.5 லிட்டர் எஞ்சின் கொண்டுள்ளது. இது பெட்ரோல் மற்றும் CNG ஆப்ஷன்களில் கிடைக்கிறது. இந்த வாகனத்தில் 5-ஸ்பீடு மேனுவல் கியர்பாக்ஸ் மற்றும் 6-ஸ்பீடு ஆட்டோமேட்டிக் டிரான்ஸ்மிஷன் ஆப்ஷன் உள்ளது. பெட்ரோலில், இந்த எஞ்சின் சுமார் 99 bhp பவரையும் 136 Nm டார்க்கையும் உற்பத்தி செய்கிறது.
CNG முறையில், இதன் பவர் சுமார் 86 bhp ஆக சற்று குறைக்கப்படுகிறது. இதன் டார்க் சுமார் 121.5 Nm இல் உருவாக்கப்படுகிறது. எனவே, குறைந்த விலையில் அதிக மைலேஜ் தரும் SUV வாங்க விரும்புவோருக்கு, மாருதி பிரெஸ்ஸா CNG சிறந்த விருப்பங்களில் ஒன்றாக கருதப்படுகிறது. வாடிக்கையாளர்களின் நல்ல வரவேற்பு காரணமாக இந்த மாருதி கார் சந்தையில் நன்றாக விற்பனையாகிறது.
தலைப்பு செய்திகள்
ட்ரெண்டிங் செய்திகள்
