4 வருட ரசிகர்கள் காத்திருப்பு - வாடிவாசல் அப்டேட் கொடுத்த வெற்றிமாறன்!
சூர்யா நடிப்பில் உருவாகும் வாடிவாசல் திரைப்படத்தின் படப்பிடிப்பை பற்றி 4 வருடங்களுக்குப் பின், உறுதியான அப்டேட்டைக் கொடுத்தார் வெற்றிமாறன்
2021இல், அசுரன் பட வெற்றிக்குப் பின், வாடிவாசல் திரைப்படம் சூர்யா நடிப்பில் தயாராக போவதாக கூறினார்
சி.சு செல்லப்பா எழுதிய நாவலை மையப்படுத்தி இப்படத்தை இயக்க உள்ளதாக இருந்தார் வெற்றிமாறன்
ஜல்லிக்கட்டை மையமாக கொண்ட கதை என்பதால் முன்னேற்பாடுகள் தேவையாக இருந்தது
இதற்காக நடிகர் சூர்யா ஒரு காளையை வளர்த்து, அதனுடன் பயிற்சி செய்தும் வந்துள்ளார்
சில ஆபத்துக்களை தவிர்க்க சிஜி முறையில் எடுக்க, படத்திற்கு என்றே தனியாக அனிமேட்ரானிக்ஸ் தொழில்நுட்பத்தில் இயங்கும் காளை ஒன்றையும் படக்குழு தயார் செய்து வருகிறது.
வெற்றிமாறன் விடுதலை 2 படத்தில் பிஸியாக இருந்ததால், இந்த படம் கிடப்பில் இருந்துள்ளது. விடுதலை 2 ரிலீஸ் பிறகு, 2025 தொடக்கத்தில் வாடிவாசல் படத்தின் அறிவிப்பை வெளியிட்டார் கலைப்புலி தாணு
ஜி.வி பிரகாஷும் படத்திற்கான இசை வேலைகளை ஆரம்பித்துள்ளதாக தெரிவித்துள்ளார்
தற்போது கல்லூரி நிகழ்வில் கலந்து கொண்ட வெற்றிமாறன், வாடிவாசல் திரைப்படத்தின் படப்பிடிப்பு மே, ஜூன் மாதங்களில் தொடங்கும் என அப்டேட் கொடுத்துள்ளார்