மணக்கும் முள்ளங்கி சாம்பார்.. ரெசிபி இதோ!

தேவையான பொருட்கள்: முள்ளங்கி - 2 நறுக்கியது , துவரம் பருப்பு - 1/2 கப், தக்காளி நறுக்கியது, பூண்டு பற்கள், மஞ்சள் தூள், எண்ணெய் - 1 1/2 மேசைக்கரண்டி , உளுத்தம் பருப்பு - 1 தேக்கரண்டி , சீரகம் - 1 தேக்கரண்டி , கடுகு - 1/2 தேக்கரண்டி, காய்ந்த மிளகாய் - 2 , பெருங்காயத்தூள் - 1/4 தேக்கரண்டி

வெங்காயம் - 1 நறுக்கியது, கறிவேப்பிலை, பச்சை மிளகாய் - 3 நறுக்கியது, கல்லுப்பு - 1 தேக்கரண்டி , மிளகாய் தூள் - 1 தேக்கரண்டி , தனியா தூள் - 1 தேக்கரண்டி , புளி கரைசல் - 1/4 கப் , உப்பு - 1 தேக்கரண்டி , கொத்தமல்லி இலை, துருவிய தேங்காய்

செய்முறை: குக்கரில் துவரம் பருப்பு, பூண்டு, தக்காளி, மஞ்சள் தூள், உப்பு மற்றும் தண்ணீர் சேர்த்து மூடி வைத்து 5 விசில் வரும் வரை வேகவிடவும்

அடுத்தது கடாயில் எண்ணெய் ஊற்றி சூடானதும், உளுத்தம் பருப்பு, சீரகம், கடுகு, காய்ந்த மிளகாய், பெருங்காயத்தூள் சேர்த்து வறுக்கவும். கடுகு பொரிந்த உடன் நறுக்கிய வெங்காயம் சேர்த்து வதக்கவும்

அடுத்தது கறிவேப்பிலை, முள்ளங்கி சேர்த்து வதக்கிவிட்டு உப்பு, மிளகாய் தூள், தனியா தூள் சேர்த்து கிளறிவிடவும். அதன் பின்பு தேவையான அளவு தண்ணீர் ஊற்றி மிதமான தீயில் 10 நிமிடம் வேகவைக்கவும்

அடுத்தது புளி கரைசல் மற்றும் தண்ணீர் ஊற்றி வேகவைத்த பருப்பை சேர்த்து மிதமான தீயில் மீண்டும் 10 நிமிடம் வேகவிடவும்

கடைசியாக நறுக்கிய கொத்தமல்லி இலை, தேங்காய் சேர்த்து கிளறிவிட்டு இறக்கினால் சுவையான முள்ளங்கி சாம்பார் தயார்