Kia Syros EV: ஒரே சார்ஜில் 400 கி.மீ மைலேஜ்; கியாவின் மலிவான சிரோஸ் EV அறிமுக தேதி வந்துடுச்சு.? விலை என்ன.?

இது இந்தியாவில் கியாவின் மிகவும் மலிவு விலை மின்சார SUV-யாக இருக்கும். இது டாடா நெக்ஸான் EV, மஹிந்திரா XUV 3XO EV மற்றும் எம்ஜி வின்ட்சர் EV போன்ற பிரபலமான எலக்ட்ரிக் கார்களுடன் நேரடியாக போட்டியிடும்.

கியா சிரோஸ் இவி அறிமுக தேதி, விலை என்ன.?

Source : Special arrangement

இந்தியாவில் மின்சார வாகனங்களுக்கான தேவை சீராக அதிகரித்து வரும் நிலையில், தற்போது கியா நிறுவனம் தனது புதிய மின்சார எஸ்யூவியான 'கியா சிரோஸ் ஈவி'-யை அறிமுகப்படுத்த தயாராகி வருகிறது. இந்நிறுவனம் இந்த மின்சார எஸ்யூவியை ஜூலை 23-ம் தேதி அன்று வெளியிடும் என எதிர்பார்க்கப்படுகிறது. இது இந்தியாவில் கியாவின் மிகவும் மலிவு விலை மின்சார எஸ்யூவியாக இருக்கும். மேலும், இது டாடா நெக்ஸான் ஈவி, மஹிந்திரா எக்ஸ்யூவி 3எக்ஸ்ஓ ஈவி மற்றும் எம்ஜி வின்ட்சர் ஈவி போன்ற பிரபலமான மின்சார கார்களுடன் நேரடியாக போட்டியிடும்.

காரின் வடிவமைப்பு எப்படி இருக்கும்.?

வடிவமைப்பைப் பொறுத்தவரை, கியா சிரோஸ் EV பெரும்பாலும் பெட்ரோல், டீசல் மாடலை ஒத்திருக்கும். ஆனால், அதற்கு ஒரு எலக்ட்ரிக் அடையாளத்தை வழங்குவதற்காக பல புதிய மாற்றங்கள் இடம்பெறும். இதில் முன்பக்க சார்ஜிங் போர்ட், புதிய ஏரோ-டிசைன் அலாய் வீல்கள், மேம்படுத்தப்பட்ட பம்பர்கள் மற்றும் கதவுகளுடன் சமமாகப் பொருந்தும் கைப்பிடிகள் இடம்பெறலாம். லைம் கிரீன் நிற பிரேக் காலிப்பர்கள் போன்ற ஸ்டைலிங் அம்சங்கள் இதற்கு ஒரு ஸ்போர்ட்டியான தோற்றத்தைக் கொடுக்கும். ஒட்டுமொத்தமாக, இந்த SUV ஒரு பெட்டி போன்ற, உறுதியான மற்றும் நவீன வடிவமைப்பை கொண்டிருக்கும்.

இந்த ப்ரீமியம் அம்சங்கள் EV-ல் கிடைக்கும்

இந்நிறுவனம், காரின் உட்புறத்தில் பல ப்ரீமியம் அம்சங்களை வழங்கவும் தயாராகி வருகிறது. இதில் ஒரு பெரிய தொடுதிரை இன்ஃபோடெயின்மென்ட் சிஸ்டம், டிஜிட்டல் இன்ஸ்ட்ரூமென்ட் கிளஸ்டர், வயர்லெஸ் ஃபோன் சார்ஜர், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே, காற்றோட்ட வசதியுள்ள முன் இருக்கைகள், பனோரமிக் சன்ரூஃப் மற்றும் ஒரு புதிய இன்டீரியர் தீம் ஆகியவை இடம்பெறும் என எதிர்பார்க்கப்படுகிறது.

பாதுகாப்பிற்காக, ADAS (மேம்பட்ட ஓட்டுநர் உதவி அமைப்பு), வெஹிக்கிள்-டு-லோட் (V2L) மற்றும் வெஹிக்கிள்-டு-வெஹிக்கிள் (V2V) போன்ற நவீன தொழில்நுட்பங்களும் இதில் இடம்பெறும் என எதிர்பார்க்கப்படுகிறது. இது அதன் பிரிவில் மிகவும் மேம்பட்ட SUV-களில் ஒன்றாக திகழ்கிறது.

செயல்திறன் மற்றும் ரேஞ்ச்

பேட்டரி மற்றும் பயண தூரத்தைப் பொறுத்தவரை, கியா சைரோஸ் EV ஆனது 42kWh மற்றும் 49kWh என இரண்டு பேட்டரி பேக் தேர்வுகளுடன் வரும் என எதிர்பார்க்கப்படுகிறது. முழுமையாக சார்ஜ் செய்யப்பட்ட நிலையில், இந்த எலக்ட்ரிக் SUV சுமார் 300 முதல் 400 கிலோமீட்டர் வரை பயணிக்கக்கூடிய ரேஞ்ச்-ஐ வழங்கும். இந்த பயண தூரம், அன்றாட நகரப் பயன்பாட்டிற்கும் நீண்ட தூரப் பயணத்திற்கும் அவசியமானதாக கருதப்படுகிறது.

காரின் விலை எவ்வளவு இருக்கலாம்.?

விலையைப் பொறுத்தவரை, கியா சிரோஸ் EV-யின் ஆரம்ப விலை சுமார் 15 லட்சம் ரூபாய் (எக்ஸ்-ஷோரூம்) ஆகவும், டாப் வேரியண்டின் விலை 20 லட்சம் ரூபாய் (எக்ஸ்-ஷோரூம்) வரையிலும் இருக்கலாம் என எதிர்பார்க்கப்படுகிறது. இந்த விலையில் அறிமுகப்படுத்தப்பட்டால், இது அம்சங்கள், வடிவமைப்பு மற்றும் ரேஞ்ச் ஆகியவற்றில் அதன் போட்டியாளர்களுக்கு சவாலாக அமையும். கியா சிரோஸ் இவி, வரும் 23-ம் தேதி வெளியாகும் என எதிர்பார்க்கப்படுகிறது. இருப்பினும், நிறுவனம் இன்னும் வெளியீட்டுத் தேதியையோ அல்லது விலையையோ அதிகாரப்பூர்வமாக அறிவிக்கவில்லை.

 

 

இதையும் படிக்க

டாடா சியரா EV வாங்க உங்களுக்கு எவ்வளவு சம்பளம் இருக்கணும் தெரியுமா.? மாசம் EMI எவ்ளோ.? முழு விவரம்