கிச்சன் வேலையை சுலபமாக்கும் டிப்ஸ் - பாகம் : 9

பனீர் பட்டர் மசாலா செய்யும் போது, முந்திரி, கசகசா, தேங்காய் சேர்த்து கெட்டியாக அரைத்து மசாலாவில் சேர்த்தால் சுவையாகவும் மணமாகவும் இருக்கும்

பஜ்ஜி மாவில் சிறிது இட்லிமாவு சேர்த்து பஜ்ஜி செய்தால் சுவை கூடுதலாக இருக்கும்

முருங்கை கீரை துவையல் செய்யும் போது 2 முட்டை சேர்த்தால் துவையலின் ருசி அதிகரிக்கும்

வெங்காயம் வதக்கும் போது சிறிதளவு சர்க்கரை சேர்த்தால் வெங்காயம் சீக்கிரமாக வதங்கி விடும்

வெண்டைக்காய் பொரியல் செய்யும் போது சிறிதளவு எலுமிச்சை சாறு சேர்த்தால் வெண்டைக்காய் பாத்திரத்தில் ஒட்டாமல் இருக்கும்

சிறிதளவு வெல்லத்தை நல்லெண்ணெய் பாட்டிலில் போட்டு வைத்தால் சிக்கு வாடை வராமல் இருக்கும்

சிறிது துண்டு வெல்லத்தை நெய்யில் போட்டு வைத்தால் நெய் சீக்கிரம் கெடாமல் இருக்கும்

சப்பாத்தி மாவு கருத்து போகாமல் இருக்க பிளாஸ்டிக் டப்பாவில் வைத்து ஃப்ரிட்ஜில் வைக்க வேண்டும்