5 முக்கிய வீரர்கள் அணியை விட்டு வெளியேற காரணம் என்ன தெரியுமா?

’மினி உலகக்கோப்பை’ எனப்படும் சாம்பியன்ஸ் ட்ராஃபி தொடர் பிப்ரவரி 19 முதல் மார்ச் 9 வரை நடைபெற உள்ளது.

உலகக்கோப்பைக்கு அடுத்த பெரிய தொடர் என்பதால் கோப்பையை வெல்ல அனைத்து அணிகளும் தீவிரமாக உள்ளனர்.

இந்த தொடருக்கான அணிகளும் அறிவிக்கப்பட்டுவிட்ட நிலையில், ஆஸ்திரேலியாவின் 5 முக்கிய வீரர்கள் தவிர்க்கமுடியாத காரணங்களுக்காக தொடரிலிருந்து விலகியுள்ளனர்.

ஆஸ்திரேலிய அணியின் கேப்டன் பேட் கம்மின்ஸ் காலில் ஏற்பட்ட காயம் காரணமாக போட்டியிலிருந்து விலகினார்.

பந்து வீச்சாளர் ஜோஷ் ஹேசில்வுட்டும் காயம் காரணமாக போட்டியில் இருந்து விலகினார்.

மிட்ச்செல் மார்ஷ் முதுகுவலி காரணமாக சாம்பியன்ஸ் கோப்பைக்கான போட்டியில் இருந்து விலகினார்.

அணியின் ஆல் ரவுண்டரான மார்கஸ் ஸ்டோயினிஸ் ஒரு நாள் தொடரிலிருந்து ஓய்வு பெறுவதால் சாம்பியன்ஸ் கோப்பை போட்டியில் விளையாட மாட்டார்.

இந்நிலையில், அணியின் முன்னணி வேகப்பந்து வீச்சாளர் மிட்செல் ஸ்டார்க் தனிப்பட்ட காரணங்களுக்காக போட்டியில் இருந்து விலகுவதாக அறிவித்துள்ளார்.

ஆஸ்திரேலிய அணியின் முக்கிய வீரர்கள் 5 பேர் போட்டியிலிருந்து விலகியது அணிக்கு பெரும் பின்னடைவாக அமைந்துள்ளது.