GG-W Vs MI-W WPL 2023 Live:143 ரன்கள் வித்தியாசத்தில் பிரம்மாண்ட வெற்றி..! அசத்தலாக ஐ.பி.எல்.-யை தொடங்கிய மும்பை
மகளிர் ஐ.பி.எல். கிரிக்கெட்டின் முதல் போட்டியான குஜராத் - மும்பை அணிகள் ஸ்கோர் நிலவரங்களை உடனுக்குடன் கீழே காணலாம்.
மகளிர் ஐ.பி.எல். கிரிக்கெட் முதல் சீசனின் முதல் போட்டியில் குஜராத் அணியை 143 ரன்கள் வித்தியாசத்தில் வீழ்த்தி மாபெரும் வெற்றியுடன் இந்த சீசனை மும்பை அணி தொடங்கியுள்ளது.
3 ஓவர்கள் முடிவில் 3 விக்கெட் இழப்புக்கு 8 ரன்கள் எடுத்துள்ளது குஜராத்.
குஜராத் அணிக்கு எதிராக முதலில் பேட் செய்த ஹர்மன்பிரீத் கவுர், மேத்யூஸ் அதிரடியால் மும்பை அணி 207 ரன்களை குவித்துள்ளது.
மும்பை இந்தியன்ஸ் அணியின் கேப்டன் ஹர்மன்பிரீத் கவுர் 30 பந்துகளில் 65 ரன்கள் விளாசி ஆட்டமிழந்தார்.
குஜராத் அணிக்கு எதிராக அதிரடி காட்டிய மேத்யூஸ் அரைசதம் அடிப்பார் என்று எதிர்பார்த்தபோது 47 ரன்களில் அவுட்டானார். தற்போது ஹர்மன்பீரத் - கெர் ஜோடி சேர்ந்துள்ளனர்.
மும்பை அணிக்காக அதிரடி காட்டிய ஷிவர் பிரண்ட் 23 ரன்களுக்கு அவுட்டானார். இதனால், ஆட்டத்தில் திருப்பம் ஏற்படுமா? என்று எதிர்பார்க்கப்படுகிறது.
குஜராத் அணிக்கு எதிரான ஆட்டத்தில் மும்பை அணியின் மேத்யூஸ் - ஷிவர்பிரண்ட் அதிரடியில் கலக்கி வருகின்றனர். இதனால், விக்கெட் எடுக்க குஜராத் முயற்சி காட்டி வருகிறது.
மும்பை அணி முதல் ஓவரிலே விக்கெட்டை இழந்தாலும் பவர்ப்ளேவான 6 ஓவர்கள் முடிவில் 44 ரன்களை எடுத்துள்ளது. ஷிவர்பிரண்ட் - மேத்யூஸ் ஜோடி அதிரடியாக ஆடி வருகிறது.
மும்பை அணிக்காக பேட்டிகங்கைத் தொடங்கிய யாஸ்திகா பாட்டியா 1 ரன்களில் ஆட்டமிழந்தார்.
ஒரு ஓவர் முடிவில் மும்பை அணி இரண்டு ரன்களை எடுத்துள்ளது.
மகளிர் ஐ.பி.எல். கிரிக்கெட்டின் முதல் போட்டியில் டாஸ் வென்ற குஜராத் ஜெயண்ட்ஸ் அணி டாஸ் வென்று பந்துவீச்சைத் தேர்வு செய்துள்ளது.
முதல் மகளிர் ஐ.பி.எல். கிரிக்கெட் என்பதால் டெல்லி டி.ஒய். பாட்டீல் மைதானத்தில் ஏராளமான ரசிகர்கள் குவிந்துள்ளனர். மேலும், கண்ணை கவரும் கலைநிகழ்ச்சிகளுக்கும் ஏற்பாடுகள் செய்யப்பட்டுள்ளது.
அஞ்சும் சோப்ரா, பூனம் ரவுத், ரீமா மல்ஹோத்ரா, வேதா கிருஷ்ணமூர்த்தி, நட்டாலி ஜெர்மானோஸ், மெல் ஜோன்ஸ், கேட் கிராஸ், ஜாகீர் கான், ஆகாஷ் சோப்ரா, வெங்கடேஷ் பிரசாத், சபா கரீம், அபினவ் முகுந்த் மற்றும் பார்த்திவ் பட்டேல் ஆகியோர் இப்போட்டியின் விரிவான நிபுணர்கள் குழுவில் இடம்பெறுகின்றனர்.
Background
மகளிர் பிரிமியர் லீக் கிரிக்கெட் போட்டி இன்று மும்பையில் தொடங்குகிறது.
