இன்னோவை இடித்து தள்ளிய 7 சீட்டர் பெஸ்ட் செல்லர் MPV; ஜூனில் அமோக விற்பனை- எந்த கார் தெரியுமா?

ஜூன் 2026-ல் அதிகம் விற்பனையான 7 சீட்டர் கார்: இன்னோவாவை வீழ்த்தி மாருதி எர்டிகா முதலிடம்!

7 சீட்டர் எம்பிவி கார்

Source : சிறப்பு ஏற்பாடு

Bestselling 7-seater MPV June 2026:  இந்திய வாகனச் சந்தையில் 7-சீட்டர் MPV பிரிவில் மாருதி சுசுகி எர்டிகா (Maruti Suzuki Ertiga) மீண்டும் தனது ஆதிக்கத்தை நிலைநிறுத்தியுள்ளது.

ஜூன் 2026-க்கான கார் விற்பனைப் புள்ளிவிவரங்களின்படி, டொயோட்டா இன்னோவாவின் விற்பனை சாதனையை முறியடித்து, இந்தியாவின் பெஸ்ட்-செல்லிங் எம்பிவி காராக, எர்டிகா முதலிடத்தைப் பிடித்துள்ளது.

பொதுவாக எம்பிவி பிரிவில் மாருதி எர்டிகா மற்றும் டொயோட்டா இன்னோவா ஆகிய இரண்டு கார்களுக்கும் இடையேதான் எப்போதும் கடும் போட்டி நிலவும். கடந்த ஜூன் மாத விற்பனை அறிக்கையின்படி, டொயோட்டா இன்னோவா மாடல்களை (கிரிஸ்டா மற்றும் ஹைகிராஸ்) விட அதிக யூனிட்டுகளை விற்பனை செய்து மாருதி எர்டிகா முதலிடத்தை பிடித்துள்ளது. இன்னோவா இரண்டாவது இடத்திற்கு தள்ளப்பட்டுள்ளது.

மாருதி எர்டிகா சிறப்பம்சங்கள்

எர்டிகாவின் இந்த அபார விற்பனைக்கு அதன் குறைவான விலையும், அதிக மைலேஜ் தரும் சிஎன்ஜி ஆப்ஷனுமே முக்கியக் காரணமாகும்.

விற்பனை விவரங்கள்

• மாருதி எர்டிகா: கடந்த ஜூன் மாதத்தில் மாருதி சுசுகி நிறுவனம் மொத்தம் 16,111 எர்டிகா கார்களை விற்பனை செய்து முதலிடத்தைப் பிடித்துள்ளது. கடந்த ஆண்டு இதே ஜூன் மாதத்தில் இதன் விற்பனையை ஒப்பிடும்போது 13.9 சதவீதம் அதிகம் விற்பனை ஆகியுள்ளது.
• டொயோட்டா இன்னோவா: இந்தப் பட்டியலில் இரண்டாவது இடத்தைப் பிடித்துள்ள டொயோட்டா இன்னோவா (கிரிஸ்டா மற்றும் ஹைகிராஸ் மாடல்கள் சேர்த்து) கடந்த ஜூன் மாதத்தில் மொத்தம் 7,332 யூனிட்டுகள் மட்டுமே விற்பனை ஆகியுள்ளன. கடந்த ஆண்டு இதே மாதத்தில் ஆன இன்னோவா கார் விற்பனையைவிட இது 16.7 சதவீதம் குறைவு ஆகும்.
• அதேபோல கியா கார்னிவல் கார்கள் விற்பனையும் கணிசமாகக் குறைந்துள்ளது. வெறும் 4,847 கார்கள் மட்டுமே இதில் விற்பனை ஆகியுள்ளன.

எர்டிகாவின் வெற்றிக்குக் காரணம் என்ன?

எர்டிகாவின் இந்த அசுர வளர்ச்சிக்கு அதன் குறைவான விலையும், அதிக கேபின் இடமும் மைலேஜ் தரும் சிஎன்ஜி ஆப்ஷனுமே முக்கியக் காரணமாகப் பார்க்கப்படுகிறது.

• இன்ஜின் & மைலேஜ்: இதில்5 லிட்டர் K15C பெட்ரோல் இன்ஜின் பொருத்தப்பட்டுள்ளது. இது 103 bhp பவரை வெளிப்படுத்தும். 5-ஸ்பீடு மேனுவல் மற்றும் 6-ஸ்பீடு ஆட்டோமேட்டிக் கியர்பாக்ஸ் ஆப்ஷன்கள் உள்ளன. இதன் பெட்ரோல் வேரியண்ட் லிட்டருக்கு 20.51 கி.மீ மைலேஜையும், சிஎன்ஜி வேரியண்ட் ஒரு கிலோவுக்கு 26.11 கி.மீ மைலேஜையும் வழங்குகிறது.
• வசதிகள்: 7 பேர் வசதியாக அமரும் சிறப்பான கேபின் ஸ்பேஸ், 7-இன்ச் டச்ஸ்க்ரீன் இன்ஃபோடெயின்மென்ட் சிஸ்டம், ஆட்டோமேட்டிக் கிளைமேட் கண்ட்ரோல், ப்ரொஜெக்டர் ஹெட்லேம்ப்கள் மற்றும் பாதுகாப்பிற்காக 4 ஏர்பேக்குகள் இதில் வழங்கப்பட்டுள்ளன.

அதிக விலை கொண்ட பிரீமியம் காரான இன்னோவாவை விட, பட்ஜெட் விலையில் அதிக மைலேஜ் மற்றும் போதிய இடவசதியை எர்டிகா வழங்குவதாலேயே வாடிக்கையாளர்கள் இதனை அதிகம் தேர்வு செய்கின்றனர்.