Cheapest AT CNG Car: நாட்டின் மலிவான ஆட்டோமேடிக் CNG கார்கள் - 36KM வரையிலான மைலேஜ் உடன் க்ளட்ச் பிரச்னை ஓவர்
Cheapest AT CNG Car: மாருதி சுசூகியின் அதிரடியால் நாட்டின் மலிவான ஆட்டோமேடிக் சிஎன்ஜி கார் மாடல்களின் டாப் 5 பட்டியல் புத்துயிர் பெற்றுள்ளது.
Cheapest AT CNG Car: இந்திய ஆட்டோமொபைல் சந்தையில் மலிவான விலையில் கிடைக்கும் டாப் 5 ஆட்டோமேடிக் சிஎன்ஜி கார் மாடல்களின் விவரங்கள் கீழே பட்டியலிடப்பட்டுள்ளன.
மலிவு விலை ஆட்டோமேடிக் சிஎன்ஜி கார்கள்:
இந்தியாவில் கார் பயன்பாடு என்பது வேகமாக உயர்ந்து வரும் நிலையில், சிரமமமின்றி கையள ஏதுவான வாகனங்களுக்கான எதிர்பார்ப்பு என்பதும் தொடர்ந்து அதிகரித்து வருகிறது. அதோடு, பட்ஜெட்டில் நல்ல மைலேஜ் தரக்கூடிய ஒரு கார் என்பது நடுத்தர வர்கத்தை சேர்ந்தவர்களின் விருப்பமாக உள்ளது. ஆனால், இந்த கலவையில் ஒரு கார் கிடைப்பது என்பது சிரமமானதாகவே இருந்து வந்தது. ஆனால், அண்மையில் மாருதி நிறுவனம் வெளியிட்டுள்ள 3 கார் மாடல்கள், ஒட்டுமொத்த ஆட்டோமேடிக் சிஎன்ஜி கார் மாடல்களின் பிரிவையே புரட்டி போட்டுள்ளது. அந்த வகையில் இந்திய ஆட்டோமொபைல் சந்தையில் மலிவு விலையில் கிடைக்கக் கூடிய டாப் 5 ஆட்டோமேடிக் சிஎன்ஜி கார் மாடல்களின் விவரங்ள் கீழே பட்டியலிடப்பட்டுள்ளன.
டாப் 5 ஆட்டோமேடிக் சிஎன்ஜி கார்கள்:
1. டாடா டியாகோ iCNG :
டாடா டியாகோவின் iCNG ஆட்டோமேடிக் எடிஷனின் தொடக்கவிலை 7.13 லட்சம் (எக்ஸ்-ஷோரூம்) ஆகும். இதனால் இந்த பிரிவில் கிடைக்கும் மலிவான கார் என்ற பெருமை டியாகோவின் இந்த எடிஷனிற்கு உள்ளது. இந்த காம்பாக்ட் ஹேட்ச்பேக், 1.2-லிட்டர் இன்ஜின், 5-ஸ்பீட் AMT மற்றும் பூட் ஃப்ளோருக்கு அடியில் ஒரு நடைமுறைக்கு ஏற்ற இரட்டை-சிலிண்டர் CNG அமைப்பை கொண்டுள்ளது. இது நகர்ப்புறத்தில் 21 கிலோ மீட்டர் வரையிலும், நெடுஞ்சாலைகளில் 24 கிலோ மீட்டர் வரையிலும் மைலேஜ் வழங்குவதாக கூறப்படுகிறது. பாதுகாப்பு பரிசோதனையில் பெரியவர்கள் பிரிவில் 4 ஸ்டார் ரேட்டிங்கையும், சிறியவர்கள் பிரிவில் 3 ஸ்டார் ரேட்டிங்கையும் இது பெற்றுள்ளது.
