தி கோட் படத்தின் முதல் நாள் வசூலை மிஞ்சியதா விடாமுயற்சி?

சுமார் 2 ஆண்டுகள் இடைவெளியில் அஜித்குமார் நடிப்பில் உருவான விடாமுயற்சி திரைப்படம் நேற்று திரையரங்குகளில் வெளியானது.

லைகா தயாரிப்பில் மகிழ் திருமேனி இயக்கத்தில் உருவாகியுள்ள இப்படத்தில், த்ரிஷா, அர்ஜுன், ரெஜினா மற்றும் ஆரவ் என பெரும் நட்சத்திர கூட்டமே நடித்துள்ளது. அனிருத் இப்படத்திற்கு இசையமைத்துள்ளார்.

விடாமுயற்சி படத்தின் மீது பெரும் எதிர்பார்ப்பு இருந்த நிலையில், நேற்று வெளியான படம் கலவையான விமர்சனங்களையே பெற்றுள்ளது.

கடந்த 2023ம் ஆண்டு வெளியான அஜித்தின் துணிவு படம் முதல் நாளிலேயே 23 கோடி ரூபாய் வசூலித்ததாகக் கூறப்படுகிறது.

இந்திலையில், விடாமுயற்சி திரைப்படம் முதல் நாளிலேயே ஒட்டுமொத்தமாக உலகம் முழுவதும் ரூ.46 முதல் ரூ.50 கோடி வரை வசூல் செய்து இருக்கலாம் என கூறப்படுகிறது.

அதேநேரம், விஜய் நடிப்பில் கடைசியாக வெளியான தி கோட் திரைப்படம் முதல் நாளிலேயே உலகளவில் ரூ.126.32 கோடி வசூலித்ததாக படக்குழு அறிவித்தது குறிப்பிடத்தக்கது.