ஒரு முறை சார்ஜ் செய்தாலே 123 கிலோமீட்டர் மைலேஜ்! ட்ராஃபிக்கிலும் டயர்ட் இல்லாமல் போக BGauss C12 இ ஸ்கூட்டர்!
நெருக்கடியான போக்குவரத்து நெரிசலிலும் இலகுவாக ஓட்டுவதற்கு ஏற்ற BGauss C12 இ ஸ்கூட்டர் பற்றி கீழே விரிவாக காணலாம்.
இந்தியாவில் மின்சார ஸ்கூட்டர்களின் எண்ணிக்கை நாளுக்கு நாள் அதிகரித்து வருகிறது. ஓலா, ஏதர் போன்ற நிறுவனங்களுக்கு போட்டியாக BGauss உள்ளது.
BGauss C12:
இந்த BGauss நிறுவனத்தின் BGauss C12 இ ஸ்கூட்டரின் விலை, தரம், மைலேஜ் குறித்து கீழே விரிவாக காணலாம்.
இந்த BGauss C12 இ ஸ்கூட்டரின் விலை ரூபாய் 1 லட்சத்து 11 ஆயிரத்து 989 ஆகும். இதில் 3 வேரியண்ட் உள்ளது.
1. C12 i Ex - ரூபாய் 1 லட்சத்து 11 ஆயிரத்து 989
2. C12 MAX 3.0 - ரூபாய் 1 லட்சத்து 31 ஆயிரத்து 909
3. C12 i Max 2.0 - ரூபாய் 1 லட்சத்து 34 ஆயிரத்து 989
பேட்டரி திறன்:
இதில் முதல் வேரியண்ட் 2 கிலோவாட் பேட்டரி பொருத்தப்பட்ட இ ஸ்கூட்டர். மற்ற 2 வேரியண்ட்களும் 2.7 கிலோவாட் பேட்டரி பொருத்தப்பட்ட இ ஸ்கூட்டர்கள். முதல் வேரியண்ட்டை சார்ஜ் செய்வதற்கு 4.45 மணி நேரம் ஆகிறது. 2வது மற்றும் 3வது வேரியண்டை சார்ஜ் செய்வதற்கு 6.30 மணி நேரம் ஆகிறது.
மைலேஜ்:
முதல் வேரியண்ட் ஒரு முறை சார்ஜ் செய்தால் 85 கிலோமீட்டர் வரை மைலேஜ் அளிக்கும். இரண்டாவது மற்றும் 3வது வேரியண்ட் சார்ஜ் செய்தால் 123 கிலோமீட்டர் வரை மைலேஜ் அளிக்கிறது. முதல் வேரியண்ட் 106 கிலோ ஆகும். 2வது மற்றும் 3வது வேரியண்ட் 116 கிலோ ஆகும். இரண்டாவது வேரியண்டில் மட்டம் ஹில் அசிஸ்ட் வசதி உள்ளது.
மேக்ஸ் 3.0 வேரியண்டில் மட்டும் ப்ளூடூத் வசதி, ஜிபிஎஸ் வசதி உள்ளது. மற்ற வேரியண்டில் இந்த வசதி இல்லை. 2வது வேரியண்டில் க்ரூஸ் கன்ட்ரோல் வசதியும் உள்ளது. கருப்பு, பச்சை, வெள்ளை, வெண்பச்சை, மஞ்சள் என பல வண்ணங்களில் இந்த இ ஸ்கூட்டர் உள்ளது.
சிறப்புகள்:
40 கிலோமீட்டர் வேகத்தை 8.5 நொடிகளில் எட்டிவிடும். எகோ மற்றும் ஸ்போர்ட் மோடில் இந்த இ ஸ்கூட்டர் உள்ளது. லித்தியம் அயர்ன் பேட்டரி பொருத்தப்பட்டுள்ளது. 500 வாட் சார்ஜ் அவுட்புட் உள்ளது. சிபிஎஸ் ப்ரேக்கிங் சிஸ்டம் உள்ளது. ட்ரம் ப்ரேக் முன்பக்கமும், பின்பக்கமும் பொருத்தப்பட்டுள்ளது. ஸ்டீல் சக்கரங்கள் பொருத்தப்பட்டுள்ளது. முன்பக்க சக்கரத்தின் அளவு 12 இன்ச் ஆகும். பின்பக்க சக்கரத்தின் அளவு 10 இன்ச் ஆகும்.
ட்யூப்லஸ் டயர்கள் பொருத்தப்பட்டுள்ளது. ஹைட்ராலிக் டெலிஸ்கோபிக் சஸ்பென்சன் முன்பக்கம் அமைக்கப்பட்டுள்ளது. பின்பக்கம் டபுள் ஹைட்ராலிக் ஸ்ப்ரிங் சஸ்பென்சன் அமைக்கப்பட்டுள்ளது. கிரவுண்ட் கிளியரன்ஸ் 155 மி.மீட்டர் ஆகும். இந்த இ ஸ்கூட்டர் 150 கிலோ வரை எடை தாங்கும் ஆற்றல் கொண்டது. 3 வருடம் அல்லது 30 ஆயிரம் கிலோமீட்டர் வரை பேட்டரி வாரண்டி அளிக்கப்பட்டுள்ளது. 3 வருடம் மோட்டார் வாரண்டி அளிக்கப்பட்டுள்ளது.
வசதிகள்:
எல்சிடி டிஸ்ப்ளே பொருத்தப்பட்டுள்ளது. டிஜிட்டல் ஸ்பீடோமீட்டர் பொருத்தப்பட்டுள்ளது. ஸ்டாண்ட் அலார்ம், லோ பேட்டரி இண்டிகேட்டர், ஹசார்ட் வார்னிங் இண்டிகேட்டர், ஹைபீம் இண்டிகேட்டர் வசதி உள்ளது. நேரம் பார்க்கும் வசதி உள்ளது. செல்ஃப் ஸ்டார்ட் வசதி உள்ளது. ஸ்டார்ட்/ ஸ்டாப் பட்டன் வசதி உள்ளது.
எல்இடி முகப்பு விளக்குகள் பொருத்தப்பட்டுள்ளது. பகலிலும் எரியும் வகையில் விளக்கு அமைக்கப்பட்டுள்ளது. ப்ரேக்/ டெயில் விளக்குகள் பொருத்தப்பட்டுள்ளது. சிக்னல் விளக்குகளும் எல்இடி விளக்குகள் பொருத்தப்பட்டுள்ளது.
தலைப்பு செய்திகள்
ட்ரெண்டிங் செய்திகள்