சம்மர் வந்துவிட்டாலே அது அனல் பறக்கும் ஐபிஎல்-க்கான காலம் என அனைவரது மனதில் பதியும் அளவிற்கு கடந்த 15 ஆண்டுகளாக ஐபிஎல் இந்திய கிரிக்கெட் வாரியத்தால் நடத்தப்பட்டு வருகிறது. பணம் அதிகம் புழங்கும் களம் என்பதால் ஐபிஎல் போட்டிக்கு என தனி மவுசே இங்கு உள்ளது எனலாம். அவ்வரிசையில் இன்று புதிய அத்தியாயமாக மகளிருக்கான 20 ஓவர் பிரிமியர் லீக் போட்டி இன்று தொடங்குகிறது.
தொடக்க நாள் என்பதால் தொடக்க விழாவுடன் மும்பை டி.ஒய் பாட்டில் மைதானத்தில் முதல் போட்டி நடைபெறவுள்ளது. இதில் மும்பை இந்தியன்ஸ் அணியும் குஜராத் ஜெயிண்ட்ஸ் அணியும் நேருக்கு நேர் மோதிக்கொள்ளவுள்ளன. முதல் மகளிர் பிரிமியர் லீக்கில் மொத்தம் ஐந்து அணிகள் போட்டியிடுகின்றன. மும்பை இந்தியன்ஸ் (MI), ராயல் சேலஞ்சர்ஸ் பெங்களூர் (RCB), டெல்லி கேபிடல்ஸ் (DC), UP வாரியர்ஸ் (WPW) மற்றும் குஜராத் ஜெயண்ட்ஸ் (GG).
இந்திய மகளிர் அணியின் கேப்டன் ஹர்மன்பிரீத் கவுர் எம்ஐ கேப்டனாகவும், தொடக்க வீராங்கனை ஸ்மிருதி மந்தனா ஆர்சிபி மகளிர் அணிக்கு கேப்டனகவும் நியமிக்கப்பட்டுள்ளனர். ஆஸ்திரேலிய மகளிர் அணியின் வெற்றிகரமான கேப்டன் என புகழப்படும் மெக் லானிங் டெல்லி கேப்பிடல்ஸ் அணியை வழிநடத்தவுள்ளார், அதேபோல் பெத் மூனி குஜராத் ஜெயண்ட்ஸ் கேப்டனாக நியமிக்கப்பட்டுள்ளார். அதேபோல் யு.பி வாரியரஸ் அணிக்கு ஆஸ்திரேலிய மகளிர் அணியின் நம்பிக்கை நட்சத்திரம் அலிசா ஹீலி கேப்டனாக நியமிக்கப்பட்டுள்ளார்.
மார்ச் மாதம் 4ஆம் தேதி அதாவது இன்று தொடங்கும் மகளிர் பிரிமியர் லீக்கின் இறுதிப் போட்டி மார்ச் மாதத்தின் 26வது நாளில் இறுதிப் போட்டியுடன் நிறைவு பெறுகிறது. இன்று மாலை 5.30 மணிக்கு தொடங்கும் தொடக்க விழாவில் மகளிர் பிரிமியர் லீக்கிற்கான தீப் பாடலை பாடகர் சங்கர் மகாதேவன் பாடவுள்ளார். மேலும், பாலிவுட் நடிகைகள் கியாரா அத்வானி மற்றும் கிருத்தி சனோன் ஆகியோர் மகளிர் பிரீமியர் லீக் தொடக்க விழாவில் ராப்பரும் பாடகியுமான ஏபி தில்லானுடன் இணைந்து பாடுவார்கள் என்று பிசிசிஐ ஏற்கனவே அறிவித்து இருந்தது.
பிசிசிஐ செயலாளர் ஜெய் ஷா மற்றும் தலைவர் ரோஜர் பின்னி மற்ற பிசிசிஐ நிர்வாகிகளும் மகாராஸ்ட்ரா முக்கிய அரசியல் தலைவர்களும் கலந்து கொள்வார்கள் என எதிர்பார்க்கப்படுகிறது. மகளிர் பிரிமியர் லீக் 2023 தொடக்க விழா நவி மும்பையில் உள்ள டி.ஒய். பாட்டீல் ஸ்டேடியத்தில் மாலை 5.30 க்கு நடைபெறுகிறது. அதேபோல் தொடக்க விழா மற்றும் போட்டியை ஸ்டார் ஸ்போர்ட்ஸ் நெட்வொர்க் மற்றும் ஹாட்ஸ்டாரில் லைவ்வாக காணலாம்.
- - - - - - - - - Advertisement - - - - - - - - -