ஏதர் எடுக்கப்போகும் புது அவதாரம்! கம்மி விலையில் கலக்க வரும் Ather EL01 இ ஸ்கூட்டர்!
Ather Electric Scooter: ஏதர் நிறுவனம் விரைவில் தங்களுடைய புதிய இ ஸ்கூட்டரான Ather EL01 மின்சார ஸ்கூட்டரை அறிமுகப்படுத்த உள்ளது.
Ather Electric Scooter: இந்தியாவின் பிரபலமான இ ஸ்கூட்டர் ஏதர். ஓலா நிறுவனத்திற்கு போட்டியாக ஏதர் நிறுவனம் பல்வேறு இ ஸ்கூட்டர்களை தயாரித்து இந்தியாவில் விற்பனை செய்து வருகிறது. ஏதர் ஸ்கூட்டர்களின் தயாரிப்புகளுக்கு என்று இந்தியாவில் நல்ல வரவேற்பு இருந்து வருகிறது.
Ather EL01:
ஏதர் நிறுவனம் இந்தியாவில் புதியதாக அறிமுகப்படுத்த உள்ள புதிய இ ஸ்கூட்டர் இந்த Ather EL01. பல்வேறு சிறப்பம்சங்களுடன் இந்த Ather EL01 ஸ்கூட்டரை சந்தையில் அறிமுகப்படுத்த ஏதர் நிறுவனம் ஆர்வம் காட்டி வருகிறது. இதன் விலை ரூபாய் 1 லட்சம் வரை இருக்கும் என்று எதிர்பார்க்கப்படுகிறது.
இதில் 2 கிலோவாட் பேட்டரி முதல் 5 கிலோவாட் பேட்டரி வரையிலான பேட்டரிகள் கொண்ட வேரியண்ட்கள் அறிமுகமாகும் என்று கருதப்படுகிறது. இதை குடும்பங்கள் அதிகளவு பயன்படுத்தும் ஸ்கூட்டராக தயாரிக்க ஆர்வம் காட்டி வருகின்றனர். இந்த ஸ்கூட்டர் மஞ்சள் மற்றும் வெள்ளை நிறம் கொண்ட தோற்றத்தில் உள்ளது.வசீகரமான தோற்றம், இலகுவான எடை கொண்ட இ ஸ்கூட்டராக இந்த ஏதர் இஎல்01-யை தயாரிக்க ஆர்வம் காட்டி வருகின்றனர்.
மைலேஜ்:
இந்த Ather EL01 சந்தையில் அறிமுகமானால் Vida VX2, Bajaj Chetak C2501 உள்ளிட்ட பல்வேறு இ ஸ்கூட்டர்களுக்கு சவால் அளிக்கும் என்று கருதப்படுகிறது. தங்களது போட்டி நிறுவனங்களைக் காட்டிலும் அதிகளவு மைலேஜ், அதிக வேகம் மற்றும் நல்ல பிக்கப் அளிக்கும் திறன் கொண்டதாக இந்த பைக் அறிமுகமாகும் என்று எதிர்பார்க்கப்படுகிறது.
பேட்டரிக்கு சந்தா:
இந்த புதிய Ather EL01 இ ஸ்கூட்டரை சந்தையில் அறிமுகப்படுத்தினால் இதற்கு BaaS எனப்படும் பேட்டரிக்கு சந்தா செலுத்தும் முறையில் இந்த ஸ்கூட்டரை விற்பனை செய்யவும் ஏதர் நிறுவனம் முடிவு செய்துள்ளது. தற்போது இந்தியாவில் டிவிஎஸ், ஹோண்டா, யமஹா என முன்னணி இரு சக்கர வாகன தயாரிப்பு நிறுவனங்கள் இ ஸ்கூட்டர் தயாரிப்பில் தீவிரம் காட்டி வரும் நிலையில், ஏதர் நிறுவனமும் அனைத்து நிறுவனங்களுக்கும் போட்டி அளிக்கும் வகையில் புதிய மாடல்களை அறிமுகப்படுத்த திட்டமிட்டுள்ளது.
ஏதர் நிறுவனத்தின் Rizta இ ஸ்கூட்டர் அந்த நிறுவனத்தின் வெற்றிகரமான ஸ்கூட்டராக உள்ளது. அதைப்போலவே இந்த புதிய Ather EL01 இ ஸ்கூட்டரையும் தயாரிக்க ஏதர் நிறுவனம் முடிவு செய்துள்ளது. ஏதரின் இந்த புதிய படைப்பான Ather EL 01 இ ஸ்கூட்டர் சந்தையில் அறிமுகமானால் இந்திய மின்சார ஸ்கூட்டர் சந்தையில் ஏதரின் மதிப்பு பன்மடங்கு உயரும் என்று அவர்கள் கருதுகின்றனர்.
தலைப்பு செய்திகள்
ட்ரெண்டிங் செய்திகள்
