ரூ.3.5 லட்சத்தில் கார் வாங்க போறீங்களா? மைலேஜ், விலையில் மிடில் கிளாஸ் பேமிலிக்கு எது பெஸ்ட் கார்?
Maruti Alto K10 vs S-Presso விலை, இன்ஜின், மைலேஜ், பூட் ஸ்பேஸ், அம்சங்கள் & பாதுகாப்பில் எந்த கார் சிறந்தது என்பதை முழுமையான ஒப்பீட்டில் அறிந்துகொள்ளுங்கள்.
Maruti Alto K10 vs Maruti S Presso: மாருதி சுஸுகி கார்களில் மிகக் குறைந்த பட்ஜெட்டில் வாங்கக்கூடிய ஹாட்ச்பேக்குகள் Alto K10 & S-Presso. தினசரி ஓட்டத்துக்கு இந்த இரண்டு கார்களும் பொருத்தமானவை. இரண்டின் விலைகளும் அருகருகே இருந்தாலும்.. வடிவமைப்பு, மைலேஜ், பூட் ஸ்பேஸ், ஓட்டும் நிலை ஆகியவற்றில் சில வேறுபாடுகள் உள்ளன.
விலை
Alto K10 எக்ஸ்-ஷோரூம் விலை சுமார் ரூ.3.70 லட்சம் முதல் ரூ.5.45 லட்சம் வரை உள்ளது. S-Presso விலை சுமார் ரூ.3.50 லட்சம் முதல் ரூ.5.25 லட்சம் வரை உள்ளது. அதாவது தொடக்க விலையில் S-Presso சுமார் ரூ.20,000 வரை குறைவாக உள்ளது.
இன்ஜின்
இரண்டு கார்களுக்கும் பெரிய வித்தியாசம் இல்லை. இரண்டிலும் 998 சிசி, 1.0 லிட்டர் K10C, 3-சிலிண்டர் பெட்ரோல் இன்ஜின் உள்ளது. Alto K10 அதிகபட்சமாக 68 பிஹெச்பி பவர் & 91.1 என்எம் டார்க் வழங்குகிறது. S-Presso 68 பிஹெச்பி பவர் & 89 என்எம் டார்க் வழங்குகிறது.
மைலேஜ்
Alto K10க்கு சிறிய முன்னிலை உள்ளது. பெட்ரோல் வெர்ஷனில் Alto K10 24.39 கிலோமீட்டர் வரை மைலேஜ் தருகிறது. S-Presso 24.12 கிலோமீட்டர் வரை தருகிறது. CNG வெர்ஷன்களிலும் Alto K10 33.85 கிலோமீட்டர், S-Presso 32.73 கிலோமீட்டர் மைலேஜ் வழங்குகின்றன.
அளவுகள் & வடிவமைப்பு
இரண்டு கார்களும் வேறுபட்டவை. Alto K10 பாரம்பரிய சிறிய ஹாட்ச்பேக் வடிவமைப்பில் உள்ளது. S-Presso உயரமான உடலமைப்புடன் மைக்ரோ SUV போன்ற தோற்றம் கொண்டது. இதனால் S-Pressoவில் ஓட்டுநருக்கு சற்றே உயரமான ஓட்டும் நிலை கிடைக்கிறது.
பூட் ஸ்பேஸ்
இந்த விஷயத்தில் S-Presso முன்னிலையில் உள்ளது. இதில் 240 லிட்டர் பூட் ஸ்பேஸ் உள்ளது. Alto K10வில் 214 லிட்டர் திறன் உள்ளது. குடும்பத்துடன் பயணம் செய்பவர்களுக்கு S-Pressoவின் கூடுதல் இடம் பயனுள்ளதாக இருக்கும்.
அம்சங்கள்
இரண்டு கார்களின் டாப் வேரியண்ட்களில் 7 அங்குல டச் ஸ்கிரீன் இன்ஃபோடெயின்மென்ட் சிஸ்டம், Apple CarPlay & Android Auto போன்ற வசதிகள் உள்ளன. பாதுகாப்புக்காக டூயல் ஏர்பேக்குகள், ABS, EBD, ரிவர்ஸ் பார்க்கிங் சென்சார்கள் போன்ற அம்சங்கள் கிடைக்கின்றன.
கார் தேர்வு முழுவதும் உங்கள் தேவைகள், விருப்பங்களைப் பொறுத்தது. குறைந்த விலை, நல்ல மைலேஜ், நகர ஓட்டத்துக்காக தேடுகிறீர்கள் என்றால் Alto K10 தேர்வு செய்யலாம். அதிக பூட் ஸ்பேஸ் & SUV போன்ற வடிவமைப்பு வேண்டும் என்றால் S-Pressoவை வாங்கலாம்.
தலைப்பு செய்திகள்
ட்ரெண்டிங் செய்திகள்
