2025 இல் அதிகம் வசூலை அள்ளிய தமிழ் திரைப்படங்கள்
Published by: ABP NADU
2025 இல் வெளியான தமிழ் திரைப்படங்களில் அதிக வசூல் செய்த திரைப்படங்களின் பட்டியலை இங்கு காணலாம்
விடாமுயற்சி
மகிழ் திருமேனி இயக்கத்தில், அஜித்-த்ரிஷா இணைந்து நடித்த இப்படம் பிப்ரவரி 6, 2025 அன்று திரையரங்குகளில் வெளியானது. இதன் மொத்த உலகளாவிய வசூல் ரூ.150 கோடியாகும்.
மத கஜ ராஜா
சுந்தர்.சி இயக்கத்தில் விஷால், சந்தானம், அஞ்சலி, வரலட்சுமி ஆகியோர் முக்கிய பாத்திரங்களில் நடித்த இந்த திரைப்படம் ஜனவரி 12, 2025 அன்று வெளியானது. இதன் உலகளாவிய வசூல் ரூ.56 கோடியாக பதிவாகியுள்ளது.
குடும்பஸ்தன்
ராஜேஷ்வர் காளிசாமி இயக்கத்தில் மணிகண்டன் நடித்த இந்த நகைச்சுவை திரைப்படம், ஜனவரி 24, 2025 அன்று திரையரங்குகளை வந்தடைந்தது. இதன் மொத்த உலகளாவிய வசூல் ரூ.22 கோடியாகும்
காதலிக்க நேரமில்லை
ஜெயம் ரவி முன்னணி கதாபாத்திரத்தில் நடித்த இப்படத்தை கிருத்திகா உதயநிதி இயக்கியுள்ளார். ஜனவரி 14, 2025 அன்று வெளியான இத்திரைப்படம் ரூ.16.50 கோடி உலகம் முழுவதும் வசூலித்தது.
வணங்கான்
அருண் விஜய் நடித்த இத்திரைப்படம் ஜனவரி 10, 2025 அன்று திரையரங்குகளில் வெளிவந்து, உலகளாவிய அளவில் ரூ.13 கோடி வசூலித்துள்ளது.