Bajaj Pulsar NS400Z: பஜாஜ் நிறுவனத்தின் மிகப்பெரிய பல்சர் மாடலான NS400Z அறிமுகம் - புதுசா என்னென்ன இருக்கு?

Bajaj Pulsar NS400Z: பஜாஜ் நிறுவனத்தின் புதிய பல்சர் NS400Z மோட்டார் சைக்கிள் இந்திய சந்தையில் அறிமுகம் செய்யப்பட்டுள்ளது.

பஜாஜ பல்சர் NS400Z (CREDIT - BAJAJ AUTO )

Bajaj Pulsar NS400Z: பஜாஜ் நிறுவனத்தின் புதிய பல்சர் NS400Z மோட்டார் சைக்கிள் விலை, ஒரு லட்சத்து 85 ஆயிரம் ரூபாய் என நிர்ணயம் செய்யப்பட்டுள்ளது.

பஜாஜ பல்சர் NS400Z:

பஜாஜ் ஆட்டோ நிறுவனம் புதிய 2024 பல்சர் NS400Z மோட்டார்சைக்கிளை அறிமுகப்படுத்தியுள்ளது. இது இதுவரை இல்லாத மிகப்பெரிய பல்சர் மாடலாக சந்தைப்படுத்தப்பட்டுள்ளது. 2024 பஜாஜ் பல்சர் NS400Z இன் விலை 1.85 லட்சம் என நிர்ணயம் செய்யப்பட்டுள்ளது. மற்றும் பிராண்டின் போர்ட்ஃபோலியோவில் பல்சர் NS200 க்கு மேல் நிலைநிறுத்தப்பட்டுள்ளது. இந்த மோட்டார்சைக்கிள் NS200 மாடலின் பீஃபியர் வெர்ஷனைப் போலவே தோற்றமளிக்கிறது. இருப்பினும் சற்று வித்தியாசமான ஸ்டைலிங் கூறுகள் மற்றும் நிறுவனத்தின் வரம்பில் புதிய முதன்மையான பல்சர் இதுவாகும்.

இன்ஜின் விவரங்கள்:

புதிய பல்சர் NS400Z மாடல் பல்சரானது பழைய KTM 390 டியூக் மற்றும் பஜாஜ் டோமினார் 400 இல் காணப்படும், வழக்கமான 373 cc இன்ஜினை கொண்டுள்ளது.  39 பிஎச்பி மற்றும் 35 என்எம் பீக் டார்க்கை உருவாக்குகிறது. 6-ஸ்பீடு கியர்பாக்ஸ் மற்றும் ஸ்லிப் - அன்ட் - அசிஸ்ட் கிளட்ச் உடன் இணைக்கப்பட்டுள்ளது. பல்சர் NS400 இன் அதிகபட்ச வேகம் மணிக்கு 154 கிமீ என தெரிவிக்கப்பட்டுள்ளது. Hero Mavrick 440, KTM 250 Duke, Triumph Speed 400, TVS Apache RTR 310 மற்றும் Bajaj Dominar 400 ஆகிய மாடல்களுக்கு புதிய பல்சர் சந்தையில் போட்டியாக இருக்கும்.

What do you think about the pricing for the new Bajaj Pulsar NS400Z? #bajaj #pulsar #ns400z #motorcycle #bikeindia pic.twitter.com/MiVcXw8C3p

— BikeIndia.in (@bikeindia) May 3, 2024

புதிய பல்சரின் வடிவமைப்பு:

புதிய பஜாஜ் பல்சர் NS400Z முதல் பார்வையில் NS200 போலவே தெரிகிறது ஆனால் மோட்டார் சைக்கிள் முழுவதும் ஏராளமான புதிய கோடுகள் உள்ளன. ஸ்ட்ரீட்ஃபைட்டர் இரண்டு புதிய லைட்னிங் போல்ட் LED DRLகள் மற்றும் மையத்தில் ஒரு புரொஜெக்டர் ஹெட்லேம்பை பெறுகிறது. ரியர்வியூ கண்ணாடிகள் புதியது. வடிவமைப்பில் ஸ்போர்ட்டியர் மற்றும் புதிய KTM 250 டியூக்கை சார்ந்ததாக தெரிகிறது.

பல்சர் என்எஸ் 400 இசட், 'என்எஸ்' டீக்கால்களைக் கொண்டு வலுவான எரிபொருள் டேங்கை பெறுகிறது. அதே நேரத்தில் பெரிய அளவிலான ரேடியேட்டர் ஷ்ரூட்கள் உள்ளன. எரிபொருள் டேங்கில் இருந்து பக்கவாட்டு பேனல்கள், ஸ்ப்லிட் இருக்கைகள் மற்றும் மறுசீரமைக்கப்பட்ட டெயில் பகுதிக்கு ஏராளமான கூர்மையான கோடுகள் உள்ளன. பிந்தையது ஸ்பிலிட் டெயில்லைட்கள், ஸ்பிலிட் கிராப் ஹேண்டில்கள் மற்றும் எல்ஈடி டர்ன் இண்டிகேட்டர்களுடன் கூடிய டெயில் டைடி ஆகியவற்றைக் கொண்டுள்ளது.

இதர அம்சங்கள்:

புதிய பல்சர் NS400Z ஒரு பாக்ஸ் செக்ஷன் ஸ்விங்கார்முடன் வருகிறது. அதே சமயம் சேஸ் ஆனது NS200க்குக் கீழே உள்ள பெரிமீட்டர் ஃப்ரேமின் மேம்படுத்தப்பட்ட எடிஷனாக இருக்கிறது. தங்க முலாம் கொண்டு முடிக்கப்பட்ட USD முன் ஃபோர்க்குகள் மற்றும் பின்புறத்தில் மோனோஷாக் ஆகியவற்றைப் பெறுகிறது. அதே நேரத்தில் பிரேக்கிங் செயல்திறன் டூயல் - சேனல் ஏபிஎஸ் உடன் டிஸ்க் பிரேக்குகளை கொண்டுள்ளது. NS400Z ஆனது LCD டிஸ்ப்ளேவைக் கொண்டுள்ளது. ஆனால் NS200 மற்றும் பிற பல்சர் மாடல்களை விட வித்தியாசமான அமைப்பைக் கொண்டுள்ளது. இது டர்ன்-பை-டர்ன் வழிசெலுத்தலுடன் புளூடூத் இணைப்பைப் பெறுகிறது.