330 கி.மீட்டர் மைலேஜ் தரும் மின்சார கார்.. ஒரே நாளில் 4 புதிய கார்களை அறிமுகப்படுத்திய Citroen!

Citroen நிறுவனம் 4 புதிய கார்களை இன்று இந்திய சந்தையில் அறிமுகப்படுத்தியுள்ளது.

e-C3X மின்சார கார்

Source : TWITTER

இந்தியாவில் மின்சார வாகனங்களின் பயன்பாடு நாளுக்கு நாள் அதிகரித்து வருகிறது. இதையடுத்து, இரு சக்கர மற்றும் கார்களின் தயாரிப்பில் மின்சார வாகனங்கள் எண்ணிக்கை அதிகரித்து வருகிறது.

புதிய கார்கள் அறிமுகம்:

இந்தியாவில் கார் தயாரிப்பில் மிகவும் பிரபலமான நிறுவனங்களில் ஒன்று Citroen. இவர்கள் தங்கள் AircrossX மற்றும் BasaltX காரின் புதிய வேரியண்ட்களை அறிமுகப்படுத்தியுள்ளனர். இந்த காருடன் மின்சார வேரியண்டான e-C3X மின்சார காரையும் அறிமுகப்படுத்தியுள்ளது.

என்னென்ன?

இது இந்திய சந்தையில் மிகப்பெரிய எதிர்பார்ப்பை உருவாக்கியுள்ளது.

1. AircrossX You Turbo Comfort Edition - ரூபாய் 10.69 லட்சம்

2. AircrossX Max NA - ரூபாய் 11.62 லட்சம்

3. BasaltX You Turbo - ரூபாய் 9.99 லட்சம்

4. BasaltX Max NA - ரூபாய் 11.34 லட்சம்

5. e-C3X Extended - ரூபாய் 6.299 லட்சம் + ரூபாய் 2.26 கிலோ மீட்டர் பேட்டரி இஎம்ஐ

பட்ஜெட் விலை:

தற்போது அறிமுகப்படுத்தப்பட்டுள்ள சிட்ரோனின் இந்த புதிய கார்கள் அனைத்தும் பட்ஜெட் விலையிலே உள்ளது.  AircrossX You Turbo Comfort Edition கார் ரூபாய் 11 லட்சம் பட்ஜெட்டிலே சந்தையில் அறிமுகமாகியுள்ளது. மொத்தம் 12 வேரியண்ட் AircrossX காரில் உள்ளது. தற்போது 13வது வேரியண்டாக இந்த கார் அறிமுகமாகியுள்ளது. இதில் 1199 சிசி பெட்ரோல் எஞ்ஜின் பொருத்தப்பட்டுள்ளது. இதே காரில் மற்றொரு வேரியண்டில் AircrossX Max NA ரூபாய் 11.62 லட்சத்தில் அறிமுகமாகியுள்ளது.

எஸ்யூவி கூபே ஸ்டைலில் காணப்படும் BasaltX காரின் புதிய வேரியண்டாக BasaltX You Turbo மற்றும் BasaltX Max NA அறிமுகப்படுத்தப்பட்டுள்ளது. இந்த காரின் விலை முறையே ரூபாய் 9.99 லட்சம் மற்றும் ரூபாய் 11.34 லட்சம் ஆகும்.

330 கி.மீட்டர் மைலேஜ்:

சிட்ரோன் நிறுவனம் இன்று அறிமுகப்படுத்திய கார்களிலே மிகவும் முக்கியமான கார்  e-C3X Extended ஆகும். இந்த கார் ஒரு முறை சார்ஜ் செய்தாலே 330 கி.மீட்டர் வரை மைலேஜ் அளிக்கும் ஆற்றல் கொண்டது. இந்த கார் ஹேட்ச்பேக் காராக அறிமுகமாகியுள்ளது.  இந்த கார் பேட்டரி அஸ் எ சர்வீஸ் முறையில் ரூபாய் 6.99 லட்சத்தில் விற்கப்படுகிறது. இதன் பேட்டரிக்கு கிலோமீட்டருக்கு 2.26 ரூபாய் வசூலிக்கப்படுகிறது.