சிங்கிள் சார்ஜில் 150 கி.மீட்டர் மைலேஜ்! மின்சார பைக் Hop Electric OXO வாங்கலாமா? விலை எவ்ளோ?
150 கி.மீட்டர் வரை மைலேஜ் அளிக்கும் Hop Electric OXO மின்சார பைக் பற்றி கீழே விரிவாக காணலாம்.
இந்தியாவில் மின்சார வாகனங்களின் பயன்பாடு நாளுக்கு நாள் அதிகரித்து வருகிறது. இ ஸ்கூட்டர்களுக்கு நிகராக இ பைக்குகளும் நாளுக்கு நாள் அதிகரித்து வருகிறது. மின்சார வாகன சந்தையில் ஆதிக்கம் செலுத்த ஒவ்வொரு நிறுவனங்களும் போட்டிபோட்டு வருகின்றனர்.
Hop Electric OXO:
இதில் தங்களுக்கு என தனி இடம் பிடிக்க முயற்சிக்கும் நிறுவனம் Hop Electric. இவர்களின் Hop Electric OXO இ பைக் குறித்தும், இதன் விலை, தரம், மைலேஜ் பற்றியும் கீழே விரிவாக காணலாம்.
இந்த Hop Electric OXO இ பைக்கின் விலை ரூபாய் 1 லட்சத்து 37 ஆயிரத்து 223. இந்த இ பைக்கில் 2 வேரியண்ட் உள்ளது.
1. OXO Standard - ரூபாய் 1 லட்சத்து 37 ஆயிரத்து 223.
2. OXO X - ரூபாய் 1 லட்சத்து 74 ஆயிரத்து 358
மைலேஜ்:
இந்த OXO Standard இ பைக்கை ஒரு முறை சார்ஜ் செய்தால் 140 கிலோமீட்டர் வரை மைலேஜ் அளிக்கிறது. அதிகபட்சமாக 88 கிலோமீட்டர் வேகத்தில் செல்லலாம். இதன் சார்ஜிங் நேரம் 5 மணி நேரம் ஆகும். இதன் டார்க் 175 என்எம் ஆகும். இதை சார்ஜ் செய்வதற்கு 5 மணி நேரம் ஆகும். இந்த இ பைக்கில் எகோ, பவர் மற்றும் ஸ்போர்ட் மோட் உள்ளது.
இந்த OXO X இ பைக்கை ஒரு முறை சார்ஜ் செய்தால் 150 கிலோமீட்டர் மைலேஜ் அளிக்கிறது. அதிகபட்சமாக 95 கிலோமீட்டர் வேகத்தில் செல்லலாம். இதை சார்ஜ் செய்வதற்கு 5.3 மணி நேரம் ஆகும். 200 என்எம் டார்க் இழுதிறன் கொண்டது. எகோ, பவர், ஸ்போர்ட் மற்றும் டர்போ மோட்களில் இந்த இ பைக் உள்ளது. இதில் ப்ளூடூத், இன்டர்நெட் வசதி உள்ளது. ஜிபிஎஸ் நேவிகேஷன் வசதி உள்ளது.
பேட்டரி திறன்:
சாம்பல், நீலம், பச்சை, கருப்பு மற்றும் சிவப்பு வண்ணங்களில் இதில் உள்ளது. 5.2 கிலோவாட் அதிகபட்சமாக ஆற்றல் கொண்டது. 3.75 கிலோவாட் பேட்டரி ஆற்றல் கொண்டது. இந்த பேட்டரி நிரந்தரமாக பொருத்தப்பட்டது. லித்தியம் அயர்ன் பேட்டரி பொருத்தப்பட்டது.
போர்ட்டபிள் சார்ஜர் இதில் உள்ளது. சிபிஎஸ் ப்ரேக்கிங் சிஸ்டம் இதில் உள்ளது. முன்பக்கமும், பின்பக்கமும் டிஸ்க் ப்ரேக் உள்ளது. அலாய் சக்கரங்கள் பொருத்தப்பட்டுள்ளது. முன்பக்கம் 18 இன்ச் சக்கரமும், பின்பக்கம் 17 இன்ச் சக்கரமும் பொருத்தப்பட்டுள்ளது. ட்யூப்லஸ் டயர் பொருத்தப்பட்டுள்ளது.
வசதிகள்:
அப்ரைட் டெலிஸ்கோபிக் ஃபோர்க்ஸ் முன்பக்க சஸ்பென்சன் உள்ளது. பின்பக்கம் ஹைட்ராலிக் ஸ்ப்ரிங் லோடட் ஷாக் அப்சார்பர் பின்பக்க சஸ்பென்சன் வசதி உள்ளது. 780 மி.மீட்டர் இருக்கை உயரம் உள்ளது. கிரவுண்ட் கிளியரன்ஸ் 180 மி.மீட்டர் உள்ளது. 250 கிலோ எடையைத் தாங்கும் திறன் கொண்டது. 3 வருடம் அல்லது 50 ஆயிரம் கிலோமீட்டர் பேட்டரி வாரண்டி அளித்துள்ளது. 3 வருடம் மோட்டார் வாரண்டி பொருத்தப்பட்டுள்ளது.
டிஜிட்டல் டிஸ்ப்ளே இன்ஸ்ட்ரூமென்ட் கன்சோல் வசதி உள்ளது. ஸ்பீடோமீட்டர், ஓடோமீட்டர் டிஜிட்டலில் உள்ளது. ட்ரிப்மீட்டர் டிஜிட்டலில் உள்ளது. ஸ்டாண்ட் அலார்ம், லோ பேட்டரி இண்டிகேட்டர் வசதி உள்ளது. ஹசார்ட் வார்னிங் இண்டிகேட்டர், ஹைபீம் இண்டிகேட்டர் வசதி உள்ளது. நேரம் பார்க்கும் வசதி உள்ளது.
சிறப்பம்சங்கள்:
யுஎஸ்பி சார்ஜிங் போர்ட் வசதி உள்ளது. செல்ஃப் ஸ்டார்ட் வசதி கொண்டது. ஆன்டி தெஃப்ட் சிஸ்டம் வசதி உள்ளது. ரிவர்ஸ் வித் பார்க்கிங் அசிஸ்ட் வசதி கொண்டது. ஸ்டார்ட்/ ஸ்டாப் பட்டன் வசதி உள்ளது. பேட்டரி ஸ்டேட்டஸ், லைவ் சார்ஜிங் ஸ்டேட்டஸ் வசதி உள்ளது. ஹாலோஜன் முகப்பு விளக்குகள் பொருத்தப்பட்டுள்ளது. பகல் நேரத்தில் எரியும் விளக்குகள் பொருத்தப்பட்டுள்ளது.
ப்ரேக்/டெயில் விளக்குகள் எல்இடி விளக்குகளில் பொருத்தப்பட்டுள்ளது. ஹசார்ட் வார்னிங் விளக்குகள் பொருத்தப்பட்டுள்ளது. சிக்னல் விளக்குகள் ஹாலோஜன் விளக்குகள் பொருத்தப்பட்டுள்ளது. பில்லியன் இருக்கை வசதி உள்ளது.
தலைப்பு செய்திகள்
ட்ரெண்டிங் செய்திகள்
