நடிகை அபிநயாவுக்கு திருமணம்- க்யூட் புகைப்படங்கள்!

நீண்ட நாள் காதலருடன் ‘நாடோடிகள்’ நடிகை அபிநயாவுக்கு திருமணம் நடந்து முடிந்துள்ளது.

நடிகை அபிநாயா தமிழ், தெலுங்கு, கன்னடம், மலையாளம் என பல்வேறு மொழி படங்களில் நடித்துள்ளார்.

தமிழில் சமுத்திரக்கனி இயக்கத்தில் வெளியான ‘நாடோடிகள்’ படத்தின் மூலம் அறிமுகமானார் அபிநயா. அதனைத் தொடர்ந்து ’ஈசன்’, ‘7-ம் அறிவு’, ‘வீரம்’, ‘பூஜை’, ‘தாக்க தாக்க’, ‘குற்றம் 23’ உள்ளிட்ட பல படங்களில் நடித்துள்ளார்.

முதன்மைக் கதாபாத்திரத்தில் நடித்த ’பனி’ நல்ல வரவேற்பை பெற்றது. இவர் சமீபத்தில் நீண்ட நாள் காதலை திருமணம் செய்ய நிச்சயம் செயப்பட்டுள்ளதாக புகைப்படம் மூலம் அறிவித்திருந்தார்.

வெகசனா கார்த்திக் என்பவரை அபிநயா நேற்று (ஏப். 16, 2025) திருமணம் செய்துகொண்டார். தனது இன்ஸ்டாகிராமில் புகைப்படங்களைப் பகிர்ந்துள்ளார்.

இந்தப் பதிவுக்கு பல்வேறு திரையுலக பிரபலங்கள் வாழ்த்து தெரிவித்து வருகிறார்.

இருவரும் திருமணத்திற்கு முந்தைய மெஹந்தி கொண்டாட்ட புகைப்படங்களையும் பகிந்திருந்தனர்.

அபிநயா - கார்த்திக் திருமண புகைப்படங்களுக்கு ரசிகர்கள் மகிழ்ச்சியுடன் வாழ்த்து தெரிவித்து வருகின்றனர்.

அபிநயா - கார்த்திக் இருவருக்கும் திருமண வாழ்த்துகள்..