ஒரே சார்ஜில் 520 கி.மீட்டர் மைலேஜ்... தொடங்கியது Kia Syros EV காரின் முன்பதிவு - விலை எவ்ளோ?
Kia Syros EV மின்சார கார் அடுத்த வாரம் அறிமுகமாக உள்ள நிலையில், அதற்கான முன்பதிவு தொடங்கப்பட்டுள்ளது.
இந்தியாவில் மிகவும் புகழ்பெற்ற கார் நிறுவனமாக திகழ்வது கியா. கியாவின் கார்களுக்கு என்று இந்தியாவில் மிகப்பெரிய வரவேற்பு உள்ளது.
Kia Syros EV:
இந்தியாவில் மின்சார கார்களுக்கு என்று மிகப்பெரிய வரவேற்பு உள்ளது. கியா நிறுவனமும் மின்சார கார்கள் தயாரிப்பிற்கு முக்கியத்துவம் அளித்து வருகிறது. இந்த சூழலில் Kia நிறுவனம் Syros EV காரை அறிமுகப்படுத்துகிறது.
526 கி.மீட்டர் மைலேஜ்:
இந்த Kia Syros EV கார் பல்வேறு வசதிகளுடன் அறிமுகப்படுத்தப்பட உள்ளது. இந்த காரில் இரண்டு வேரியண்ட் வர உள்ளது. ஒரு வேரியண்ட் 42 கிலோவாட் மற்றும் மற்றொரு வேரியண்ட் 51.4 கிலோவாட் பேட்டரி பொருத்தப்பட்டுள்ளது. 42 கிலோவாட் பேட்டரி பொருத்தப்பட்ட காரில் 443 கிலோமீட்டர் வரை மைலேஜ் அளிக்கிறது. 51.4 கிலோவாட் பேட்டரி பொருத்தப்பட்ட காரில் 526 கிலோமீட்டர் வரை மைலேஜ் அளிக்கிறது.
முன்பதிவு தொடக்கம்:
இந்த காரின் முன்பதிவு இன்று தொடங்கப்பட்டுள்ளது. இந்த காரின் விலை ரூபாய் 14 லட்சம் முதல் ரூபாய் 20 லட்சம் வரை இருக்கும் என்று கணிக்கப்பட்டுள்ளது. 171 பிஎஸ் ஆற்றல் கொண்டது. இந்த கார் 8.1 நொடிகளில் 100 கிலோமீட்டர் வேகத்தை எட்டிவிடும். இந்த கார் 10 முதல் 80 சதவீதம் வரை 39 நிமிடங்களில் 100 கிலோவாட் டிசி ஃபாஸ்ட் சார்ஜரில் எட்டி விடுகிறது. இந்த காரில் ஐ பெடல் சிங்கிள் பெடல் ட்ரைவிங் உள்ளது. டிஜிட்டல் கீ, விர்ச்சுவல் எஞ்ஜின் சவுண்ட் சிஸ்டம் உள்ளது.
42 கிலோவாட் பேட்டரி பொருத்தப்பட்ட Kia Syros EV காரில் HTK, HTK+ மற்றும் HTX ஆகிய வேரியண்ட்கள் உள்ளது. 51.4 கிலோவாட் பேட்டரி பொருத்தப்பட்ட காரில் HTK+ ER, HTX ER, HTX+ ER மற்றும் X-Line ER ஆகிய வேரியண்ட் உள்ளது. எல்இடி முகப்பு விளக்குகள், பகலிலும் எரியும் விளக்குகள், எல்இடி முகப்பு விளக்குகள் பொருத்தப்பட்டுள்ளது. 17 இன்ச் அலாய் சக்கரங்கள் பொருத்தப்பட்டுள்ளது.
சிறப்புகள்:
இந்த காரில் 30 இன்ச் ட்ரினிட்டி பானோராமிக் டிஸ்ப்ளே வசதி உள்ளது. 12.3 இன்ச் டிஜிட்டல் இன்ஸ்ட்ரூமென்ட் கிளஸ்டர் பொருத்தப்பட்டுள்ளது. 12.3 இன்ச் தொடுதிரை இன்ஃபோடெய்ன்மென்ட் சிஸ்டம் உள்ளது. 5 இன்ச் கிளைமேட் கன்ட்ரோல் டிஸ்ப்ளே உள்ளது. வயர்லஸ் ஆன்ட்ராய்ட் ஆட்டோ, ஆப்பிள் கார்ப்ளே உள்ளது. கியா கனெக்ட் 2.0 அம்சத்தில் 95 சிறப்புகள் உள்ளது.
டூயல் பானோராமிக் சன்ரூஃப் வசதி உள்ளது. 64 நிறங்கள் ஆம்பியன்ட் லைட்டிங் உள்ளது. டூயல் கேமரா ஸ்மார்ட் டேஷ்கேம் வசதி உள்ளது. ரியர் சன்ஷேட் வசதி உள்ளது. போனட்டில் 16 லிட்டர் வசதி உள்ளது. லெவல் 2 அடாஸ் வசதி உள்ளது. ஸ்மார்ட் க்ரூஸ் கன்ட்ரோல் வித் ஸ்டாப் - கோ வசதி, லேன் கீப்பிங் அசிஸ்ட், லேன் ஃபாலோயிங் அசிஸ்ட், ஓட்டுநர் அட்டென்சன் வார்னிங் மற்றும் ஹை பீம் அசிஸ்ட் வசதிகள் உள்ளது.
வேரியண்ட்:
360 டிகிரி கேமரா வசதி உள்ளது. ப்ளைண்ட் வியூ மானிட்டர், ரிவர்ஸ் பார்க்கிங் காலிசன் அவாய்டன்ஸ் அசிஸ்ட், முன்பக்கம், பின்பக்கம் மற்றும் பக்கவாட்டு பார்க்கிங் சென்சார் வசதிகள் உள்ளது. பயணிகள் பாதுகாப்பிற்காக 6 ஏர்பேக்குகள், எலக்ட்ரானிக்ஸ் ஸ்டெபிளிட்டி கன்ட்ரோல், வாகன ஸ்டெபிளிட்டி மேனேஜ்மென்ட், ஹில் ஸ்டார்ட் அசிஸ்ட், டிஸ்க் ப்ரேக்குகள் வசதிகள் உள்ளது. டயர் ப்ரஸரிங் மானிட்டர் மற்றும் எலக்ட்ரானிக் பார்க்கிங் ப்ரேக் வித் ஆட்டோ ஹோல்ட் வசதி உள்ளது.
தலைப்பு செய்திகள்
ட்ரெண்டிங் செய்திகள்
