சிட்டியில் சிட்டாய் பறக்க.. Lectrix LXS 3.0 இ ஸ்கூட்டர் வாங்கலாமா? ரேட், மைலேஜ் இதான் மக்களே!

Lectrix LXS 3.0 இ ஸ்கூட்டரின் விலை, தரம், மைலேஜ் ஆகியவை குறித்து கீழே விரிவாக காணலாம்.

Lectrix LXS 3.0 இ ஸ்கூட்டர்

Source : twitter

இந்தியாவில் பெட்ரோல், டீசல் வாகனங்களுக்கு மாற்றாக மின்சார வாகனங்களைப் பயன்படுத்துபவர்களின் எண்ணிக்கை நாளுக்கு நாள் அதிகரித்து வருகிறது. இந்தியாவில் மின்சார ஸ்கூட்டர்கள் பயன்படுத்துபவர்களின் எண்ணிக்கை மிக அதிகளவில் அதிகரித்துள்ளது. 

Lectrix LXS 3.0:

ஓலா, ஏதர் போன்ற நிறுவனங்கள் இந்தியாவில் மின்சார வாகனங்கள் முன்னணியில் இருந்து வருகின்றனர். இவர்களுக்கு போட்டியாக Lectrix நிறுவனம் உள்ளது. இவர்களின் Lectrix LXS 3.0 இ ஸ்கூட்டரின் விலை, தரம், மைலேஜ் குறித்து கீழே விரிவாக காணலாம்.

விலையும், மைலேஜும் எப்படி?

இந்த Lectrix LXS 3.0 இ ஸ்கூட்டரின் விலை ரூபாய் 93 ஆயிரத்து 560 ஆகும். இதில் ஒரே ஒரு வேரியண்ட் மட்டுமே உள்ளது. இதை ஒரு முறை சார்ஜ் செய்தால் 120 கிலோமீட்டர் வரை செல்லலாம். இதில் அதிகபட்சமாக மணிக்கு 54 கிலோமீட்டர் வேகத்தில் செல்லலாம். இந்த இ ஸ்கூட்டரின் எடை 134 கிலோ கொண்டது. 

இது மொத்தம் 5 வண்ணங்களில் உள்ளது. பச்சை, கருப்பு, வெள்ளை, நீலம் மற்றும் சிவப்பு வண்ணங்களில் இந்த இ ஸ்கூட்டர் விற்பனைக்கு வருகிறது. இதில் 3 கிலோவாட் பேட்டரி பொருத்தப்பட்டுள்ளது. எகோ மற்றும் பவர் மோட் உள்ளது. இது இந்த வண்டியிலே நிரந்தரமாக பொருத்தப்பட்டிருக்கும். லித்தியம் அயன் பேட்டரி இதுவாகும்.

வசதிகள்:

இதை சார்ஜ் செய்வதற்கு 3.5 மணி நேரம் ஆகும். போர்டபிள் சார்ஜர் வகையைச் சேர்ந்தது ஆகும். சிபிஎஸ் ப்ரேக்கிங் சிஸ்டம் வசதி கொண்டது. ட்ரம் ப்ரேக் முன்பக்கமும், பின்பக்கமும் உளளது. இதன் சக்கரம் ஸ்டீலால் ஆனது. முன்பக்கமும், பின்பக்கமும் சக்கரங்கள் 10 இன்ச் கொண்டது. ட்யூப்லஸ் டயர் பொருத்தப்பட்டுள்ளது.

முன்பக்கம் டெலிஸ்கோபிக் சஸ்பென்சனும், பின்பக்கம் டூயல் காயல் ஸ்ப்ரிங் சஸ்பென்சன் வசதியும் கொண்டது.- 810 மில்லி மீட்டர் உயரம் கொண்டது. இதில் 155 கிலோ எடை வரை கொண்டு செல்லலாம். 145 மி.மீட்டர் கிரவுண்ட் கிளியரன்ஸ் வசதி கொண்டது. டிஜிட்டல் டிஸ்ப்ளே வசதி கொண்டது. ப்ளூடூத் வசதி, ஜிபிஎஸ் வசதி இதில் கிடையாது.

யுஎஸ்பி சார்ஜிங் வசதி கொண்டது. செல்ஃப் ஸ்டார்ட் வசதி கொண்டது. ஸ்டார்ட், ஸ்டாப் பட்டன் வசதியும் உள்ளது. பேட்டரி எவ்வளவு இருப்பில் உள்ளது என்பதை காணும் வசதி கொண்டது. ஹாலோஜன் முகப்பு விளக்குகள் இதில் உள்ளது. நெருக்கடியான நகர்ப்புற போக்குவரத்திற்கு இந்த வாகனம் உகந்ததாக இருக்கும் என்று கருதப்படுகிறது. பெண்கள், முதியவர்கள், இளைஞர்கள் என அனைத்து தரப்பினரும் பயன்படுத்தும் வகையில் இந்த இ ஸ்கூட்டரை வடிவமைத்துள்ளனர்.