Ather E Scooter: ஏதர் இ ஸ்கூட்டர் வாங்கலாமா? என்னென்ன இருக்குது? மைலேஜ், விலை எப்படி? முழு விவரம்
ஏதர் நிறுவனத்தின் இ ஸ்கூட்டர்கள் என்னென்ன? விலை, தரம், மைலேஜ் ஆகியவை குறித்து கீழே விரிவாக காணலாம்.
இந்தியாவில் முன்னணி மின்சார வாகன தயாரிப்பு நிறுவனமாக இருப்பது ஏதர். இ ஸ்கூட்டர் தயாரிப்பில் இந்தியாவில் முன்னணி நிறுவனமாக திகழ்வது இந்த ஏதர் நிறுவனம்.
இவர்களின் இ ஸ்கூட்டர்கள் என்னென்ன? என்பதை கீழே காணலாம்.
1. Ather Rizta:
ஏதர் நிறுவனத்தின் Ather Rizta இ ஸ்கூட்டர் விலை ரூபாய் 1 லட்சத்து 29 ஆயிரத்து 419. இதில் மொத்தம் 20 வேரியண்ட்கள் உள்ளது. அதிகபட்சமாக 160 கிலோமீட்டர் வரை மைலேஜ் அளிக்கிறது. 2.9 கிலோவாட் பேட்டரி மற்றும் 3.7 கிலோவாட் பேட்டரி பொருத்தப்பட்ட வேரியண்ட்களில் இந்த இ ஸ்கூட்டர் உள்ளது.
2. Ather 450X:
ஏதர் நிறுவனத்தின் Ather 450X இ ஸ்கூட்டரின் விலை ரூபாய் 1 லட்சத்து 61 ஆயிரத்து 994. இதில் மொத்தம் 4 வேரியண்ட்களில் உள்ளது. 2.9 கிலோவாட், 3.7 கிலோவாட் பேட்டரி பொருத்தப்பட்ட வேரியண்ட் உள்ளது. அதிகபட்சமாக ஒரே சார்ஜில் 161 கிலோமீட்டர் வரை மைலேஜ் அளிக்கிறது.
3.Ather 450S:
ஏதர் நிறுவனத்தின் Ather 450S இ ஸ்கூட்டருக்கு இந்தியாவில் நல்ல வரவேற்பு உள்ளது. இதன் விலை ரூபாய் 1 லட்சத்து 45 ஆயிரத்து 188. இந்த இ ஸ்கூட்டரில் 4 வேரியண்ட்கள் உள்ளது. 3.7 கிலோவாட் மற்றும் 2.9 கிலோவாட் பேட்டரி பொருத்தப்பட்டுள்ளது. 115 கிலோமீட்டர் மற்றும் 161 கிலோமீட்டர் வரை மைலேஜ் அளிக்கிறது.
4.Ather 450 Apex:
ஏதர் நிறுவனத்தின் Ather 450 Apex இ ஸ்கூட்டரின் விலை ரூபாய் 2 லட்சத்து 4 ஆயிரத்து 901. ஒரு முறை சார்ஜ் செய்தால் 157 கிலோமீட்டர் வரை மைலேஜ் அளிக்கிறது. அதிகபட்சமாக 100 கிலோமீட்டர் வரை அளிக்கிறது. 3.7 கிலோவாட் பேட்டரி பொருத்தப்பட்ட இ ஸ்கூட்டர் இதுவாகும்.
ஏதர் நிறுவனத்தின் ஒவ்வொரு இ ஸ்கூட்டர்களும் இந்தியாவில் அதிகளவு விற்பனையாகி வருகிறது. நல்ல மைலேஜ், தரமான சேவை ஆகியவற்றின் காரணமாக ஏதர் இ ஸ்கூட்டர்களை பலரும் விரும்புகின்றனர். இதில் டிஸ்க் ப்ரேக் பொருத்தப்பட்டுள்ளது. அலாய் சக்கரங்கள் பொருத்தப்பட்டுள்ளது.
குறைந்தது 3 வருடம் முதல் அதிகபட்சம் 5 வருடம் வரை பேட்டரி வாரண்டி அளிக்கப்படுகிறது. மோட்டார் வாரண்டி அளிக்கப்படுகிறது. ப்ளூடூத், இணைய வசதி கொண்டது. ஸ்பீடோமீட்டர், ஓடோமீட்டர் டிஜிட்டலில் உள்ளது. இதுமட்டுமின்றி லோ பேட்டரி இண்டிகேட்டர், ஹசார்ட் வார்னிங் இண்டிகேட்டர் வசதி உள்ளது. எல்இடி முகப்பு விளக்குகள் பொருத்தப்பட்டது. பூட் விளக்குகள், பகலில் எரியும் விளக்குகள் பொருத்தப்பட்டுள்ளது. ஓலா உள்ளிட்ட பல்வேறு நிறுவனங்களும் ஏதர் நிறுவனத்திற்கு போட்டியாக இருந்தாலும் இவர்களது தரம் காரணமாக இவர்களது இ ஸ்கூட்டர்களுக்கு நல்ல வரவேற்பு இருந்து வருகிறது.
தலைப்பு செய்திகள்
ட்ரெண்டிங் செய்திகள்