2. மாருதி சுசூகி ஸ்விஃப்ட் CNG
மாருதி சுசூகி ஸ்விஃப்ட் மாடலின் புதிய CNG ஆட்டோமேடிக் வேரியண்ட் ரூ.7.92 லட்சம் (எக்ஸ்-ஷோரூம்) என்ற தொடக்க விலையில் கிடைக்கிறது. 1.2-லிட்டர் இன்ஜின் மூலம் இயக்கப்படும் இது, தினசரி பயணங்களுக்கு அதிக எரிபொருள் சிக்கனத்தை வழங்குகிறது. தேசிய அளவில் இந்த கார் பாதுகாப்பு பரிசோதனைக்கு உட்படுத்தப்படாவிட்டாலும், ஐரோப்பிய சந்தையில் 3 ஸ்டார் ரேட்டிங்கை பெற்றுள்ளது. கிலோவிற்கு 35 கிலோ மீட்டர் மைலேஜ் வழங்குவதாக மாருதி அறிவித்துள்ளது. ஸ்டேண்டர்டான ஸ்விஃப்டில் உள்ள அம்சங்கள், வசதிகள் அப்படியே தொடர்கின்றன.
3. டாடா டியாகோ NRG iCNG :
டாடா டியாகோ NRG iCNG எடிஷன் ரூ.8.15 லட்சம் (எக்ஸ்-ஷோரூம்) என்ற தொடக்க விலையில் கிடைக்கிறது. இது டியாகோவின் ஒரு உறுதியான க்ராஸ்-ஹேட்ச்பேக் மாடல் ஆகும். இதில் உயர்த்தப்பட்ட க்ரவுண்ட் க்ளியரன்ஸ் மற்றும் அதே CNG AMT பவர்டிரெய்ன் உள்ளது. பாதுகாப்பு அம்சங்கள் ஆகியவை ஒரே மாதிரியாக இருந்தாலும், நகரங்களில் 20 கிலோ மீட்டர் வரையிலும், நெடுஞ்சாலையில் 24 கிலோ மீட்டர் வரையிலும் மைலேஜ் வழங்குகிறதாம்.
4. மாருதி சுசுகி பலேனோ CNG
மாருதி சுசுகி பலேனோ ஆட்டோமேடிக் சிஎன்ஜி எடிஷனின் தொடக்க விலை ரூ.8.32 லட்சமாக (எக்ஸ்-ஷோரூம்) உள்ளது. மாருதியின் S-CNG தொழில்நுட்பத்துடன் இணைந்து, மென்மையான ஆட்டோமேட்டிக் அனுபவத்தை வழங்கும் ஒரு பிரீமியம் ஹேட்ச்பேக்காக பலேனோ உள்ளது. இது கிலோவிற்கு சுமார் 34 கிலோ மீட்டர் வரை மைலேஜ் வழங்கும் என அறிவிக்கப்பட்டுள்ளது. பாதுகாப்பு பரிசோதனையில் பெரியவர்கள் பிரிவில் 4 ஸ்டார் ரேட்டிங்கையும், சிறியவர்கள் பிரிவில் 3 ஸ்டார் ரேட்டிங்கையும் இது பெற்றுள்ளது. ஸ்டேண்டர்டான பலேனோவில் உள்ள அம்சங்கள், வசதிகள் அப்படியே தொடர்கின்றன.
5. டாடா பஞ்ச் iCNG AMT & மாருதி டிசையர் CNG
டாடா பஞ்ச் iCNG ஆட்டோமேடிக் எடிஷனின் தொடக்க் அவிலை ரூ.8.54 லட்சமாக (எக்ஸ்-ஷோரூம்) உள்ளது. உயர்ந்த ஓட்டுநர் நிலை, இரட்டை சிலிண்டர் பூட் ஸ்பேஸ் மேலாண்மை மற்றும் 5-ஸ்பீட் AMT உடன் கூடிய ஒரு மைக்ரோ-SUV தோற்றத்தை இந்த கார் கொண்டுள்ளது. இது கிலோவிற்கு சுமார் 27 கிலோ மீட்டர் மைலேஜ் வழங்குவதாக கூறப்படுகிறது.
மறுமுனையில் அண்மையில் அறிமுகப்படுத்தப்பட்ட மாருதி டிசையரின் சிஎன்ஜி ஆட்டோமேடிக் எடிஷனும், இதே ரூ.8.54 லட்சம் (எக்ஸ் - ஷோரூம்) என்ற தொடக்க விலையில் கிடைக்கிறது. இது லிட்டருக்கு சுமார் 36 கிலோ மீட்டர் வரை மைலேஜ் வழங்கும் என அறிவிக்கப்பட்டுள்ளது. ஸ்டேண்டர்டான டிசையரில் உள்ள அம்சங்கள், வசதிகள் அப்படியே தொடர்கின்றன.
தலைப்பு செய்திகள்
ட்ரெண்டிங் செய்திகள்
