சர்க்கரை நோய் இருப்பதை கண்டறிய உதவும் அறிகுறிகள்!

இரத்தத்தில் சர்க்கரை அளவு அதிகமாக இருந்தால், சிறுநீரகங்கள் அதிகப்படியான குளுக்கோஸை சிறுநீர் மூலம் வெளியேற்றும், இதன் காரணமாக அடிக்கடி சிறுநீர் கழிக்கும் நிலை ஏற்படும்.

உடல் செல்களுக்கு குளுக்கோஸ் சரியாக கிடைக்காததால் அளவுக்கு அதிகமாக பசி எடுக்கும், ஏனெனில் இன்சுலின் திறம்பட வேலை செய்யாது.

சர்க்கரை நோய் டைப் 1 அல்லது டைப் 2 தீவிரமாக இருக்கும்போது எடை குறைந்துவிடும்.

சர்க்கரை செல்களை அடையாததால் உடல் ஆற்றலை இழந்து எப்போதும் சோர்வு மற்றும் பலவீனம் ஏற்படும்

தோல் வறண்டு போதல் அரிப்பு அடிக்கடி தொற்று ஏற்படுவதுடன் காயங்கள் மெதுவாக ஆறும்

உயர் இரத்த சர்க்கரை அளவு கண் லென்ஸை பாதிக்கும், இதன் விளைவாக பார்வை மங்கலாக மாறும்.

கைகளில், கால்களில் கூச்சம், மரத்துப்போதல் அல்லது வலி ஏற்படும். இது நீரிழிவு நோயின் ஆரம்ப அறிகுறியாகும்.

நோய் எதிர்ப்பு சக்தி குறைவதால் சிறுநீர் பாதை தொற்றுகள் போன்றவை ஏற்படும்

இந்த அறிகுறிகள் தென்பட்டால் இரத்த சர்க்கரை பரிசோதனைகள் செய்து கொள்ள வேண்டும்.