கம்பீரமான கவாஸ்கி.. Kawasaki W175 வாங்கி ஓட்டலமா? மைலேஜ், விலை இதுதான்!
கவாஸ்கி நிறுவனத்தின் Kawasaki W175 பைக்கின் விலை, தரம், மைலேஜ் குறித்து கீழே விரிவாக காணலாம்.
இந்தியாவில் ஹோண்டா, டிவிஎஸ் போன்ற நிறுவனங்கள் இருந்தாலும் கவாஸ்கி நிறுவனத்தின் வாகனங்களுக்கு இந்திய சந்தையில் நல்ல வரவேற்பு உள்ளது. கம்பீரமான பைக் மாடல்களைத் தயாரிப்பதில் கவாஸ்கி நிறுவனம் முக்கியமான நிறுவனமாக உள்ளது.
Kawasaki W175:
கவாஸ்கி நிறுவனத்தின் Kawasaki W175 பைக்கின் விலை, தரம், மைலேஜ்? எப்படி என்பதை கீழே விரிவாக காணலாம்.
இந்த Kawasaki W175 பைக்கில் மொத்தம் 4 வேரியண்ட்கள் உள்ளது.
1. W175 Candy Persimmon Red
2. W175 Ebony
3. W175 Metallic
4. W175 Alloy Wheel
விலை:
Kawasaki W175 பைக்கின் W175 Candy Persimmon Red விலை ரூபாய் 1 லட்சத்து 40 ஆயிரத்து 726 ஆகும்.
கவாஸ்கியின் W175 Ebony பைக்கின் ஆன்ரோட் விலை ரூபாய் 1 லட்சத்து 45 ஆயிரத்து 287 ஆகும்.
கவாஸ்கியின் W175 Metallic பைக்கின் ஆன்ரோட் விலை ரூபாய் 1 லட்சத்து 47 ஆயிரத்து 567.
கவாஸ்கியின் W175 Alloy Wheel ரூபாய் 1 லட்சத்து 52 ஆயிரத்து 127 ஆகும்.
மைலேஜ்:
இந்த பைக்கில் 177 சிசி திறன் கொண்ட எஞ்ஜின் பொருத்தப்பட்டுள்ளது. இந்த பைக்கில் 5 கியர்கள் உள்ளது. ராயல் என்ஃபீல்ட் போன்ற கம்பீரமான தோற்றம் கொண்ட இந்த பைக் மொத்தம் 135 கிலோ எடை கொண்டது. இந்த பைக்கில் 12 லிட்டர் வரை நிரப்பும் திறன் கொண்ட டேங்கர் உள்ளது. இந்த பைக் லிட்டருக்கு 40 கிலோமீட்டர் வரை மைலேஜ் தரும் ஆற்றல் கொண்டது.
அதிகபட்சமாக இந்த காரில் 110 கிலோமீட்டர் வேகத்தில் செல்லாம். 1 கியரை கீழே இறக்கியும், மற்ற 4 கியர்களை மேலே ஏற்றியும் போட வேண்டும். ட்யூப்லஸ் டயர்கள் பொருத்தப்பட்டுள்ளது. ட்ரம் ப்ரேக் பொருத்தப்பட்டுள்ளது. 30 ஆயிரம் கிலோமீட்டர் அல்லது 2 வருடம் வாரண்டி அளிக்கப்பட்டுள்ளது. ரிசர்வ்ட் எரிபொருள் திறன் 2.4 லிட்டராக உள்ளது. 165 மி.மீட்டர் கிரவுண்ட் கிளியரசன்ஸ் 165 மி.மீட்டராக உள்ளது.
சிறப்பம்சங்கள்:
செல்ஃப் ஸ்டார்ட் வசதி உள்ளது. யுஎஸ்பி சார்ஜிங் வசதி இதில் இல்லை. ஹாலோஜன் முகப்பு விளக்குகள் பொருத்தப்பட்டுள்ளது. மொத்தம் 6 வண்ணங்களில் இந்த இரு சக்கர வாகனங்கள் விற்கப்படுகிறது. 12.8 பிஎச்பி குதிரைத் திறனும், 13.2 என்எம் டார்க் இழுதிறனும் கொண்டுள்ளது. ராயல் என்பீல்ட் ஹண்டர் 350 மற்றும் டிவிஎஸ் ரோனினுக்கு போட்டியாக இந்த பைக் விற்பனையில் உள்ளது. இந்த கவாஸ்கி Kawasaki W175 பைக்கின் தோற்றம் ராயல் என்ஃபீல்ட் போன்று கம்பீரமாக இருந்தாலும் அதன் விற்பனை எதிர்பார்த்த அளவு நடக்கவில்லை என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
